Պետական վերահսկողական ծառայություն

ՊՎԾ–ն քրեակատարողական ծառայությունում խախտումներ է հայտնաբերել. հարուցվել է քրեական գործ

21
(Թարմացված է 18:27 15.08.2019)
Քրեակատարողական հիմնարկներում կեղծիք կատարելու ու պաշտոնեական լիազորությունները չարաշահելու հիմքով հարուցվել է քրեական գործ։ Գործի վարույթը հանձնվել է ՀՀ հատուկ քննչական ծառայությանը։

ԵՐԵՎԱՆ, 15 օգոստոսի — Sputnik. ՀՀ պետական վերահսկողական ծառայության ուսումնասիրության արդյունքում բացահայտված փաստերով հարուցվել է քրեական գործ։ Այս մասին հայտնում են ՀՀ պետական վերահսկողական ծառայությունից` տեղեկացնելով, որ նախաքննության իրականացման համար քրեական գործն ուղարկվել է ՀՀ հատուկ քննչական ծառայություն։

Քրեական գործը հարուցվել է պաշտոնեական կեղծիք կատարելու ու պաշտոնեական լիազորությունները չարաշահելու հիմքով, որոնք անզգուշությամբ առաջացրել են ծանր հետևանքներ։

Բժշկական համալսարանում խնդիրներ են արձանագրվել.ՊՎԾ–ի հայտարարությանը պատասխանել են ԵՊԲՀ–ից
Թե բացահայտված ինչ փաստերով ու ինչ պաշտոնյաների նկատմամբ է հարուցվել քրեական գործը` Պետական վերահսկողական ծառայությունը չի հստակեցնում։ Հաղորդագրության մեջ նշվում է միայն, որ դրա համար հիմք է հանդիսացել քրեակատարողական ծառայությունում կատարված ուսումնասիրությունը։

Հիշեցնենք, 2019թ.–ի հուլիսի 19-ին Պետական վերահսկողական ծառայությունը հրապարակել էր ՀՀ վարչապետի հանձնարարությամբ «Նուբարաշեն», «Վարդաշեն» և «Սևան» ՔԿՀ-ներում իրականացված ընթացիկ շինարարական աշխատանքների ուսումնասիրության արդյունքները։

Կատարված մշտադիտարկումներով պարզվել էր, որ մի շարք կապալառու կազմակերպությունների միջև 2018 թվականի դեկտեմբեր ամսին կնքված պայմանագրերով նախատեսված շինարարական աշխատանքները մեկնարկել են նախագծա-նախահաշվային փաստաթղթերով սահմանված նորմատիվների և կանոնների բազմաթիվ խախտումներով։ Արդյունքում` կառավարության պահուստային ֆոնդից տրամադրված շուրջ 160 մլն. ՀՀ դրամի նպատակին օգտագործումը կասկածի տակ էր առնվել։

21
թեգերը:
Քրեական գործ, Պետական վերահսկողական ծառայություն (ՊՎԾ)
Ըստ թեմայի
Աղմուկ հանած քրգործում շրջանառում է նաև գործարար Սամվել Ալեքսանյանի անունը. «168 ժամ»
Պոպուլիստական է. Օսիպյանը` ոստիկանությունում ՊՎԾ–ի հայտնաբերված խախտումների մասին
Իշխանության ներսում պայքար է ընթանում. Փաշինյանը փորձում է «սառեցնել» իրավիճակը