«Սանիթեքը» կարող է արբիտրաժային դատարան դիմել. ի՞նչ է պահանջում ընկերությունը
(Թարմացված է 16:27 02.08.2019)
«Սանիթեք» ընկերության ղեկավարը ներկայացրեց Երևանում աղբահանության խնդիրը լուծման իրենց տարբերակները։ԵՐԵՎԱՆ, 2 օգոստոսի — Sputnik. Աղբահանությամբ զբաղվող «Սանիթեք» ընկերությունն արբիտրաժային դատարան կդիմի, եթե Երևանի քաղաքապետարանը չընդունի Երևանում աղբահանության խնդրի լուծման իրենց պայմանները։ Այս մասին այսօր Լիբանանից առցանց–ասուլիսի ժամանակ ասաց ընկերության տնօրեն Նիկոլաս Թավիլը` պատասխանելով Sputnik Արմենիայի հարցին, թե արդյո՞ ք օպերատորը կհեռանա հայկական շուկայից։
©
Sputnik / Hayk Petrosyan
Թավիլը հայտնեց, որ ընկերությունը պատրաստ է խնդիրների լուծման համար երկու ծրագիր իրականացնել։ Կարճաժամկետ ծրագիրը ենթադրում է համատեղ աշխատանք Երևանի քաղաքապետարանի հետ, որը կգործարկի նաև իր նոր տեխնիկան։
Երկարաժամկետ ծրագիր էլ կա, որի համաձայն ընկերությունը պատրաստ է 4 միլիոն դոլարի չափով լրացուցիչ ներդրումներ անել. այն տարեկան 500 նոր աղբաման կգնի, կարդիականացնի ավտոպարկը, կորպորատիվ կառավարման թափանցիկ համակարգ կներդնի ու կկատարի ֆինանսական պարտականությունները։
Միաժամանակ «Սանիթեքը» պահանջում է, որ քաղաքապետարանը Նուբարաշենի աղբանոցի ենթակառուցվածքի զարգացման, թափոնների վերացման ու այդ գործընթացը վերահսկելու քաղաքականություն մշակի ու կիրառի։
Ընկերությունը կարծում է, որ փորձագիտական հետազոտություն անցկացնելուց հետո անհրաժեշտ է վերանայել պայմանագրի արժեքը. «Սանիտեքն» ուզում է հետ ստանալ գումարը, որը քաղաքապետարանը չի վճարել` տուգանելով «Սանիթեքին»։
«Եթե կարողանանք համալիր լուծում գտնել, ապա և՛ ընկերության համասեփականատերերը, և՛ Համաշխարհային բանկը պատրաստ են նոր ներդրում անել։ Հուսով ենք` քաղաքային իշխանությունը կապի դուրս կգա, և այդ հարցի շուրջ բանակցություններ կսկսվեն», – ասաց Թավիլը։
Նրա խոսքով` բոլոր այս առաջարկներն արդեն ներկայացվել են քաղաքապետարանին, սակայն դեռ պաշտոնական պատասխան չեն ստացել։ Ավելին` ընկերության ներկայացուցիչների ու փոխքաղաքապետ Հրաչյա Սարգսյանի հանդիպման ժամանակ վերջինիս միակ մտավախությունն այն էր, թե ինչպես քաղաքացիները կարձագանքեն աղբահանության համար «Սանիտեքին» ավելի շատ վճարելու հարցին։
Նա հավելեց, որ երկուշաբթի ընկերությունը կսկսի պատրաստվել նախարբիտրաժային գործընթացին ու ՀՀ կառավարության հետ նամակագրություն կսկսի ։
Հիշեցնենք, որ «Սանիթեք» ընկերությունը մեղադրվում է խոշոր չափերով հարկեր չվճարելու մեջ։ «Սանիթեք ինթերնեյշնլ» ՍՊԸ և «Սանիթեք» ՍՊԸ հայաստանյան մասնաճյուղի վերաբերյալ նախապատրաստված նյութերով առանձնապես խոշոր չափերով հարկերը չվճարելու դեպքի առթիվ քրեական գործ է հարուցվել դեռևս փետրվարի 22-ին։
Քրեական գործով որպես մեղադրյալ ներգրավված անձինք չկան:
Քրեական գործի նախաքննության ընթացքում «Սանիթեք» ՍՊԸ հայաստանյան մասնաճյուղի և «Սանիթեք ինթերնեյշնլ» ՍՊ ընկերության կողմից կատարված իրավախախտումների ծավալը պարզելու համար նշանակվել են համալիր հարկային ստուգումներ, որոնք դեռևս ընթացքի մեջ են:
Հիշեցնենք նաև, որ օրեր առաջ Երևանի քաղաքապետ Հայկ Մարությանը հայտարարեց, որ քաղաքը չի կարող ունենալ այնպիսի աղբամաններ, ինչպիսին տրամադրում է «Սանիթեք» ընկերությունը, և որ քաղաքային իշխանությունները թույլ չեն տալու, որ Երևան քաղաքում աղբահանությունը մնա այս վիճակում:
Նա նշեց, որ քաղաքային իշխանությունն առավելապես աջակցել է «Սանիթեք» ընկերությանը, ամեն ինչ արել է, որ ընկերությունը ոտքի կանգնի, բայց ապարդյուն։
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։