Ռուբեն Գյուլմիսարյան, Sputnik.

Երեկ հայկական լրատվամիջոցները հրապարակեցին «Սոչիի միջազգային օդանավակայան» ՓԲԸ–ի աշխատակիցների տարածած հայտարարությունը, և, բնականաբար, հանրությունն իսկույն արձագանքեց դրան։

© Sputnik / Игорь Онучин

«Հայերը շահարկում են ազգային պատկանելությունը». Սոչիի օդանավակայանի պարզաբանումը

«Մենք՝ «Սոչիի միջազգային օդանավակայան» ընկերության աշխատակիցներս, դիմում ենք Ձեզ օգնության համար: Մենք և մեր բոլոր գործընկերները, ՌԴ քաղաքացիներ ենք, Սոչիի բնակիչներ, հայրենասերներ, ավիացիայի նվիրյալներ: Խնդրում ենք Ձեզ լուծել հարցն ու վերացնել հայերի նկատմամբ խտրականությունը: Մենք պարզապես ցանկանում ենք աշխատել, նորմալ ապրել, կերակրել մեր ընտանիքներն ու վստահ լինել մեր երեխաների ու թոռների ապագայի կայունության հարցում: Խնդիրը վերաբերում է 200 աշխատակցի, մոտ 100-ն արդեն աշխատանքից ազատվել են, և եթե հաշվի առնենք նրանց ընտանիքիներին, ապա խնդիրը վերաբերում է առնվազն 1000 մարդու», – նշված էր հայտարարության մեջ։

Պարզելու համար, թե ինչ է կատարվում, մենք դիմեցինք Սոչիի հայ համայնքի ներկայացուցիչներին, հայտարարության տակ ստորագրած աշխատակիցներին, ինչպես նաև օդանավակայանի պաշտոնյաներին։

Չես կարող վճարել` արձակուրդ վերցրու. հիփոթեքային վարկը հնարավոր կլինի մի քանի ամիս չվճարել

Sputnik Արմենիան ստացավ «Սոչիի միջազգային օդանավակայան» ՓԲԸ–ի մամուլի կենտրոնի մեկնաբանությունը։

Օդանավակայանի ղեկավարությունը մարդկանց ազգային պատկանելության պատճառով աշխատանքից ազատելու մասին տեղեկությունն անվանեց «իրականությանը հակասող ու ընկերության համար վիրավորական»։ «Սոչիի միջազգային օդանավակայանը» պաշտոնապես հայտարարում է, որ կադրային քաղաքականությունը համապատասխանում է Ռուսաստանի օրենսդրության բոլոր նորմերին ու պահանջներին։ Օդանավակայանի հաղորդագրության համաձայն` օդանավակայանի աշխատակիցների կազմը բազմազգ է, ու դա օդանավակայանի առավելությունն է, իսկ կադրային փոփոխությունները միշտ հիմնվում են կորպորատիվ նորմերի ու դրույթների, բազմազգ կոլեկտիվում աշխատելու էթիկայի կանոնների վրա։

© Sputnik / Asatur Yesayants

Ախպեր ջան, ոնց որ թե նորից գնա՞նք «խոպան»… հայերը շարունակում են Ռուսաստան մեկնել

Հաղորդագրության մեջ նշված էր նաև, որ աշխատակիցները, որոնց հետ վերջերս այս կամ այն պատճառով չեղարկել են աշխատանքային պայմանագրերը, անձնական շահերից ելնելով են շահարկում են իրենց ազգային պատկանելությունը։ Ղեկավարությունը կարծում է, որ մի խումբ անձանց այսօրինակ դիրքորոշումն ազգամիջյան ատելություն է բորբոքում։ Օդանավակայանի մամուլի ծառայությունը նշում է, որ 2019 թվականի յոթ ամսվա ընթացքում տարբեր պատճառով ընկերությունը լքած (սեփական ցանկությամբ, կրճատման հետևանքով) աշխատակիցների ընդհանուր թվի միայն 3%–ն է հայկական սփյուռքի ներկայացուցիչ։ Այդ իսկ պատճառով որևէ մեկը չի կարող դա ազգային պատկանելությամբ պայմանավորել։

Մենք կապ հաստատեցինք քաղաքի հայկական համայնքի ներկայացուցիչների հետ։ Ռուսաստանի հայերի միության Սոչիի բաժնի ղեկավարի տեղական Թումաս Վարդանյանը զարմացավ մեր զանգից ու ասաց, որ երբեք չի լսել ազգային պատկանելության պատճառով կրճատումների մասին։ Նա վստահեցրեց, որ Ռուսաստանում նման բանն անհնար է։

«Նման բան չեմ լսել, չեմ էլ պատկերացնում, որ ժամանակակից Ռուսաստանում այդպիսի բան հնարավոր լինի։ Մեզ նման խնդիրերով չեն դիմել»,– ասաց Վարդանյան ու խոսք տվեց ամեն դեպքում հետաքրքրվել այդ հարցով։

Արմեն Սարգսյանը հրաժարվել է մեկ տարվա աշխատավարձից

Սոչիի հայկական համայնքի ղեկավարի տեղակալ Մելիք Կիվիրյանն էլ մեզ ասաց, որ երեկ տեսել է այդ հայտարարությունը, թեև նամակն իրեն ուղարկել են առանց անունների ու ստորագրող մարդկանց հետ կապ հաստատելու մասին տեղեկությունների։ Կիվիրյանը նշեց, որ մոտ չորս ամիս առաջ լսել է, որ օդանավակայանի հայ աշխատակիցները բողոքում են աշխատանքից ազատվելու թեմայով, բայց հետո կարծես այս թեման մարել էր։

© Sputnik / Aram Nersesyan

Հայրենիքի «քաղցր օդի» դառը հեգնանքը. ինչու է թանկացել Երևան–Մոսկվա ավիատոմսերի գինը

«Առաջիկա օրերին կհավաքենք համայնքի ներկայացուցիչներին, կքննարկենք այդ հարցը։ Մենք անպայման կլուծենք խնդիրը, եթե այն իսկապես կա, քանի որ դա ազգային հարց է։ Մինչ այս նման իրավիճակի չենք բախվել։ Մենք անպայման կապ կհաստատենք օդանավակայանի հետ», – ասաց Մելիք Կիվիրյանը։

Ստորագրահավաքին մասնակցածները վստահեցնում են, որ իրենց հայտարարության մեջ ամեն ինչ ճիշտ է ներկայացված։ Այն մարդիկ, որոնց դեռ գործից չեն ազատել, հոգեբանական ճնշման են ենթարկվում, նրանք ծանոթ են հայտարարության տեքստին ու գիտեն` ինչ են ստորագրել։ Sputnik Արմենիան կապ հաստատեց նրանցից երկուսի հետ։ Աշխատակիցներին ընտրեցինք պատահականության սկզբունքով։

Օդանավակայանի կարգավար Սուրեն Ադամյանը պատմեց, որ կրճատումների առաջին ալիքը եղել է Նոր տարուց առաջ, կրճատել են ուղևորափոխադրումների սպասարկման բաժնի աշխատակիցներին։

«Կրճատեցին հայկական ազգանուններ ունեցողներին ու այն ռուսներին, որոնք հայերի հետ են ամուսնացած։ Անվտանգության աշխատակիցներին էլ կրճատեցին, հետո մի քանի ամիս դադար տվեցին։ Իսկ հիմա ուժգին ալիք է սկսվել, ինչպես նշված էր նամակում։ Նույնիսկ ղեկավարներին են հասել։ Կապ չունի` մարդը որտեղ է աշխատում` աերոդրոմի, թե հրշեջ ծառայությունում։ Էլեկտրիկներին էլ են կրճատում... Բոլորին։ Մեզ ասում են, որ վերակազմավորում են ծառայությունները և նոր ծառայություններում մեր կարիքը չկա։ Մեր այլազգի ընկերները զարմանում են ու չեն հասկանում` ինչ է կատարվում. կրճատում են քսան տարի աշխատած, բազմապատկման աղյուսակի պես իր աշխատանքն անգիր իմացող մարդուն։ Հարցնում են` մի՞թե ընդամենը հայկական ազգանունի համար», – ասաց Սուրեն Ադամյանը։

Սուրենի գործընկեր Սերգեյ Սաֆարյանն էլ ասաց, որ գուցե գործից ազատված 300 մարդկանց մեջ իսկապես կան մի քանիսը, ովքեր ինչ–որ բան սխալ են արել։ Բայց թիրախի տակ են հայտնվել բոլորը։

Սրանք երկու կամ նույնիսկ երեք շահագրգիռ կողմերի դիրքորոշումներն էին։ Տհաճ ու անհասկանալի պատմություն է։ Պետք է հասկանալ` ինչ է կատարվում, և ռուսական պատկան մարմինները, անկասկած, կանեն դա։ Հիշեցնենք` բոլոր նրանք, ովքեր ստորագրել են հայտարարության տակ, Ռուսաստանի Դաշնության քաղաքացիներ են։

ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։

ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:

© Sputnik / Екатерина Чеснокова

Պեսկովի կինն այլևս շիկահեր չէ. նրա նոր կերպարը հիացրել է հետևորդներին

Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):

«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։

Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։