«Ռիսկի դիմել չեն կամենում». ստամբուլահայերը Համահայկական խաղերին չեն մասնակցի
(Թարմացված է 15:33 02.08.2019)
Թուրքիայի դիրքորոշումը պարզ է: Ստամբուլահայ մարզիկների մասնակցությունը Համահայկական խաղերին կարող է չհամընկնել իրենց համայնքի քաղաքացիական իրավունքների և պատասխանատվության հետ:ԵՐԵՎԱՆ, 2 օգոստոսի – Sputnik. Ստամբուլահայ մարզիկների խումբն այս տարի չի մասնակցի Համահայկական խաղերին, որոնք անցկացվելու են Արցախում։ Ինչպես գրում է Ստամբուլի հայկական «Ժամանակ» օրաթերթը՝ այս մասին մամուլի ասուլիսի ժամանակ հայտարարել է Համահայկական խաղերի Ստամբուլի կարգադիր հանձնախմբի ատենապետ Հայկարամ Քարասուն։
©
Sputnik / Asatur Yesayants
Հայկարամ Քարասուի խոսքով՝ չմասնակցելու գլխավոր պատճառը համահայկական խաղերի անցկացման վայրն է: Քաջատեղյակ լինելով Թուրքիայի դիրքորոշմանը արցախյան հողերի նկատմամբ, ատենախմբի անդամները ավելորդ ռիսկի դիմել չեն ցանկանում։
« Թուրքիայի դիրքորոշումը հստակ է տարածաշրջանի խնդիրների նկատմամբ և Ստամբուլի կարգադիր հանձնախմբի անդամները համոզված են, որ Արցախում կազմակերպված համահայկական խաղերը և ստամբուլահայ մարզիկների մասնակցությունն այդ խաղերին կարող է չհամընկնել իրենց համայնքի քաղաքացիական իրավունքների և պատասխանատվության հետ»,– գրում է օրաթերթը։
Նշենք, որ այս տարի Համահայկական խաղերի 20-ամյակն է, և այն տեղի է ունենալու օգօոստոսի 5–17 ընկած ժամանակահատվածում: Այս խաղերը Հայաստանի Հանրապետություն–Արցախ–Սփյուռք եռամիասնության խորհրդով՝ թվով 7–րդն են։
Համահայկական խաղերի բացումը տեղի կունենա օգոստոսի 6–ին` Ստեփանակերտի գլխավոր մարզադաշտում, փակումը՝ օգոստոսի 17–ին` Երևանի Ազատության հրապարակում։ Խաղերի կարգախոսն է` «Միասնություն` սպորտով»։
Չաուշի գերեզման, Մուշ, Անի, Կարս. Համահայկական խաղերի ջահը շրջում է հինավուրց քաղաքներով
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։