Ալյոնա Խմելնիցկայա

Տիգրան Քեոսայանը «հայավարի» երգում է կանանց համար. տեսանյութը հրապարակել է նախկին կինը

1187
(Թարմացված է 18:32 03.08.2019)
Ալյոնա Խմելնիցկայան ցույց է տվել, թե ինչպես են ժամանակ անցկացնում նախկին ամուսնու տանը։ Տեսանյութն իրարանցում է առաջացրել։

ԵՐԵՎԱՆ, 3 օգոստոսի – Sputnik. Ռուս դերասանուհի Ալյոնա Խմելնիցկայան Instagram–ում տեսանյութ է հրապարակել` ցույց տալով, թե ինչպես են երեկոներն անցկացնում նախկին ամուսնու` Տիգրան Քեոսայանի և նրա ներկայիս կնոջ` Մարգարիտա Սիմոնյանի տանը։

«Խաղաղ ընտանեկան երեկոներ Ադլերում։ Բոլորին հումոր ու բարիք եմ մաղթում։ Այո, մենք այլմոլորակային ենք։ Մենք ուրախ ենք, իսկ դո՞ւք», – տեսանյութին կից գրել է Ալյոնան։

Կադրերում երևում ու լսվում է` ինչպես է Քեոսայանը «հայավարի» երգում հայտնի երգերը։

Ընդհանուր սեղանի շուրջ նստած են Քեոսայանը, Խմելնիցկայան, Սիմոնյանը, ինչպես նաև ռեժիսորի մայրը` Լաուրա Գևորգյանը, որին նախկին և ներկայիս հարսները համոզում են ժպտալ բաժանորդներին։

Դերասանուհու էջի բաժանորդները հավանել են տեսանյութը, բայց շատերը խոստովանել են, որ չեն հասկանում, թե ինչպես կարելի է նման հիանալի հարաբերություններ պահպանել նախկին ամուսնու հետ։

«Բարձր հարաբերություններ են, կեցցեք», «Կարելի է միայն հիանալ նման հարաբերություններով», «Տիգրանն այնքան լավ է երգում, կատակում, ամեն ինչում է տաղանդավոր», «Հարյուր անգամ վերանայեցի և ծիծաղում եմ։ Հրաշալի է», «Որքան ջերմ է ձեզ մոտ», – գրել են նրանք։

Խմելնիցկայան և Սիմոնյանը լավագույն ընկերուհիների են նման։ Դերասանուհին հաճախ է մասնակցում նախկին ամուսնու տանն անցկացվող հավաքույթներին։ Ալյոնայի և Քեոսայանի դուստրերը` Ալեքսանդրան և Քսենյան, նույնպես լավ հարաբերություններ ունեն Քեոսայանի նոր ընտանիքի հետ։

Նա իսկական Քեոսայանն է. Մարգարիտա Սիմոնյանը պատմել է իր ու ամուսնու հարաբերությունների մասին

Հիշեցնենք` Տիգրան Քեոսայանն ու Մարգարիտա Սիմոնյանը երկու երեխա ունեն։ 2013 թվականի օգոստոսին ծնվել է նրանց դուստրը, իսկ 2014 թվականի դեկտեմբերին` որդին։ Այժմ նրանք երրորդ երեխային են սպասում։

Մարգարիտա Սիմոնյանի՝ սկեսուրի ու ամուսնու նախկին կնոջ հանդեպ սերը ապշեցրել է օգտատերերին

1187
թեգերը:
Ալյոնա Խմելնիցկայա, տեսանյութ, Մարգարիտա Սիմոնյան, Կին, Տիգրան Քեոսայան
Ըստ թեմայի
Մարգարիտա Սիմոնյանի երեխաները հայերեն են խոսում. մայրը տեսանյութ է հրապարակել
Մարգարիտա Սիմոնյանը ցույց է տվել` ինչպես է զվարճանում ամուսինը. տեսանյութ
«Դուք այն աղջիկը չե՞ք...». Սիմոնյանը պատմել է, թե ինչպես է ծանոթացել Քեոսայանի հետ
«Ես քեզ ասացի` տանը նստիր». Տիգրան Քեոսայանի և կնոջ զվարճալի «երկխոսությունը»
Գյումրին անձրևից ու կարկուտից հետո

Տներն ու նկուղները ջուր է լցվել․ 125 կանչ Գյումրիում՝ անձրևից ու կարկուտից հետո

150
(Թարմացված է 20:00 13.07.2020)
Գյումրիում ավելի քան 1 ժամ տևած հորդառատ անձրևի պատճառով շարունակում է կաթվածահար մնալ երթևեկությունը:

ԵՐԵՎԱՆ, 13 հուլիսի – Sputnik, Արմենուհի Մխոյան. ՀՀ ԱԻՆ Շիրակի մարզային փրկարարական վարչության բրիգադները չեն հասցնում արձագանքել հորդառատ անձրևից հետո արվող կանչերին: Տեղեկությունը Sputnik Արմենիային տրամադրել են մարզային վարչությունից։

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

«Կանչերը շատ-շատ են ու դեռ զանգերը չեն դադարում, արդեն տարաբնույթ 125 կանչ ենք ունեցել՝ տների նկուղների, տնակների ջրով ծածկվելուց մինչև մեքենաների ջրում հայտնվելը»,-մեզ հետ զրույցում ասաց ՀՀ ԱԻՆ Շիրակի մարզային փրկարարական վարչության պետ, փրկարարական ծառայության գնդապետ Ալեքսան Գյոզալյանը: Հարյուրից ավելի կանչ գրանցվել է նաև Գյումրու համայնքապետարանում:

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

Գյումրու քաղաքապետարանի Կոմունալ ծառայություն բյուջետային հիմնարկից տեղեկացնում են, որ ահազանգերը հիմնականում շենքերի նկուղներում ու տներում լցված ջրին է վերաբերում: Բացի Գյումրիից հորդառատ անձրևից ու կարկուտից տուժել են նաև մարզի այլ համայնքներ:

Գյումրու քաղաքապետարանի մամուլի պատասխանատու Սոնա Առաքելյանը Sputnik Արմենիայի հետ զրույցում ասաց, որ տեղումների քանակն անհամատեղելի է եղել ջրահեռացման համակարգերի տարողունակության հետ, ինչն էլ նման խնդիրներ է առաջացրել: Նրա խոսքով՝ առկա խնդիրների վերացման համար կոմունալ ծառայությունն այս պահին ամբողջ կազմով և ունեցած տեխնիկայով աշխատում է քաղաքի տարբեր հատվածներում՝ Երևանյան խճուղի, Մայր Հայաստան, Կայարանամեձ հրապարակ, Տրդատ Ճարտարապետ փողոց և այլն:

Ինչպես արդեն տեղեկացրել ենք, Շիրակի մի շարք համայքներում այսօր հորդառատ անձրև ու կարկուտ է տեղացել։ Այն կաթվածահար է արել Գյումրու երթևեկությունը: 16:00-ի սահմաններում քաղաքում սկսված հորդառատ անձրևն ուղեկցվել է կարկուտով:

Անձրևի պատճառով հատկապես դժվարանցանելի են դարձել քաղաք մտնող ճանապարհներն ու կենտրոնական փողոցները։

150
թեգերը:
Կարկուտ, Անձրև, Գյումրի
Չինարի

ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով

46
Տավուշի մարզի սահմանամերձ Չինարի գյուղի հրետանակոծության պահին վնասված տներից մեկում եղել են երեխաներ:

ԵՐԵՎԱՆ, 13 հուլիսի - Sputnik. Մարդու իրավունքների պաշտպանի աշխատակազմը 2020 թվականի հուլիսի 13-ին Չինարի գյուղի թիրախային հրետանակոծությունն ապացուցող նոր փաստեր է ստացել: Դրանց հիման վրա պաշտպանը տեղեկացնում է, որ նոր զեկույց է ուղարկելու միջազգային կառույցներին:

Ադրբեջանական կողմի հրետանակոծմանը ենթարկված հայկական գյուղի բնակիչներից ու գյուղապետից ՄԻՊ աշխատակազմ ստացված ահազանգերի համաձայն՝ ադրբեջանական կողմից արձակվել է շուրջ մեկ 10-յակ արկ, վնասվել են գյուղի բնակելի շինություններ:

Չինարի գյուղից Մարդու իրավունքների պաշտպանի աշխատակազմ են փոխանցել հրետանակոծությունից հետո արված լուսանկարներ, որոնք վկայում են գյուղի տներից մեկին պատճառված վնասի մասին: Մեկ այլ դեպքում՝ վնասվել է բնակելի տան տանիքը, իսկ հրետանակոծության պահին տանը եղել են երեխաներ։

Մարդու իրավունքների պաշտպանին ուղղված ահազանգերից անմիջապես հետո արձանագրվել է ՀՀ պաշտպանության նախարարության պաշտոնական հայտարարությունն այն մասին, որ Չինարի բնակավայրի ուղղությամբ ադրբեջանական զինված ուժերն արձակել են 82 մմ տրամաչափի ականանետից 7, իսկ 120 մմ տրամաչափի ականանետից՝ 3 արկ։

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

«Մարդու իրավունքների պաշտպանին ուղղված ահազանգերը, Հայաստանի պետական մարմինների պաշտոնական հայտարարությունները և սոցիալական մեդիայի հրապարակումները վկայում են, որ թիրախավորվել է Հայաստանի քաղաքացիական խաղաղ բնակավայրը, առկա է խաղաղ բնակիչներին, նրանց կյանքին ու առողջությանը իրական վտանգ, ինչպես նաև գույքին պատճառված վնաս»,- նշված է ՄԻՊ գրասենյակի տարածած հաղորդագրության մեջ։

Մարդու իրավունքների պաշտպանը շարունակում է անմիջական կապ պահպանել Հայաստանի Տավուշի մարզի գյուղերի բնակիչների և համայնքների վարչական մարմինների հետ։ Իրականացվում է ամբողջական դիտարկում, տեղեկությունների և փաստերի անկախ հավաքագրում։

Մարդու իրավունքների պաշտպանը խստորեն դատապարտում է Հայաստանի քաղաքացիական բնակավայրի հրետանակոծումը՝ խաղաղ բնակչության, նրանց առողջության ու կյանքի, սեփականության թիրախավորմամբ:

Նրա խոսքով՝ դա հատկապես դատապարտելի է կորոնավիրուսի (COVID-19) գլոբալ համաճարակի պայմաններում։

ՄԱԿ-ի գլխավոր քարտուղարը, կորոնավիրուսի վտանգով պայմանավորված, դեռևս մարտի 23-ին կոչ էր արել անհապաղ ամբողջությամբ դադարեցնել զինված հակամարտությունները երկրագնդի բոլոր անկյուններում։

Այս արձանագրումները ևս սահմանված կարգով կամփոփվեն ու և նոր զեկույցով կուղարկվեն միջազգային կառույցներին:

Հիշեցնենք՝ պաշտոնական հաղորդագրության համաձայն՝ Չինարիի խաղաղ բնակիչները հրետակոծության հետևանքով կրել են բացառապես գույքային կորուստներ:

46
թեգերը:
հրետակոծություն, Տավուշ, երեխա, Արման Թաթոյան, ՀՀ ՄԻՊ, Սահման, հայ-ադրբեջանական, Չինարի, Հայաստան
Ըստ թեմայի
Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան
Ադրբեջանական հրետակոծությունների պարբերականությունը նվազել է. ՊՆ
Ձերբակալվել է Ադրբեջանի ՊՆ նախկին ղեկավարը
Հայ-ադրբեջանական լարվածություն. Լավրովը Թուրքիայի՞ն է սաստել
Գագիկ Ծառուկյան

Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը

9
(Թարմացված է 21:35 13.07.2020)
Գագիկ Ծառուկյանը կոչով դիմել է իր թիմակիցներին, որ հաշվի առնեն ստեղծված պատերազմական իրավիճակը։

ԵՐԵՎԱՆ, 13 հուլիսի – Sputnik. Ստեղծված պատերազմական իրավիճակում ներքաղաքական բոլոր հարցերը դառնում են այլևս երկրորդական։ Նման հանձնարարական է տվել իր թիմին «Բարգավաճ Հայաստան» կուսակցության նախագահ Գագիկ Ծառուկյանը, Facebook սոցցանցի իր էջում գրառմամբ հայտնում է ԲՀԿ առաջնորդի մամուլի խոսնակ, ԲՀԿ–ական պատգամավոր Իվետա Տոնոյանը։

«Բոլորիս գերխնդիրը մեկն է՝ լինել միասնական, լինել պետության կողքին և համատեղ ջանքերով դիմակայել թշնամու ոտնձգություններին և արժանի հակահարված հասցնել նրան»,–ասել է Ծառուկյանը։

ԲՀԿ ղեկավարի խոսքով` այսօր, երբ Ադրբեջանի ռազմաքաղաքական ղեկավարությունը կրկին անցել է ակնհայտ սադրանքների, երբ հայ-ադրբեջանական պետական սահմանին իրավիճակը լարված է, երբ երկրի անվտանգության հարցը վեր է ամեն ինչից, յուրաքանչյուրիս պարտքն է միավորել բոլոր ջանքերը հանուն մեր երկրի ու ժողովրդի պաշտպանության, հանուն արտաքին թշնամու դեմ պայքարի:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

9
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, դիրքեր, հրետակոծություն, Տավուշ, Հայաստան, Ադրբեջան
Ըստ թեմայի
ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով
Արցախի ԱԳՆ–ն համանախագահներին կոչ է անում գնահատական տալ Ադրբեջանի գործողություններին
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից