ԵՐԵՎԱՆ, 5 օգոստոսի — Sputnik. Այս շաբաթվա ընթացքում օդի ջերմային ֆոնը կլինի իդեալական։ Այս մասին Facebook սոցիալական կայքի իր էջում գրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը։
«Վաղը օդի ջերմաստիճանը կնվազի ևս 3-4 աստիճանով և նույնիսկ հանրապետության ամենաշոգ գոտիներում, այդ թվում և Երևանում, ցերեկային ժամերին սպասվում է ընդամենը +32․․․+33 աստիճան տաքություն։ Օդի ջերմաստիճանը կլինի կլիմայական նորմայի սահմաններում»,-գրել է նա։
Հիշեցնենք, որ հանրապետության տարածքում օգոստոսի 5-6-ն առանձին շրջաններում սպասվում է կարճատև անձրև և ամպրոպ։ Օգոստոսի 7-9-ը սպասվում է առանց տեղումների եղանակ: Երևան քաղաքում օգոստոսի 5-9-ը սպասվում է առանց տեղումների եղանակ։
