Ժաննա Լևինա

Էլեգանտ ընկերուհու հետ ոչնչից չեմ վախենում. Մարտիրոսյանի կինը հիացրել է հետևորդներին

260
(Թարմացված է 01:12 12.08.2019)
Հայտնի երգիծաբանի կինը կարճ զգեստով լուսանկար է հրապարակել:

ԵՐԵՎԱՆ, 11 օգոստոսի - Sputnik. Հաղորդավար ու երգիծաբան Գարիկ Մարտիրոսյանը կինը` Ժաննա Լևինան, Instagram-ի իր էջում ընկերուհու հետ լուսանկար է հրապարակել` ցուցադրելով գեղեցիկ կազմվածքը: Այս օրերին նրանք իրենց հանգիստն են անցկացնում Իտալիայում:

View this post on Instagram

A post shared by Janna Levina (@jannalevina_martirosyan) on

«Այսպիսի էլեգանտ ընկերուհու հետ ես չեմ վախենում հորդառատ անձրևից կամ կիզիչ արևից»,-լուսանկարին կից գրել է Լևինան:

Ժաննայի էջի հետևորդներին գերել է ոչ միայն Իտալիան, այլև աղջիկների գեղեցիկ կերպարը:

«Դուք հիասքանչ եք», «Գեղեցկուհի եք», «Ժաննա, հաճախ կարճ հագեք, Ձեզ շատ է սազում»,- գրել են նրանք:

Հրապարակումն ավելի քան 24.000 մարդ է հավանել:

Ժաննա Լևինան և Գարիկ Մարտիրոսյանը միասին են ավելի քան 20 տարի: Նրանք ամուսնացել են 1998 թվականին: 2004-ի ամռան վերջին զույգը աղջիկ ունեցավ, նրան անվանեցին Ժասմին: Մարտիրոսյանի որդին ծնվեց 2009-ի հոկտեմբերին, նրա անվանեցին Դանիել:

Միլիարդատեր Սամվել Կարապետյանի դուստրը պատմել է իր թուլության մասին

260
թեգերը:
Իտալիա, Լուսանկար, Կին, ինստագրամ, Ժաննա Լևինա, Գարիկ Մարտիրոսյան
Ըստ թեմայի
«Աղջիկներ, իսկ ձեր ամուսիններն անո՞ւմ են դա». Գարիկ Մարտիրոսյանը զվարճացրել է կնոջը
«Հայկական ճանճ». Գարիկ Մարտիրոսյանը նորից զվարճացրել է իր հետևորդներին
«Սիրում եմ ձեզ». Սիրուշոն Լայմա Վայկուլեին շնորհակալություն է հայտնել
Վանա լիճ, Ախթամար եկեղեցի

Կողոպուտը նրանց ԴՆԹ-ի մեջ է․ ինչպես են թուրքերը փնտրում «հանկարծ անհետացած հայերի» գանձերը

39
(Թարմացված է 22:32 12.07.2020)
Թուրքիայում «ոսկու տենդը» չի հանդարտվում, և ամեն տարի ավելի ու ավելի շատ թուրքեր ու քրդեր են կողոպտում հայերի տները, եկեղեցիները, գերեզմանատներն ու հուշարձանները՝ գանձեր գտնելու հույսով։

ԵՐԵՎԱՆ, 12 հուլիսի – Sputnik. Թուրքիայի քաղաքացիները չեն ճանաչում Ցեղասպանությունը, բայց չգիտես՝ ինչու հավատում են, որ Վանից, Մուշից, Բիթլիսից, Էրզրումից, Դիարբեքիրից, Ուրֆայից, Այնթափից, Ադանայից, Կարսից և մյուս շրջաններից անհետացած հայերն իրենց տներում և բակերում ոսկի են կուտակել։

Հայկական ծագումով կանադացի պատմաբան Րաֆֆի Բեդրոսյանը հայ-ամերիկյան The Armenian Mirror Spectator պարբերականում գրում է Թուրքիայի ծայրահեղականների մասին, որոնք շարունակում են ջարդուփշուր անել հայերի տները՝ գանձեր գտնելու հույսով։

Ըստ Բեդրոսյանի՝ Google որոնման համակարգը «գանձերի որոնում հայկական տներում» թեմայով ավելի քան 800 հազար հղում է առաջարկում՝ թուրքերենով։Եթե ապագա «որսորդն» իր որոնումներում ավելի ճշգրիտ գտնվի և փնտրի, օրինակ, «գանձեր հայկական եկեղեցիներում», ապա կգտնի այդպիսի 700 հազար հղում, իսկ «ի՞նչ փնտրել հայերի տներում գանձեր որոնելիս» հարցի դեպքում՝ որոնման համակարգը 400 հազար հղում է ցույց տալիս։

YouTube-ում հարյուրավոր վիդեոդասընթացներ կան, որոնք ցուցադրում են, թե որտեղ և ինչպես է պետք գանձեր փնտրել ներկայիս Թուրքիայի տարածքում գտնվող հայկական տներում և եկեղեցիներում։ Նմանատիպ դասընթացներ կան նաև հայկական խորհրդանշանների, բառերի և տառերի նշանակության մասին, որոնք կարող են հայերի թաքնված գանձերը գտնելու բանալի դառնալ։

Յուրաքանչյուր նմանատիպ տեսանյութ մի քանի տասնյակ հազար դիտում ունի, իսկ այսպես կոչված՝ «դասավանդողները» կամ «փորձագետները» թուրքական թոք-շոուներում պահանջված հյուրերն են։ Ի դեպ, նրանց ծառայություններն անվճար չեն․ այս «մասնագետները» վաճառում են հայկական նշանների մասին իրենց «գիտելիքները» և անգամ նկարներ են ստեղծում, որոնցում, իբր, ցույց են տալիս, թե որտեղ են թաղված հայերի գանձերը։

Եվ ուրեմն, ինչո՞ւ են 20-րդ դարի սկզբին Թուրքիայից «հրաշքով անհետացած» հայերն այդքան ոսկի թողել։ Թուրք «փորձագետների» պատասխանը հնչում է մոտավորապես այսպես՝ հայերը «ինքնակամ որոշել են» լքել իրենց տները՝ վերադառնալու հույսով, այդ պատճառով էլ գանձերը թաղել են բակում, պատերի մեջ և այլն։ Ընդ որում՝ այս պնդումը այնպիսի վստահությամբ է տարածվում, ասես՝ խոսքը բացարձակ ճշմարտության մասին է, եղանակի տեսության կամ սպասվող ընտրությունների։

«Հայկական գանձերի պրոֆեսիոնալ որսորդները խորհուրդ են տալիս մետաղաորոնման սարքեր ունենալ՝ աղյուսե կամ բետոնե պատի մեջ թաքցրած ոսկե կամ արծաթե դրամները հայտնաբերելու համար։ Նրանք նաև խորհուրդ են տալիս ուշադիր հետևել Թուրքիա այցելող սփյուռքահայերին»։

«ՁԵզ կարող է թվալ, թե նրանք սովորական զբոսաշրջիկներ են, սակայն իրականում եկել են իրենց նախնիների թողած գանձերը տանելու։ Մենք խորհուրդ ենք տալիս հայերի հանդիպելիս մեզ մոտ բերել, այդպիսով մենք կարող ենք համաձայնություն կնքել՝ հայտնաբերված գանձերը կիսելու մասին»,- այս անհեթեթությունը թուրքական շոուների ժամանակ իմաստուն դեմքով կրկնում են կեղծ հնագետները։

Բեդրոսյանը գրում է, որ ժամանակին գանձերը գտնելու հարցում օգնության ակնկալիքով մի քանի թուրք դիմել էին անգամ «Ակոս» թերթի խմբագիր Հրանտ Դինքին։

«Իսկական գանձերը հողի տակ թաղված չեն, իսկական գանձերն այդ մարդիկ էին ստեղծում իրենց աշխատանքով»,-այն ժամանակ նրանց ասել էր Դինքը։ Սակայն հեշտ ավարի ու հարստանալու մտքից արբած՝ թուրքերն, իհարկե, չլսեցին նրան։

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

Թուրքական պետությունը պաշտոնապես չի ողջունում այս գործողությունները, բայց, ակնհայտորեն, նաև չի խոչընդոտում դրանց, քանի որ հայկական տներում գանձերի որոնումների մասին բաց և ազատորեն քննարկվում է տպագիր ԶԼՄ-ներում, սոցիալական ցանցերում և թոք-շոուներում։

Փաստացի, երբ կառավարությունը որոշեց քանդել Մուշի մոտ 500 հայկական տները՝ նոր բնակելի թաղամաս կառուցելու համար, տների սեփականատերերին թույլատրվեց ինքնուրույն քանդել դրանք, ինչպես նաև ներգրավել հետաքրքրված մարդկանց՝ գանձերը գտնելու համար։

Տեղական ինքնակառավարման մարմինների լռելյայն համաձայնությամբ թույլատրվում է պեղումներ կատարել լքված հայկական տներում, եկեղեցիներում և գերեզմանատներում, ընդ որում՝ ոչ միայն ձեռքով, այլ նաև խոշոր շինարարական տեխնիկայի գործադրմամբ, անգամ դինամիտ օգտագործելով։

Բեդրոսյանն համոզմամբ՝ թալանը (այդ բառը հայերենում և թուրքերենում նույն իմաստն ունի) թուրքերի ԴՆԹ-ի մեջ է։

Մի օր բոլորս վերադառնալու ենք. ծպտյալ հայերն ու Արմեն Բաքըրջըօղլուի հայկական ընտանիքը

Հեղինակի կարծիքով՝ սկզբում՝ Միջնադարում, թուրքերը գրավում էին ուրիշների տարածքները, այնուհետև Օսմանյան կայսրության ոչ մահմեդական բնակչությանը՝ հայերին, հույներին, ասորիներին, հրեաներին մշտական սարսափի մեջ էին պահում, հետո կատարեցին մարդկության դեմ մեծագույն հանցագործությունը՝ ոչնչացնելով 1,5 միլիոն հայի, գրավելով նրանց տներն ու հուշարձանները, և անգամ հիմա՝ 21-րդ դարում, շարունակում են ապրել գողի հոգեբանությամբ։

39
թեգերը:
Հուշարձան, Եկեղեցի, գերեզման, շինարարություն, Ոսկի, հայ, Թուրք
թեմա:
Հայոց ցեղասպանություն
Ըստ թեմայի
Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները
Ամասիացի Օհանը և մյուսները․ ինչու են թուրք գրողները խոսում Արևմտյան Հայաստանի հայերի մասին
Թուրքիայում ավերում են հայկական կոթողները, իսկ ի՞նչ է անում թուրքական իշխանությունը
«Միայն արյան հոտը կարող է ձեզ սթափեցնել». մեկ դար անց թուրքի նամակը Կոմիտասին
Զվարթնոց օդանավակայան, արխիվային լուսանկար

Աննախադեպ. իրականացվել է Լոս Անջելես-Երևան առաջին հատուկ չվերթը

63
(Թարմացված է 21:58 12.07.2020)
Չվերթն իր տեսակով աննախադեպ է հայկական ավիափոխադրումների պատմության մեջ։

ԵՐԵՎԱՆ, 12 հուլիսի - Sputnik. Իրականացվեց Լոս Անջելես-Երևան առաջին հատուկ չվերթը։ Լուրը Facebook-ի պաշտոնական էջում հայտնել է «Զվարթնոց» միջազգային օդանավակայանի մամուլի ծառայությունը։

Օդաչու չեն, բայց առանց նրանց «թռչել» չի լինի. լուսանկարներ բորտուղեկցորդուհիների առօրյայից

«Լոս Անջելեսի «Թոմ Բրեդլի» օդանավակայանից Երևան ուղևորվող իսլանդական ազգային ավիափոխադրող Icelandair ավիաընկերության Boeing 767-300ER տիպի օդանավը, վառելիքի վերալիցքավորման նպատակով մեկ կանգառ կատարելով Ռեյկյավիկի օդանավակայանում, քիչ առաջ վայրէջք կատարեց «Զվարթնոց» միջազգային օդանավակայանում»,- նշված է հաղորդագրության մեջ։


Նշվում է, որ այս չվերթն իր տեսակով աննախադեպ է հայկական ավիափոխադրումների պատմության մեջ։ Մոտ 15 ժամ տևած հատուկ չվերթով Հայաստան են տեղափոխվել 265 ուղևոր։ Նրանցի 240-ը COVID-19 համաճարակի պատճառով Լոս Անջելեսում մնացած մեր հայրենակիցներն էին։

Հիշեցնենք, որ հուլիսի 13-ին ծրագրված է Երևան-Լոս Անջելես, իսկ հուլիսի 17-ին՝ Երևան-Բոստոն-Լոս Անջելես չվերթերը։ Այս դեպքում թռիչքի տևողությունը 17 ժամ է, Բոստոնում կանգառի տևողությունը՝ 3 ժամ։ Ինքնաթիռը Բոստոնում կկատարի տեխնիկական կանգառ, որի ընթացքում ուղևորները, ստանալով ուղեբեռը, պարտադիր պետք է անցնեն միգրացիոն և մաքսային ստուգում, ապա, Լոս Անջելես շարունակող ուղևորները ևս մեկ անգամ կհաշվառվեն և հանձնելով ուղեբեռը՝ կվերադառնան նույն ինքնաթիռ՝ չվերթը շարունակելու համար։

Չվերթերն իրականացնում է IcelandAir ավիաընկերությունը։ Չվերթից կարող են օգտվել ԱՄՆ քաղաքացիները, ԱՄՆ-ում մշտական բնակության իրավունք ունեցողները (Green Card), ներգաղթային վիզայով ճանապարհորդողները, ինչպես նաև այն օտարերկրյա քաղաքացիները,որոնք ունեն ԱՄՆ-ում բնակվող ընտանիքի անդամներ (ամուսին/կին/ծնող/երեխա)։

Դոնի Ռոստով-Երևան չարտերային թռիչք կիրականացվի

Ըստ հայաստանյան զբոսաշրջային ընկերությունների՝ Երևան-Լոս Անջելես ուղիղ չվերթի արժեքը էկոնոմ կարգի ավիատոմսի համար 1350$-ին համարժեք դրամ է, բիզնես դասինը՝ 2350$-ին համարժեք ՀՀ դրամ: Երևան-Բոստոն-Լոս Անջելես չվերթի համար էկոնոմ կարգի ավիատոմսի արժեքն է 1450$-ին, բիզնես դասինը՝ 2450$ -ին համարժեք ՀՀ դրամ:

Երկու չվերթերի դեպքում էլ մինչև 2 տարեկան երեխաների ավիատոմսն արժե 100$ -ին համարժեք դրամ:

Ռուսաստանի ավելի քան 2 հազար քաղաքացի Հայաստանից հայրենիք է վերադարձել. դեսպանատուն

63
թեգերը:
տոմս, ուղևոր, «Զվարթնոց» օդանավակայան, Երևան, Լոս Անջելես, չվերթ
Ըստ թեմայի
Երևան-Մոսկվա չվերթն անորոշ ժամանակով հատաձգվել է
Առաջիկա օրերին 4 չվերթ է նախատեսված Ռուսաստանից ու Բելառուսից
Մոսկվայից և Վորոնեժից դեպի Երևան չվերթեր կիրականացվեն
Նոր չարտերային չվերթով Հայաստան են վերադարձել 248 քաղաքացի
Դավիթ Սանդուխչյան

Beeline-ի վաճառքը հայաստանյան աշխատաշուկայի համար նպաստավոր չէ. Սանդուխչյան

0
Տեղեկատվության և հեռահաղորդակցության մասնագետ, իրավաբան Դավիթ Սանդուխչյանը Sputnik Արմենիայի եթերում անդրադարձել է Beeline ընկերության վաճառքին և այդ գործարքի հետ կապված հանգամանքներին: 
Սանդուխչյան. «Beeline-ի վաճառքից հետո կապի ոլորտում մրցակցության առումով էական փոփոխություն չի լինի»

Տեղեկատվության և հեռահաղորդակցության մասնագետ, իրավաբան Դավիթ Սանդուխչյանը լինելով ազատ շուկայական հարաբերությունների և ազատ մրցակցության կողմնակից՝ միշտ համարել է, որ ընկերության սեփականատերն իրավունք ունի վաճառել ցանկացած գույք և ակտիվներ՝ իհարկե, հաշվի առնելով նաև հանրային շահերը, հետևաբար պետք է դրական գնահատել Հայաստանում սեփականության իրավունքի ազատ իրականացումը: 

«Beeline-ը միջազգային հոլդինգ է, մի ընկերություն, որը գործում է աշխարհի տարբեր երկրներում: Նման ընկերությունների գործունեությունը Հայաստանում դրական է, որովհետև նրանք բերում են նորամուծություններ՝ փորձելով համապատասխանեցնել իրենց գործունեությունն այն ստանդարտներին, որոնց սովոր են, սակայն Հայաստանի իշխանություններն այդքան էլ հետևողական չեն վերոհիշյալ ստանդարտների կիրարկմանը, կիբերանվտանգությանը, շահառուների իրավունքների պաշտպանությանը հետևելու հարցերում, ինչն, իրոք, մտահոգիչ է»,- Sputnik Արմենիայի հետ զրույցում ասաց նա: 

Սանդուխչյանի համոզմամբ՝ երկրորդ խնդիրն առնչվում է 5G ձևաչափին, որը միայն հեռանկարում է և մոտակա ժամանակում չի իրագործվի: Ըստ նրա՝ մասնավոր ընկերության համար շատ ավելի դժվար է զարգացնել ցանցերը Հայաստանում, քան միջազգային մեծ հոլդինգների համար, որովհետև հսկա ընկերություններն ունեն մեծ ռեսուրսներ թե՛ գումարի ներգրավման, թե՛ այլ տեխնոլոգիական մեծ ընկերությունների հետ բանակցելու տեսանկյունից: 

«Ամենամեծ մտահոգությունը կապված է կորպորատիվ մշակույթի և կանոնների հետ, երբ կապի ընկերությունները վաճառվում են օտարերկրյա հայտնի հարթակներում, սակայն չեն հետևում բորսայի կանոններին: Beeline-ի վաճառքը հայաստանյան աշխատաշուկայի համար նպաստավոր չէ»,- նշեց իրավաբանը:  

Անդրադառնալով ներհայաստանյան կապի օպերատորների մրցակցության խնդրին՝ Սանդուխչյանն ընդգծեց, որ դեռ հայտնի չէ, թե ով է լինելու Beeline-ի հետ կապված գործարքի վերջնական շահառուն, միայն ենթադրվում է, որ կարող են լինել Ucom-ի նախկին մենեջերներն ու մասնակի բաժնետերերը, սակայն, ըստ նրա, մրցակցության առումով ոլորտում էական փոփոխություն չի լինի, եթե հետագայում նոր համակենտրոնացումներ տեղի չունենան:

0