Դիրքեր

Ադրբեջան անցած զինծառայող Արայիկ Ղազարյանը Եղեգիսի բնակիչ է. նոր մանրամասներ

5194
(Թարմացված է 20:32 12.08.2019)
Արայիկը վերջերս էր արձակուրդ եկել տուն, նրան տեսնողներն ասում են, որ շատ լավ տրամադրություն ուներ, չէր դժգոհում ծառայությունից։ Անգամ խոսում էր ապագայի ծրագրերի մասին, որոշել էր ծառայությունից հետո կրթություն ստանալ և ծրագրավորող դառնալ։

ԵՐԵՎԱՆ, 12 օգոստոսի — Sputnik. Մարտական դիրքը լքած 19–ամյա զինծառայող Արայիկ Ղազարյանը Վայոց Ձորի մարզի Եղեգիս համայնքի բնակիչ է։

Sputnik Արմենիայի տեղեկություններով` նա այս տարվա հունվար ամսին էր զորակոչվել բանակ։ Արայիկը մեկ եղբայր ունի, որը պայմանագրային զինծառայող է։

Մեր տեղեկություններով` Արայիկը վերջերս էր արձակուրդ եկել տուն, նրան տեսնողներն ասում են, որ շատ լավ տրամադրություն ուներ, չէր դժգոհում ծառայությունից։ Անգամ խոսում էր ապագայի ծրագրերի մասին, որոշել էր ծառայությունից հետո կրթություն ստանալ և ծրագրավորող դառնալ։

Հիշեցնենք, որ Արցախի ՊԲ–ն հայտնել էր, որ այսօր` ժամը 12:00-ի սահմաններում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000թ. ծնված Արայիկ Ղազարյանը։

Դեպքի մանրամասները պարզելու համար կատարվում է քննություն:

5194
թեգերը:
Ադրբեջան, Զինվոր, Լեռնային Ղարաբաղ, Արցախ, Հայաստան
Ըստ թեմայի
Զինծառայողը փախել է հիվանդանոցից. նա չի պատրաստվում զորամաս վերադառնալ
Վիրավոր զինծառայողը վնասվածք է ստացել կրծքավանդակի շրջանում. նրան Երևան են տեղափոխում
Հայաստանում զոհված զինծառայողը 1.5 տարի առաջ էր ՌԴ–ից վերադարձել. մանրամասներ
Պոլիկլինիկա

Երևանի քաղաքապետարանը 100 միլիոն դրամ կհատկացնի COVID-19-ի դեմ պայքարող բուժաշխատողներին

22
(Թարմացված է 20:42 09.07.2020)
Պարգևատրումներից կօգտվի նաև համայնքային պոլիկլինիկաների բուժանձնակազմը։

ԵՐԵՎԱՆ, 9 հուլիսի - Sputnik. Երևանի քաղաքապետ Հայկ Մարությանի որոշմամբ՝ քաղաքապետարանի պարգևատրման ֆոնդից 100 միլիոն դրամ կհատկացվի համայքային ենթակայության բուժհաստատությունների աշխատակիցներին, որոնք ներգրավված են կորոնավիրուսային համավարակի դեմ պայքարում: Այս մասին Facebook-ի իր էջում հայտնել է քաղաքապետարանի մամուլի խոսնակ Հակոբ Կարապետյանը։

«Կպարգևատրվեն Երևանի համայնքային բուժաշխատողները, այդ թվում նաև պոլիկլինիկաների բուժանձնակազմը», - գրել է նա։

Հիշեցնենք՝ հուլիսի 9-ի դրությամբ Հայատանում կորոնավիրուսով վարակվածների թիվը հասել է 30 346–ի։ Բուժվել են 18 000–ը, մահացել՝ 535–ը: Այս պահին փաստացի բուժում է ստանում 11 641 պացիենտ, ընդհանուր առմամբ կատարվել է 129 166 թեստավորում:

22
թեգերը:
Հայկ Մարության, Հակոբ Կարապետյան, պոլիկլինիկա, պարգևատրում, պարգևավճար, Երևանի քաղաքապետարան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսը նոր թափ է հավաքում. ԱՀԿ–ն հետաքրքրվել է Сovid-19–ի ռուսական պատվաստանյութով
Կայուն, բայց ծանր. Թորոսյանը խոսեց Հայաստանում կորոնավիրուսային իրավիճակից
Կորոնավիրուսը հասավ Գյումրու ծերանոց. 151 շահառուից 55-ի թեստի պաատասխանը դրական է
Հայաստանցի վարորդի մոտ կորոնավիրուս են հայտնաբերել Վրաստանում
Արման Թաթոյան

ՄԻՊ-ը ռեստորանային ոլորտի հետ կապված 2 դիմում է ներկայացրել պարետին

24
(Թարմացված է 19:17 09.07.2020)
ՄԻՊ դիմումներում ներառվել են ռեստորանային ոլորտի աշխատակիցների դժգոհություններն ու առաջարկները։

ԵՐԵՎԱՆ, 9 հուլիսի - Sputnik. ՄԻՊ-ը ռեստորանային ոլորտի հետ կապված գրություններ է հասեցագրել պարետատուն։ Տեղեկությունը հայտնում են ՀՀ ՄԻՊ գրասենյակից։

Գրություններից մեկը վերաբերում է դեռ մայիսի 20-ին կառավարության շենքի մոտ տեղի ունեցած բողոքի ակցիային, որի ընթացքում ռեստորանային ոլորտի ներկայացուցիչների բարձրացրած խնդիրներն արձանագրվել են և ՄԻՊ-ը համապատասխան գրություն է ուղարկել պարետին: Այդ գրության հիմքում դրվել են նաև Մարդու իրավունքների պաշտպանին հասեցագրված բողոքները:

«Մասնավորապես, բողոքի ակցիայի մասնակիցները, ինչպես նաև պաշտպանին բողոք ներկայացրած անձինք խնդրել են թույլատրել նաև բացօթյա տարածքներ չունեցող ռեստորանների և սրճարանների ամբողջ ծավալով գործունեությունը՝ անվտանգության կանոնները պահպանելու պայմանով։ Ըստ բողոքների՝ իրենց մտահոգությունները պայմանավորված են ռեստորանային ոլորտի սեզոնային շահութաբերությամբ: Դրանից բացի, ռեստորանները ստացել են նաև կանխավճարներ և գործող սահմանափակումների պատճառով հնարավորություն չունեն կանխատեսելու իրենց հետագա գործողությունները»,- նշված է հաղորդագրության մեջ:

Մարդու իրավունքների պաշտպանին բողոքներ են հասեցագրվել նաև այն մասին, որ ռեստորանների և սրճարանների չգործելու հետևանքով տուժում են ոչ միայն տնտեսվարողները, այլև դրանց հետ փոխկապակցված այլ ծառայություններ՝ շղթայական ազդեցությամբ (հարսանյաց զգեստների սրահները, դիմահարդարման, վարսահարդարման, տեսաձայնագրման ծառայությունները, պարային խմբերը, երաժիշտները, երգիչները, հանդիսավարները, խոհարարները և այլն):

Սրճարաններում և ռեստորաններում նոր խստացումներ կլինեն

Օմբուդսմանի գրասենյակից տեղեկացնում են, որ կառավարության շենքի մոտ այսօր տեղի ունեցած բողոքի ակցիան ևս գտնվել է Մարդու իրավունքների պաշտպանի աշխատակազմի մշտադիտարկման ներքո: Նկարագրված հարցերի առնչությամբ այսօր ևս մեկ գրություն ուղարկվել է պարետատուն։

«Կառավարության շենքի մոտ այսօր բողոքի ակցիա իրականացնող ռեստորանային ոլորտի աշխատակիցներին բերման ենթարկելու առնչությամբ, Մարդու իրավունքների պաշտպանի հանձնարարությամբ, արագ արձագանքման խումբ է մեկնել ՀՀ ոստիկանության բաժին»,- հայտնում են ՄԻՊ գրասենյակից։

Նշվում է, որ ՄԻՊ աշխատակիցները հանդիպել և առանձնազրույցներ են ունեցել վարչական ձերբակալման ենթարկված և Ոստիկանության բաժնում գտնվող քաղաքացիների հետ: Ուսումնասիրվել են նրանց Ոստիկանություն բերելու, վարչական ձերբակալման ենթարկելու հիմքերը, իրավունքների ապահովման վիճակը։

Ռեստորանների հայկական միությանը խիստ անհանգստացրել է Թորոսյանի կոչը. նրանք առաջարկ ունեն

Հիշեցնենք՝ ռեստորանային ոլորտի մի խումբ աշխատակիցներ այսօր բողոքի ակցիա էին կազմակերպել կառավարության շենքի դիմաց։ Նրանք վարչապետի հետ հանդիպում էին պահանջում՝ իրենց հետագա քայլերը հասկանալու համար, սակայն մինչ կառավարությունը կարձագանքեր հավաքվածների պահանջին, ոստիկանությունը զգուշացրեց, որ հավաքն անօրինական է ու բերման ենթարկեց մասնակիցներից մի քանիսին:

 

24
թեգերը:
Հայաստան, Բողոքի ակցիա, պարետ, դիմում, սրճարան, Ռեստորան, Արման Թաթոյան, ՀՀ ՄԻՊ
Ըստ թեմայի
Ի՞նչ է լինելու Հայաստանի ռեստորաններում ու սուպերմարկետներում արտակարգ դրությունից հետո
​​«Սրճարանների, ռեստորանների բացումը հուշում է երջանիկ օրերի վերադարձի մասին». Մակրոն
Մոսկվայի սրճարանում թոշակառու կինը նվագել է «Արեգակին պետք է հեռվից նայել» երգը. տեսանյութ
Հայ ռեստորանատերը խորհուրդներ է տալիս լեհ նախարարներին, հյուրընկալում փոխվարչապետին
Медработники в коридоре медицинского центра Сурб Асвацамайр

Ողբերգական դեպք Երևանում․ վրաերթի հետևանքով 3 տարեկան փոքրիկ է մահացել

0
Դեպքը տեղի է ունեցել Վահագնի թաղամասում։ Երեխային հիվանդանոց է տեղափոխել նրան վրաերթի ենթարկած վարորդը։

ԵՐԵՎԱՆ, 9 հուլիսի - Sputnik. Երևանի Վահագնի թաղամասում 3-ամյա երեխան վրաերթի զոհ է դարձել։ Տեղեկությունը հայտնում է shamshyan.com-ը։

Վարորդը հետընթաց է կատարել և անզգուշաբար վրաերթի ենթարկել երեխային, ապա նրան «Արմենիա» ԲԿ է տեղափոխել։

Փոքրիկը, գիտակցության չգալով, հիվանդանոցում մահացել է։ Ոստիկանությունն ու քննչական բաժինը պարզում են մահացած երեխայի և վարորդի ինքնությունը։

0