Արթուր Գալստյան

Վալերիայի և Կիրկորովի կոշիկների դիզայնից մինչև դագաղագործ. ինչ է պակասում Արթուրի կյանքում

4472
(Թարմացված է 01:14 12.08.2019)
Արթիկցի Արթուր Գալստյանի մայրն ասում է` տղայի մատն ինչին կպնում է, ծաղկում է։ Արթուրենց տանն ամբողջովին նրա ձեռքի աշխատանքներն են` կահույքը, պատի յուրօրինակ ժամացույցը, նկարները, քանդակները, արդեն նաև` դանակները։

ԵՐԵՎԱՆ, 11 օգոստոսի — Sputnik, Կարինե Հարությունյան. Արթիկցի քանդակագործ, նկարիչ Արթուր Գալստյանը ռուսական էստրադայի ներկայացուցիչներ Վալերիայի ու Ֆիլիպ Կիրկորովի կոշիկների դիզայնի հեղինակն է։ Տարիների ընթացքում նա նաև դագաղագործությամբ է զբաղվել և կահույքի արտադրամասում աշխատել։

Коллекция пластилиновых туфель художника Артура Галстяна
© Sputnik / Andranik Ghazaryan
Արթուր Գալստյանի պլաստիլինից պատրաստած կոշիկների հավաքածուն

Արթուրենց տունն ամբողջովին կահավորված է նրա ձեռքի աշխատանքներով` կահույքը, պատի ինքնատիպ ժամացույցը, նկարները, քանդակները, արդեն նաև` դանակները։ Տաղանդավոր երիտասարդի մայրը հերթով ցույց է տալիս որդու պատրաստածներն ու ասում` տղայիս մատն ինչին կպնում է, ծաղկում է։ «Լավ, էլի, մամ»,– Արթուրը հանդիմանում է մորը։

Ջաջուռում գտնվող տան առեղծվածային պատմությունը, կամ այն, ինչ չգիտեինք Մինասի մասին

Մասնագիտություն ընտրելիս Արթուրը հետաքրքիր իրավիճակներում է հայտնվել։ Դեռևս դպրոցական տարիներին նա որոշել է կիթառ նվագել սովորել, սակայն այնպես է ստացվել, որ կիթառի մասնագետն ազատվել է աշխատանքից։ Ջութակը կիթառին նմանեցնելով` Արթուրն սկսել է ջութակի դասընթացների հաճախել։ Սակայն ծնողները նկատել են, որ Արթուրը պարապմունքների ժամանակ նվագելու փոխարեն ավելի շատ նկարչությամբ է զբաղվում, ու նրան տարել նկարչության դասընթացների։

Նկարչության դասընթացներից մեկի ժամանակ Արթուրը մի կոշիկ է տեսել, որը շատ է իրեն դուր եկել։ Նա  տանը փորձել է ծնողներին նկարագրել, թե ինչ տեսք ուներ այն, և երկար ջանքերից հետո վերցրել է պլաստիլինն ու պատրաստել իրեն այդքան դուր եկած կոշիկը։

«Կոշիկը շատ բնական էր ստացվել, մերոնք ապշած էին։ Դա սկիզբ դրեց իմ հոբբիին` պլաստիլինից կոշիկներ սարքելուն։ Ժամանակին ավելի քան 600 նման «կոշիկ» ունեի, սակայն տուն եկած հյուրերը վերցնում էին «կոշիկներն» ու իրենց հետ տանում. հիմա 100-150 օրինակ է մնացել»,–ասաց նա։

Коллекция пластилиновых туфель художника Артура Галстяна
© Sputnik / Andranik Ghazaryan
Արթուր Գալստյանի պլաստիլինից պատրաստած կոշիկների հավաքածուն

Դպրոցն ավարտելուց հետո Արթուրը կերպարվեստ և գծագրություն է սովորել Մանկավարժական համալսարանում, հետո մեկնել ծառայության։ Զորացրվելուց հետո աշխատել է որպես դագաղագործ. հիշում է` «ճոխ» թաղում անողները դագաղի կափարիչը փորագրել էին տալիս, ու հենց այստեղ էլ Արթուրին օգնության էր գալիս իր մասնագիտությունը։

Աշխարհն Արա Գյուլերի աչքերով. լեգենդար լուսանկարչի աշխատանքները ցուցադրվել են Փարիզում

Կարճ ժամանակ անց տղային հաջողվել է որպես դիզայներ աշխատանք գտնել հայտնի կոշիկի գործարաններից մեկում, որը կոշիկներ էր կարում բացառապես ռուս աստղերի համար։

«Մեզ չեն ասել, թե կոնկրետ ովքեր են կրում այդ կոշիկները, և մի անգամ, գործարանը փակվելուց տարիներ անց, ամսագրերից մեկում պատահաբար Վալերիայի ու Կիրկորովի հագին տեսա իմ հեղինակած դիզայնով կոշիկները»,-նշում է Արթուրը։

Այնուհետև, որպեսզի անգործ չմնա, Արթուրը մեկնել է Ռուսաստան և դիմանկարներ նկարել ու դրանք վաճառել։ Ասում է` Ռուսաստանում վատ չէր վաստակում, սակայն ուզում է հայրենիքում ապրել ու աշխատել, ինչի համար էլ վերադարձել է ու փորձում է աշխատանք գտնել։

Արթուրն այժմ զբաղվում է ինչով ասես. դիմանկարների պատվերներ է վերցնում, դանակներ պատրաստում` ինչպես հուշանվերային, այնպես էլ կենցաղային, նաև զենքերի ձևափոխմամբ զբաղվում, դրանց վրա փորագրում։

Художник Артур Галстян демонстрирует деревянную статуэтку девушки
© Sputnik / Andranik Ghazaryan
Արթուր Գալստյանի պատրաստած փայտե արձանիկը

«Ցավալին այն է, որ փորագրությամբ ու նկարչությամբ Հայաստանում ընտանիք պահել չես կարող։ Ու հիմա փորձում եմ դանակների գործով զբաղվել։ Կուզեի մեկն աջակցեր, որ այդ գործը զարգացնեմ, քանի որ չեմ ուզում երկրից գնամ։ Արդեն չգիտեմ` ինչով զբաղվեմ, որ մասնագիտությունիցս հեռու չլինի, սիրով անեմ ու դրանով կարողանամ ընտանիք պահեմ»,–ասում է նա։

Լոնդոնի բոհեմական հայուհին. ընտրյալներից մեկը, որին «սովետը» թույլ էր տալիս գալ ու աշխատել

Արթուրը նշում է, որ ամեն ինչ ունի երջանիկ լինելու համար` լավ ընտանիք, լավ մասնագիտություն, «ձեռքի հնար», մնում է` աշխատանք գտնի, որ աշխատի ու ապրի Հայաստանում։

  • Արթուր Գալստյանի պատրաստած ժամացույցը
    Արթուր Գալստյանի պատրաստած ժամացույցը
    © Sputnik / Andranik Ghazaryan
  • Արթուր Գալստյանի պատրաստած կահույքը
    Արթուր Գալստյանի պատրաստած կահույքը
    © Sputnik / Andranik Ghazaryan
  • Արթուր Գալստյանի պատրաստած դանակները
    Արթուր Գալստյանի պատրաստած դանակները
    © Sputnik / Andranik Ghazaryan
  • Արթուր Գալստյանի նկարները
    Արթուր Գալստյանի նկարները
    © Sputnik / Andranik Ghazaryan
  • Արթուրր Գալստյանի դիմանկարը
    Արթուրր Գալստյանի դիմանկարը
    Andranik Ghazaryan
  • Արթուր Գալստյանի աղջկա դիմանկարը
    Արթուր Գալստյանի աղջկա դիմանկարը
    © Sputnik / Andranik Ghazaryan
  • Արթուր Գալստյանի պատրաստած փայտե արձանիկները
    Արթուր Գալստյանի պատրաստած փայտե արձանիկները
    © Sputnik / Andranik Ghazaryan
  • Արթուր Գալստյանի պատրաստած փայտե արձանիկ
    Արթուր Գալստյանի պատրաստած փայտե արձանիկ
    © Sputnik / Andranik Ghazaryan
  • Արթուր Գալստյանի պատրաստած փայտե արձանիկ
    Արթուր Գալստյանի պատրաստած փայտե արձանիկ
    © Sputnik / Andranik Ghazaryan
  • Արթուր Գալստյան
    Արթուր Գալստյան
    © Sputnik / Andranik Ghazaryan
1 / 10
© Sputnik / Andranik Ghazaryan
Արթուր Գալստյանի պատրաստած ժամացույցը
4472
թեգերը:
դիզայներ, մասնագիտություն, աշխատատեղ, Ռուսաստան, Հայաստան
Ըստ թեմայի
Անկանխատեսելի Լորենցո Քուինը. ինչ կհորինի մեծ վարպետը Երևանի համար
Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը
Լոնդոնի բոհեմական հայուհին. ընտրյալներից մեկը, որին «սովետը» թույլ էր տալիս գալ ու աշխատել
«Արարատ» ֆուտբոլային ակումբ

Կորոնավիրուսով են վարակվել «Արարատ» ակումբի ֆուտբոլիստներն ու մարզիչները

3
(Թարմացված է 17:54 15.08.2020)
Համավարակի պատճառով հետաձգվել է օգոստոսի 15-ին նախատեսված «Արարատ-2»–«Ալաշկերտ-2» հանդիպումը։

ԵՐԵՎԱՆ, 15 oգոստոսի – Sputnik. «Արարատ» ֆուտբոլային ակումբի 8 ֆուտբոլիստի և 3 մարզչի մոտ կորոնավիրուս է հայտնաբերվել։ Տեղեկությունը հայտնում են։ Տեղեկությունը հայտնում է ակումբի մամուլի ծառայությունը։

«Ցավոք, կորոնովիրուսային համավարակը չշրջանցեց նաև «Արարատ» ֆուտբոլային ակումբին։ Օգոստոսի 14-ին «Արարատի» անձնակազմն ու գլխավոր թիմի տրամադրության տակ գտնվող ֆուտբոլիստները կորոնավիրուսային թեստ են հանձնել, որի արդյունքում ութ ֆուտբոլիստի ու երեք մարզչի մոտ ստացվել է դրական պատասխան»,– գրված է ակումբի ֆեյսբուքյան էջում:

Կորոնավիրուսով վարակված ֆուտբոլիստներից երկուսը հայտավորված են «Արարատի», իսկ վեցը՝ «Արարատ-2»-ի կազմում։

Համավարակի պատճառով հետաձգվել է օգոստոսի 15-ին նախատեսված «Արարատ-2» – «Ալաշկերտ-2» հանդիպումը։

Ըստ հաղորդագրության` Հայաստանի Պրեմիեր լիգայի առաջին տուրի «Արարատ» – «Փյունիկ» հանդիպման անցկացումը փոփոխության չի ենթարկվի, և խաղը կկայանա ըստ նախատեսվածի՝ օգոստոսի 16-ին:

«Այս հանդիպման վերաբերյալ հետագա ցուցումներ ստանալու համար ևս «Արարատ» ֆուտբոլային ակումբը դիմել է ՀՖՖ-ին, որտեղից մեզ տեղեկացրել են, որ ըստ 2020/21 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի, խաղը կարող է հետաձգվել միայն երեքից ավելի ֆուտբոլիստի վարակման դեպքում, ուստի «Արարատ»– «Փյունիկ» հանդիպումը չի կարող հետաձգվել»,–նշված է հաղորդագրության մեջ։

Հավելենք, որ «Արարատ-2»-ի մարզչական շտաբն ու ֆուտբոլիստների հիմնական մասը կորոնավիրուսային ՌՆԹ թեստեր հանձնել են այսօր՝ օգոստոսի 15-ին, և արդյունքների մասին կտեղեկանան վաղը:

«Արարատ» ֆուտբոլային ակումբը շուտափույթ ապաքինում է մաղթում վարակված ֆուտբոլիստներն և մարզիչներին։

3
թեգերը:
մարզիչ, ֆուտբոլիստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում սկսվել է կորոնավիրուսի դեմ պատվաստանյութի արտադրությունը
Հայաստանում կորոնավիրուսով վարակվածների թիվն ավելացել է 196-ով և հասել 41495-ի
Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին
ԱԻՆ

Երևանում 28-ամյա քաղաքացին սպառնացել է վնասել իրեն ու տան անդամներին

6
(Թարմացված է 17:36 15.08.2020)
Ահազանգը ստանալուն պես դեպքի վայր են մեկնել փրկարարական ջոկատի անդամները։ Նրանք կանխել են ինքնասպանության փորձը։

ԵՐԵՎԱՆ, 15 օգոստոսի - Sputnik. Երևան քաղաքի Ներքին Շենգավիթի 3-րդ փողոցի տներից մեկի բնակիչը սպառնացել վնասել և՛ իրեն, և՛ տան մյուս բնակիչներին։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնն ահազանգը ստացել է օգոստոսի 15-ին` ժամը 13։37-ին։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։

Երևանում տղամարդ է նետվել շենքից

Փրկարարները կանխել են 28–ամյա քաղաքացու ինքնասպանության փորձը։

Երևանում նախարարի աշխատակազմի ղեկավարի օգնությամբ կանխվել է երիտասարդի ինքնասպանությունը

 

6
թեգերը:
ինքնասպանության փորձ, Երևան, Հայաստան
Ըստ թեմայի
Ավտովթար Երևան-Արմավիր ճանապարհին. «Lexus»-ը կողաշրջվել է
Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին
Երևանում ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին
Ավտովթար Արմավիրի մարզում. տուժածների թվում 3 երեխա կա