ԵՐԵՎԱՆ, 4 օգոստոսի — Sputnik. Կարինե Հարությունյան, Ճանապարհորդության մեկնելուց առաջ անհրաժեշտ է իմանալ, որ կան երկրներ, որոնք այցելելու համար պարտադիր կամ «ապահովության համար» անհրաժեշտ է այս կամ այն հիվանդության դեմ պատվաստված լինել։ Այս մասին Sputnik Արմենիայի հետ զրույցում ասաց ՀՀ ԱՆ հիվանդությունների վերահսկման և կանխարգելման ազգային կենտրոնի իմունոկանխարգելման և կառավարելի վարակիչ հիվանդությունների համաճարակաբանության բաժնի պետ Սվետլանա Գրիգորյանը։

© Sputnik / Aram Nersesyan

Հայաստան գալու ժամանակը. հանգիստ, որն անմոռանալի կլինի, կամ որտեղ վայելել ամառը

«Պատվաստումների պահանջը կապված է տվյալ երկրի համաճարակային իրավիճակից։ Օրինակ, եվրոպական երկրներ մեկնողները ցանկալի է կարմրուկի և կարմրախտի դեմ պատվաստվեն, քանի որ դրանցից մի քանիսում սրված համաճարակային իրավիճակ է։ Իսկ, ահա, Հնդկաստան մեկնելիս, եթե մանավանդ երկար են մնալու ու հանրային սննդի օբյեկտներից են օգտվելու, խորհուրդ է տրվում հեպատիտ Ա–ի և որովայնային տիֆի դեմ պատվաստվել»,–ասաց նա։

Նրա խոսքով` վերոհիշյալ երկրներ մեկնելուց առաջ  պատվաստումները ցանկալի են, բայց ոչ պարտադիր։ Սակայն կան երկրներ, որտեղ մուտք գործելուց պետք է որոշ պատվաստումների միջազգային հավաստագիր ներկայացնել։ Գրիգորյանը հայտնեց, որ աֆրիկյան և լատինամերիկյան երկրներ այցելելիս պարտադիր է դեղին տենդի դեմ պատվաստվել։ Ի դեպ, վերոնշյալ երկրներ այցելելիս անհրաժեշտ է դեղին տենդի դեմ պատվաստվել` անկախ այն հանգամանքից, թե որ երկրից եք այդ երկրներ մուտք գործում։

«Դեղին տենդը արևադարձային երկրներին բնորոշ համաճարակ է, և խնդիրն այն է, որ հենց աֆրիկյան, լատինամերիկյան երկրներում կան Աեդես ցեղի մոծակներ, որոնց միջոցով էլ փոխանցվում է հիվանդությունը։ Հիվանդությանը բնորոշ է դեղնախտի առաջացումը, երիկամների ախտահարումը և ինտոքսիկացիան»,–ասաց նա։

© CC0 / Pexels / Island

Ինչպես հաճույք ստանալ ու չսնանկանալ. որտե՞ղ են այս ամառ հանգստանում հայերը

Ի դեպ, եթե կարմրուկի ու կարմրախտի դեպքում կարող է 2 դեղաչափ պատվաստման անհրաժեշտություն առաջանալ, ապա դեղին տենդի դեմ մեկ անգամ պատվաստված լինելը բավարար է ողջ կյանքում հիվանդությունից պաշտպանված լինելու համար:

Թե ե՞րբ պետք է կատարել պատվաստումները, Գրիգորյանը նշեց` «հանգստի մեկնելուց առնվազն 10 օր, իսկ լիարժեք ապահովության համար խորհուրդ է տրվում 1 ամիս առաջ»։

Նա հայտնեց նաև, պատվաստումների ազգային օրացույցում ներառված պատվաստումները անվճար են.  օրինակ` կարմրուկի և կարմրախտի դեմ պատվաստումները։ Սակայն դեղին տենդի դեմ պատվաստումը այդ ցուցակում ներառված չէ և վճարովի հիմունքներով է կատարվում։

Մասնագետը տեղեկացրեց նաև, որ Հայաստան այցելելուց առաջ որևէ պատվաստման պարտադրանք չկա։

Պատվաստվե՞լ, թե՞ ոչ. մասնագետը տվյալներ է ներկայացնում

36–ամյա Արմինե Հովհաննիսյանն էլ մեզ հետ զրույցում նշեց, որ սեպտեմբեր ամսին 8–ամյա դստեր հետ պատրաստվում է այցելել Վենեսուելա, և իրենց խորհուրդ են տվել պատվաստվել կարմրուկի դեմ։ Նրա խոսքով` արդեն իսկ այցելել են տեղամասային պոլիկլինիկա և պատվաստվել։

Կարմրուկի ախտանշաններն ու վտանգները

«Մեզ հայտնեցին, որ դեռ նախորդ տարվանից Վենեսուելայում կարմրուկի տարածվածության աստիճանը բավականին ավելացել է։ Այս տարի Վենեսուելան մտնում է կարմրուկով հիվանդացության բարձր մակարդակ ունեցող երկրների ցանկում։ Դրա համար էլ պարտադիր էր պատվաստվելն ու հանգիստ խղճով հանգստի մեկնելը»,–ասաց նա։

Սպառնալիք կարմրուկի տեսքով. նախարարը պնդում է, որ պետք է պատվաստում ստանալ, եթե չեք ստացել

Ի դեպ, եթե որևէ երկիր մեկնելուց առաջ մտածում եք, թե ինչ պատվաստում պետք ստանալ, խորհրդատվություն ստանալու համար կարող եք դիմել ԱՆ հիվանդությունների վերահսկման և կանխարգելման ազգային կենտրոն` 010 55 06 01 հեռախոսահամարով։

ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը հանդիպումից հետո լրագրողներին հայտնեց, թե ինչ է խոստացել ՀՀ նախագահը։

«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։

Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։

© Photo : official site of the MoD of RA

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։

Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։

© Photo : press office of the Government of RA

Փաշինյան-Մարուքյան հանդիպումը հետաձգվել է

Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։