Սիրիա մարդասիրական օգնություն է ուղարկվել

Շաքարավազ, մսի ու ձկան պահածո. Սիրիա մարդասիրական օգնություն է ուղարկվել

48
(Թարմացված է 14:12 13.08.2019)
Ռուս-հայկական մարդասիրական արձագանքման կենտրոնի կողմից 140 տոննա մարդասիրական օգնություն է ուղարկվել Սիրիա։

ԵՐԵՎԱՆ, 13 օգոստոսի— Sputnik. Հայաստանի և Ռուսաստանի կառավարությունների համատեղ որոշմամբ Սիրիա է ուղարկվել ռուս-հայկական մարդասիրական արձագանքման կենտրոնի կողմից տրամադրված հերթական մարդասիրական օգնությունը: Այս մասին տեղեկանում ենք ՀՀ արտակարգ իրավիճակների նախարարության պաշտոնական կայքից։


«Օգնությունը ուղարկվել է հայ-ռուսական մարդասիրական արձագանքման կենտրոնի միջոցների հաշվին: Մարդասիրական օգնությունը նախատեսված է Սիրիայի բնակչության համար, որը տուժել է ռազմական կոնֆլիկտի հետևանքով»,–նշված է հաղորդագրության մեջ։
Արտակարգ իրավիճակների նախարար Ֆելիքս Ցոլակյանը հայտնել է, որ 9 բեռնատարներում բեռնված մարդասիրական օգնություն է ճանապարհվել դեպի Սիրիա: Ցոլակյանի խոսքով` 140 տոննա բեռ է ուղարկվել Սիրիա։
«Այն պարունակում է մսի պահածո՝ 52,5 տոննա, ձկան պահածո՝ 35 տոննա, 40 տոննա շաքարավազ, ինչպես նաև չոր օրապահիկ՝ մոտ 14,5 տոննա քաշով»,–ասում է նախարարը։
Հայկական և ռուսական կողմերի ներկայացուցիչները մարդասիրական օգնությունը հանձնելու են Սիրիայի կարմիր մահիկի ներկայացուցչությանը, որի միջոցով էլ պետք է իրականացվի հետագա բաշխումը:

48
թեգերը:
Սիրիա, Հայաստան
Ըստ թեմայի
Սիրիայի Մեծ Մուֆթին ՀՀ իշխանություններին և ժողովրդին փոխանցել է իրենց երախտագիտությունը
Բժշկական պարագաներ` Հալեպի Հայ ծերանոցին և զինվորական հոսպիտալին
Հալեպի մանուկների համար հավաքած խաղալիքները հանձնվեցին հասցեատերերին
Ականազերծված տարածք, փրկված կյանքեր. Փաշինյանը հանդիպել է Սիրիա մեկնած հայ մասնագետներին
8534 քմ ականազերծված տարածք, 597 բուժօգնություն ստացած մարդ. հայ մասնագետները Սիրիայում