ԵՐԵՎԱՆ, 8 օգոստոսի — Sputnik. Հայտնի դերասանուհի, հաղորդավարուհի Նազենի Հովհաննիսյանը նոր հումորային լուսանկար է հրապարակել և գրել, որ չի կողմնորոշվում թե ում համբուրի:
«Երկու քարի արանքում. մարդ չգիտի էլ, որ մեկին պաչպչի: Տարանտինոյի «Մի անգամ Հոլիվուդում» ֆիլմն իսկական, կինեմատոգրաֆիայի բոլոր դասական կանոններով, հավես Տարանտինոյական կինո էր` իր կինոյի միջի տղերքով, տարօրինակ, բայց ամեն ինչով փոխկապակցված սյուժեով և նրա ֆետիշներով լի( կանացի գեղեցիկ ոտքերից մինչև ոտնաթաթեր,կամ « քանթրիական» Ամերիկա: 3 ժամ տևողությամբ այս ֆիլմով Տարանտինոն ասես բոյկոտում է էն քաոսական արագությունն ու «ժամանակ չունենալը», որում բոլորս ապրում ենք: Ասում է` նստեք ու նայեք, անջատվեք մի պահ ձեր սոցկայքերից ու լայքերից, նորություններից ու անվերջանալի հոգսերից: Ու ես վայելեցի: Բացառիկ դերասանական քաստինգ ու խաղ (որոշ վերապահումներով իհարկե, ճաշակով ու միշտ նոր կադրերով ու լուծումներով, լիքը մտածելու մեսիջներով... թաքնված»,–նկարին կից գրել է Նազենին:
View this post on Instagram
Հետգրության մեջ դերասանուհին նշել է, որ վստահ է, որ շատերը չեն հավանելու ֆիլմը, չեն հասկանալու կամ հավես չեն անելու( 3 ժամ):
«Մասնագիտությամբ դերասանները կմեռնեն ծիծաղից` նայելիս, որովհետև ավելի տիպիկ մեր գործը պատմել ու խաղալ` հնարավոր չէր: Դիկապրիոն` բարձր թռիչքի դերասան: Բրեդ Պիտը- դե ոնց ասեմ, բոմբ, ու գնալով էլ չի ծերանում ախր...Նրանց երկուսին էլ երբեք չխանգարեց իրենց արտաքին գեղեցկությունը, որովհետև վիրտուոզ դերասաններ են ու շատ սիրուն նախ` ներսից: Երազանք`յուրաքանչյուր լավ կինոյի ու ռեժիսորի համար: Մի քիչ ուղեղով մարդը նայելով այս ֆիլմը կհասկանա, թե որքան բարդ, անհավանական նվիրում պահանջող ու ծանր է դերասանի աշխատանքը»,-եզրափակել է դերասանուհին:
Նշենք, որ Երևանի կինոթատրոններից մեկում երեկ տեղի ունեցավ Քվենտին Տարանտինոյի «Մեկ անգամ Հոլիվուդում» (Once Upon a Time in Hollywood) ֆիլմի պրեմիերան:
«Մեկ անգամ Հոլիվուդում» ֆիլմի գործողությունները տեղի են ունենում 1969 թվականին՝ Լոս Անջելեսում՝ հիփի շարժման ամենաթեժ ժամանակաշրջանում: Ֆիլմը պատմում է հայտնի ռեժիսոր Ռոման Պոլանսկու կնոջ՝ Շերոն Թեյթի (Մարգո Ռոբբի) սպանության մասին, որը 1969-ի օգոստոսին կատարել են սերիական մարդասպան Չարլզ Մենսոնի հետևորդները:
Ֆիլմի գլխավոր հերոսներն են հեռուստատեսային վեսթերնների նախկին աստղ Ռիկ Դալթոնը (Լեոնարդո դի Կապրիո) և Քլիֆ Բուտը (Բրեդ Փիթ): Ալ Պաչինոն կատարում է գործակալ Մարվին Շվարցի դերը: Ֆիլմի աստղային կազմում ներառվել են նաև Դեմիեն Լյուիսը, Լյուկ Փերրին, Դակոտա Ֆաննիգը, Կլիֆտոն Քոլլինզ կրտսերը և այլք։
