Պայթյուն Երևան-Սևան մայրուղում

«Շշի Մելոյի» գործով կալանավորվել են «Բարութը», «Ֆիթիլն» ու «Պլաստմասը»

1848
(Թարմացված է 20:58 06.08.2019)
Նշված անձինք նախկինում դատապարտված են եղել. Էլբակյանը հանցագործ միջավայրում հայտնի է «Բարութ», Մարտիրոսյանը՝ «Ֆիթիլ», իսկ Մխիթարյանը` «Պլաստմաս» մականվամբ։

ԵՐԵՎԱՆ, 6 օգոստոսի — Sputnik. Դատարանը որոշել է ԱԺ նախկին պատգամավոր Մելիք Մանուկյանի («Շշի Մելոյի») քրեական գործի շրջանակում երկամսյա կալանք կիրառել Շիրակի մարզի բնակիչներ 56-ամյա Արթուր Մխիթարյանի, 53-ամյա Պետրոս Էլբակյանի և 45-ամյա Ջեմսիկ Մարտիրոսյանի նկատմամբ։ Նրանք կասկածվում են Մելիք Մանուկյանին պատկանող ապակյա տարաների գործարանի հարևանությամբ գտնվող կամրջի տակ նախապես տեղադրված պայթուցիկով պայթյուն իրականացնելու մեջ։ Այդ մասին հայտնում է Shamshyan.com-ը։

Կայքի տեղեկություններով՝ նշված անձինք նախկինում դատապարտված են եղել. Պ․ Էլբակյանը հանցագործ միջավայրում հայտնի է «Բարութ», Ջ․ Մարտիրոսյանը՝ «Ֆիթիլ», իսկ Ա․ Մխիթարյանը` «Պլաստմաս» մականվամբ։ Վերջինս նախկինում 6 անգամ դատապարտվել է «բառիգության» համար։

Հիշեցնենք`Երևան-Սևան մայրուղու 15-րդ կմ հատվածում գտնվող կամրջի տակ նախապես տեղադրվել էր ռազմամթերք հանդիսացող պայթուցիկ նյութ, որը 2019թ. օգոստոսի 02-ին` ժամը 12:30-ի սահմաններում, պայթեցվել էր՝ Մ.Մանուկյանի («Շշի Մելոյի») «Ռենջ Ռովեր» մակնիշի ու նրան ուղեկցող «Նիսսան» և «Պատրուլ» տեսակի ավտոմեքենաների ընթացքի ժամանակ: Պայթյունի հետևանքով վնասվել էին ճանապարհով ընթացող Range Rover մակնիշի 555 LL 05 համարանիշի և Nissan մակնիշի 35 MD 686 համարանիշի ավտոմեքենաները, որոնցից առաջինը պատկանում է նախկին պատգամավորին, երկրորդ մեքենայի մեջ պայթյունի պահին եղել են նրա թիկնապահները։Ավելի ուշ մի քաղաքացի, առանց տեղում գործողություններ իրականացնող իրավապահների թույլտվության, պայթյունի հետևանքով վնասված մեքենաներից մեկով հեռացել էր՝ չենթարկվելով ոստիկանության ծառայողների օրինական պահանջներին։ Ձեռնարկված միջոցառումների արդյունքում կարճ ժամանակում մեքենան հայտնաբերվել և վերադարձվել է դեպքի վայր ։Իսկ դեպքի վայրից հեռացած քաղաքացուն հայտնաբերել ու ձերբակալել էին։

Պայթյունի փաստով Քննչական կոմիտեի Կոտայքի մարզային քննչական վարչությունում քրեական գործ է հարուցվել Քրեական օրենսգրքի 104 հոդվածի 2–րդ մասի 6–րդ կետի (շատերի կյանքի համար վտանգավոր եղանակով սպանության փորձ) և 235 հոդվածի 1–ին մասի (ապօրինի կերպով զենք–զինամթերք ձեռք բերելը, պահելը) հատկանիշներով։

Նոր բացահայտումներ «Շշի Մելոյի» մահափորձից. պայթուցիկը գործի են դրել ռեստորանի շենքից

Դեպքի վայրից ավտոմեքենայով փախուստի դիմած քաղաքացու նկատմամբ հարուցվել է քրեական գործ ՀՀ քրեական օրենսգրքի 316-րդ հոդվածի հատկանիշներով (իշխանության ներկայացուցչի նկատմամբ բռնություն գործադրելը)։

1848
թեգերը:
Դատարան, Քրեական գործ, պայթյուն, Մելիք Մանուկյան (Շշի Մելո), Հայաստան
Ըստ թեմայի
Նոր բացահայտումներ «Շշի Մելոյի» մահափորձից. պայթուցիկը գործի են դրել ռեստորանի շենքից
«Շշի Մելոյի» մահափորձի մանրամասները. պայթուցիկը նախապես էր դրվել կամրջի տակ
Ոստիկանների ձեռնամարտի հնարքները «Շշի Մելոյի» եղբոր նկատմամբ իրավաչափ են եղել