Որտե՞ղ էին աղտոտվում արագիլները. տարածքը հայտնաբերել են, փնտրվում է «բարբարոսը»
(Թարմացված է 18:32 02.08.2019)
Բնապահպանության և ընդերքի տեսչական մարմինը մաքրում է Հրազդան գետի մեջ կուտակված յուղը։ Յուղոտված վերջին արագիլին այստեղ փրկել են երկու օր առաջ։
ԵՐԵՎԱՆ, 2 օգոստոսի — Sputnik. Բնապահպանության և ընդերքի տեսչական մարմինը գտել է Արարատի մարզի արագիլների աղտոտման հավանական աղբյուրը։ Այս մասին նշված է տեսչության Facebook-յան պաշտոնական էջում հրապարակված հաղորդագրության մեջ։
«Այս պահին իրականացվում են ՀՀ Արարատի մարզի Սիս և Նորամարգ համայնքների վարչական տարածքների խաչմերուկում գտնվող, Հրազդան գետի աջափնյա կոլեկտրում պարենային յուղի հաստ շերտով պատված կեղտաջրերի մաքրման աշխատանքներ»,– հայտնում են տեսչությունից։
Բնապահպանության և ընդերքի տեսչական մարմնի Արարատի տարածքային բաժնի պետի ժամանակավոր պաշտոնակատար Արթուր Բադալյանը Sputnik Արմենիային հայտնեց, որ մաքրվում է ոչ միայն գետը, այլև ափերը, քանի որ յուղոտ զանգվածը ոչ միայն ջրի վրա է, այլև ափամերձ տարածքներում։
«Մենք որոշեցինք գոնե հնարավորինս այդ յուղը ջրի միջից ու ափերից մաքրել, որպեսզի հետագա վտանգից զերծ մնանք, չգա նորից կուտակվի,–այդ հատվածում առկա էր յուղի կուտակում` աչքով տեսանելի։ Ես այդ յուղից նմուշներ եմ վերցրել, ուղարկել եմ լաբորատոր փորձաքննության։ Այդ յուղը թե՛ իր գույնով, թե՛ հոտով լրիվ համապատասխանում է այն նյութին, որ քսված էր արագիլների վրա»,-ասաց Բադալյանը:
©
Sputnik / Asatur Yesayants
Արթուր Բադալյանը հայտնեց նաև, որ թեև աղտոտման վայրը հայտնի է, բայց աղտոտողին հայտնաբերել դեռ չի հաջողվել։ Կան վարկածներ, բայց տեսչական մարմինը ձեռնպահ է մնում դրանք հրապարակելուց` հետագա բացահայտումներին չխոչընդոտելու համար։
Տեսչական մարմինը նյութեր է նախապատրաստում, որ կցի քրեական գործ հարուցելու վերաբերյալ դիմումին:
«Տեսչական մարմինն անում է ամեն ինչ, անձամբ ես՝ ինքս ինձ չեմ ներելու, եթե այդ բարբարոսին չհայտնաբերեմ»,– ասաց Արթուր Բադալյանը։
Ի դեպ, տեսչական մարմնի պետի պաշտոնակատարը նաև հայտնեց, որ արագիլների աղտոտման վերջին դեպքն այս տարածքում գրանցվել է 2 օր առաջ։ Տեսուչներն այսօր մաքրվող տեղանքից շուրջ 100 մետր հեռու գետի ջրում հայտնաբերել են յուղոտված արագիլի, որն ի վիճակի չի եղել թռչել։
©
Sputnik / Asatur Yesayants
Մեր զրուցակցի խոսքով՝ եթե տեսուչները նրան շուտ չնկատեին, արագիլը կարող էր սատկել։
Տուժած արագիլը տեղափոխվել է Հովտաշեն գյուղ, որտեղ աղտոտված արագիլների համար ստեղծվել են կերակրման հատուկ պայմաններ։
«Այսօր նայել ենք, շատ լավ ուտում է, վերահսկողության տակ է, ամեն ինչ նորմալ է»,-հայտնեց նա։
Ի դեպ, Արթուր Բադալյանը նաև հայտնեց, որ, քանի որ աղտոտման վայրը հայտնաբերվել ու արդեն մաքրվել է, իրենք որոշել են առաջիկա կիրակի օրը լողացնել Հովտաշեն համայնքում պահվող բոլոր աղտոտված արագիլներին` նրանց դարձյալ իրենց բնականոն կյանք վերադարձնելու համար։
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։