Գյումրի, ստորագրահավաք ընդդեմ Ստամբուլյան կոնվենցիայի

Ստամբուլյան կոնվենցիայի դեմ ստորագրահավաքը հասավ Գյումրի. էլ ի՞նչ են անելու նախաձեռնողները

149
(Թարմացված է 20:45 14.08.2019)
«Ստամբուլյան կոնվենցիայի» վավերացման դեմ ստորագրահավաքի նախաձեռնությունն ընդլայնել է աշխարհագրությունը: Այս օրերին նախաձեռնողները գյումրեցիներին առաջարկում են միանալ ստրագրահավաքին: Sputnik Արմենիայի թղթակիցը հետևել է այդ ընթացքին:

ԵՐԵՎԱՆ, 24 հունիսի — Sputnik, Արմենուհի Մխոյան. Արդեն մի քանի օր է, ինչ հայկական արժեքների պաշտպանության «Կամք» հասարակական նախաձեռնությունը Ստամբուլյան կոնվենցիայի վավերացման դեմ ստորագրահավաք է իրականացնում նաև Շիրակի մարզկենտրոն Գյումրիում՝ Ռիժկովի ճեմափողոցում:

Նախաձեռնության համակարգող  խորհրդի  անդամ Արթուր Արամյանը Sputnik Արմենիայի հետ զրույցում նշեց, որ Գյումրիում բնակիչներն ակտիվ մասնակցում են ստորագրահավաքին, թեև  շատ են նաև նրանք, ովքեր  տեղյակ չեն կոնվենցիայի մասին: «Մենք  նաև իրազեկում ենք: Շատերը  տեղյակ չեն կոնվենցիայի մասին»,-ասաց Արթուր Արամյանը:

Участники общественной инициативы Камк проводят петицию против ратификации Стамбульской конвенции (14 августа 2019). Гюмри
© Sputnik / Armenuhi Mkhoyan
Գյումրի, ստորագրահավաք ընդդեմ Ստամբուլյան կոնվենցիայի

Ստամբուլյան կոնվենցիայի և փաստաթղթի վավերացման դեպքում, ըստ «Կամք»-ի ներկայացուցիչների՝ տրամաբանական շարունակության մասին նրանք տեղեկացնում էին գյումրեցիներին: Ընթացքում  գյումրեցիների մեծ մասն անմիջապես համաձայնում էր  ստորգարել ընդդեմ այդ կոնվենցիայի վավերացման: Ստորագրահավաքին միացած քաղաքացիների կոնկրետ թիվ նախաձեռնող խբի անդամններն այս պահին չցանկացան հրապարակել, բայց վստահեցրին, որ մոտ 3  ժամվա ընթացքում ավելի քան 300 քաղաքացի է ստորագրել կոնվենցիան չվավերացնելու պահանջի տակ:

Ստորագրահավաքին միացավ նաև 65-ամյա  տիկին Ռոզան: Նա նաև կոչ արեց գյումրեցիներին միանալ այդ գործին: Բացատրելով իր արձագանքը, տիկինը նկատեց. «Աղջիկ ջա՛ն, այդպիսի բան ո՞վ է տեսել, էն էլ  Հայաստանում: Ինչպե՞ս թե՝  տղամարդը տղամարդու հետ կամ կինը՝ կնոջ հետ ամուսնանա, մի հատ էլ հետո  երեխա որդեգրեն: Դա խուժանություն է: Ես կոչ եմ անում խելքի գալ»:

65-летняя жительница Гюмри, тетя Роза
© Sputnik / Armenuhi Mkhoyan
Գյումրի, ստորագրահավաք ընդդեմ Ստամբուլյան կոնվենցիայի

Մեկ այլ գյումրեցի՝ Արթուր Մկրտչյանը փոքր-ինչ այլ կերպ ներկայացրե իր կարծիքը. «Նմանատիպ կոնվենցիայի վավերացումը խաթարելու է ազգային ընտանիքի, հասարակության  կայունությունը, և ընդհանրապես հարիր չէ  հայ հասարակությանը, դեմ է հայի մենթալիտետին և արժեհամակարգին, սա  դրսի ուժերի կողմից երկրի քայքայմանն ու թուլացմանն ուղղված գործընթաց է: ՀՀ-ում, այսպես թե այնպես, կա ընտանեկան բռնության նկատմամբ բավական լուրջ  օրենսդրական վերաբերմունք, կան սահմանված պատիժներ, կան սահմանադրություն կետեր: Այնպես որ, կոնվենցիայի կարիքը չկա, ավելի շատ դա  սեռական քարոզ է»:

Участники общественной инициативы Камк проводят петицию против ратификации Стамбульской конвенции (14 августа 2019). Гюмри
© Sputnik / Armenuhi Mkhoyan
Գյումրի, ստորագրահավաք ընդդեմ Ստամբուլյան կոնվենցիայի

Ըստ ստորագրահավաքի նախաձեռնողների, Ստամբուլյան կոնվեցիայի հիմքում ընտանիքում ու կանանց նկատմամբ բռնության դեմ պայքարի վերնագրով իրականում քողարկված է նպատակաուղղված քարոզ նույնասեռական զույգերի լեգիտիմացմանը, գենդերային հիմքով բռնության, գենդերային խտրականության դրսևորման և այլնի: «Պաշտոնատարները ասում են, որ կոնվենցիայում նման բաներ գրված չեն»,-նկատում է Արթուր Արամյանը, հավելելով, որ իրենք էլ իրենց հերթին վերլուծում են խնդրո առարկա փաստաթղթի բովանդակությունը, պահանջները, նշելով, որ դրանց տրամաբանական շարունակությունը հենց ազգային արժեքները վտանգող երևույթների ամրագրումն է: Նա կարծում է նաև, որ այդ կոնվենցիան իրականում սպառնում է հատկապես փոքրաթիվ ազգերին՝ ինչպես ժողովրդավարական, այնպես էլ ազգային ավանդույթների պահպանման առումով:

Նախաձեռնողները նշում են, որ պատրաստվում են այցելել հանրապետության այլ մարզեր ևս:

149
թեգերը:
ստորագրահավաք, Գյումրի, Ստամբուլյան կոնվենցիա, Հայաստան
թեմա:
Ստամբուլյան կոնվենցիա (19)
Ըստ թեմայի
Բադալյան. «Ստամբուլյան կոնվենցիան PR զենք է իշխանության և ընդդիմության համար»
Կոնվենցիան վտանգի տակ չի առնում ազգային ավանդույթներն ու արժեքները. նախարարություն
Կծելուց ու կսմթելուց մինչև բռնաբարություն. ինչ է ընտանեկան բռնությունն ու ինչու չլռել