Անտառ

Կացինդ բեր, գլխովդ տամ. խառնաշփոթ իրավիճակ` Գուգարքի անտառտնտեսության Սպիտակի բաժնում

751
(Թարմացված է 23:02 29.07.2019)
Գուգարքի անտառտնտեսության տնօրենի և անտառապահի հարաբերությունները լարվել են։ Բացի այդ, հատվել են ծառեր, սակայն իրավապահ մարմինները դեռ չեն ասել` ով է մեղավոր կամ ում հրահրմամբ են նման քայլի գնացել։

ԵՐԵՎԱՆ, 29 հուլիսի — Sputnik, Կարինե Հարությունյան. Արդեն երեք ամիս է, ինչ Գուգարքի անտառտնտեսության Սպիտակի չորրորդ պահաբաժնում անհասկանալի ու խառնաշփոթ իրավիճակ է։ Այս մասին Sputnik Արմենիայի հետ զրույցում ասաց անտառապահ Զոհրաբ Սահակյանի քույրը` Աննա Սահակյանը։

«Ամեն ինչ սկսվեց նրանից, որ 2018թ.–ի մայիսի 17-ին Գուգարքի անտառտնտեսության տնօրենը` Արեն Աղաբաբյանը, աշխատանքից ազատեց եղբորս` անտառապահին։ Ու քանի որ եղբայրս աշխատանքից ազատվել էր բոլորովին անհիմն, դիմեցինք դատարան։ Մեկ տարի անց` 2019–ի ապրիլին, դատարանը մեր օգտին որոշում կայացրեց։ Աշխատավայրում, սակայն, նրան այնքան էլ լավ չդիմավորեցին»,–ասաց Աննա Սահակյանը։

Նրա խոսքով` երբ առաջին աշխատանքային օրը եղբայրը ներկայացել է տնօրենին իր աշխատանքային հրամանագիրը վերցնելու, վերջինս հայհոյել է` ասելով, թե 15 փաստաբան էլ բերի, մեկ է, չի շարունակելու աշխատել։ Իսկ երբ անտառապահը գնացել է իր պահաբաժին, տեսել է, որ բազմաթիվ ծառեր կոտրած ու կտրած են։ Դեպքի մասին Զոհրաբ Սահակյանը զեկուցել է տնօրենին, սակայն նրա զեկուցագիրը, ըստ տիկին Սահակյանի, արհամարհել են ու այդպես էլ որևէ քայլ չի արվել։

Խորհրդակցեցինք ու լուծման տարբերակ առաջարկվեց. Վանեցյանը` փայտի խնդրի մասին

«Տնօրենի ենթակաները եղբորս ասում են` կացինդ ո՞ւր է, բեր, հեսա գլխովդ եմ տալու. արդեն մյուսներին է լարում եղբորս դեմ։ Հարցն այն է, որ մինչ օրս հանձնում–ընդունում չի արվել, ու կտրված ծառերի համար ոչ ոք պատասխան չի տվել։ «Հայանտառի» տնօրեն Արեգ Կարապետյանին էլ զեկուցագիր ենք ներկայացրել, բայց նա էլ իր հերթին ոչինչ չի պատասխանել։ Դեպքի մասին քննչական կոմիտեից միայն ասացին, որ, հանգիստ լինենք, եղբայրս վկայի կարգավիճակ ունի»,–ասաց տիկին Սահակյանը։

Նրա խոսքով` իրենք անհանգստացած են, քանի որ մինչ օրս բավական լարված է եղբոր և տնօրենի հարաբերությունները։ Բացի այդ, մտավախություն ունեն, որ աշնան ստուգումների ժամանակ այդ ծառահատումների մեղքը կարող են բարդել եղբոր վրա։

«Հայանտառի» տնօրեն Արեգ Կարապետյանը մեզ հետ զրույցում նշեց, որ խնդրի մասին տեղյակ է, ու իրենք փորձել են լուծումներ գտնել։ Նրա խոսքով` ապրիլի 2–ին Գուգարքի անտառտնտեսության տնօրենի ներկայացրած զեկուցագրով Սպիտակի չորրորդ պահաբաժնում հանձնման–ընդունման աշխատանքներ են կատարվել` պահպանության գծով տեղակալ Սուրեն Ղարաբեկյանի գլխավորությամբ։

«Հանձնման–ընդունման աշխատանքների ժամանակ հայտնաբերվել է ձեռքով ջարդված, կացնով կոտրած 25 մատղաշ սոճենի։ Որոշ ժամանակ անց ավելի մեծ քանակությամբ վնասված, կոտրված ծառեր են հայտնաբերվել, և տնօրենը դիմել է ոստիկանություն։ Բավական երկար սպասեցինք, որ քննություն իրականացվի, իմանանք` մեղավորն ով է, սակայն գործը վարույթ ընդունվեց ու որևէ մեկին մեղադրանք չի ներկայացվել դեռ»,–ասաց Կարապետյանը։

Իջևանում միայն մտրակ կիրառելն էֆեկտ չի ունենա. ինչպիսի «բլիթներ» պիտի կիրառի պետությունը

Նրա խոսքով` չնայած մասնաճյուղի տնօրենը միջնորդում էր ծառահատումների համար աշխատանքից ազատել անտառապահին, սակայն իրենք սահմանափակվել են նրանով, որ նկատողություն են արել անտառապահին` բացակայությունների համար։

«Հայանտառի» տնօրենը նշում է` Գուգարքի անտառտնտեսության տնօրենի և անտառապահի միջև ինչ–ինչ խնդիրներ կան, սակայն այդ խնդիրները ոչ մի կերպ չեն ազդելու աշխատանքի վրա։ Նա հավաստիացնում է, որ եթե անտառապահը բարեխիղճ կատարի իր աշխատանքը, որևէ մեկն անհիմն չի կարող աշխատանքից ազատել նրան։

Կարապետյանը նշեց, որ իրենք որևէ խնդիր չունեն անտառապահի հետ ու հորդորում են թե՛ անտառապահին, թե՛ Գուգարքի անտառտնտեսության տնօրենին ձեռնպահ մնալ փոխադարձ վիրավորանքներից։ «Այո, այնքան էլ սովորական իրավիճակ չէ։ Խնդիրն այն է, որ կա ապօրինի գործունեություն` ծառահատում, սակայն այդպես էլ չգիտենք` ով է հանցանքը կատարել, կամ ում հրահրումով և ինչ դրդապատճառով է նման բան արվել»,–ասաց նա։

ՀՀ Քննչական կոմիտեի մամուլի բաժնից էլ հայտնեցին, որ Գուգարքի անտառտնտեսության Սպիտակի 4–րդ պահաբաժնում ապօրինի ծառահատումների դեպքով քրեական գործ է հարուցվել ՀՀ քրեական օրենսգրքի 296.3–րդ մասով։

Քրգործը հարուցվել է դեռ մայիս ամսին. որևէ մեկը որպես մեղադրյալ չի անցնում գործով։ Նախաքննությունը շարունակվում է։

751
թեգերը:
ծառ, աշխատանք, անտառապահ, ՀՀ քննչական կոմիտե, Քննություն, Անտառ, Լոռի, Հայաստան
Ըստ թեմայի
2140 հատված ծառ և մոտ 335 միլիոն դրամի վնաս. մեղադրանք է առաջադրվել 2 անտառապահի
Փոքր ՀԷԿ-երը, Ամուլսարը, Սևանից ջրառն ու անտառահատումները. բնապահպանական մտահոգություններ
Ո՞վ է թիկունքից ղեկավարում անտառահատումների անօրինական ցանցը. Փաշինյանը բացում է փակագծերը
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

125
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

125
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը
Վանդալիզմ Նոր Երզնկա համայնքում

Վանդալիզմ Նոր Երզնկա համայնքում. խաչքարեր են ջարդել. լուսանկարներ

263
(Թարմացված է 20:12 18.04.2021)
Պատմական միջավայրի պահպանության մարզային ծառայության պատասխանատուները վանդալիզմի փաստն արձանագրելուց հետո համապատասխան միջոցներ են ձեռնարկել։

ԵՐԵՎԱՆ, 18 ապրիլի – Sputnik. ՀՀ Կոտայքի մարզի Նոր Երզնկա համայնքում գտնվող խաչքարերից երկուսը ջարդել են։ Տեղեկությունը Facebook–ի իր էջում հայտնում է ՀՀ ԿԳՄՍՆ Պահպանության ծառայություն ՊՈԱԿ-ը։

««Պահպանության ծառայություն» ՊՈԱԿ-ի Պատմական միջավայրի պահպանության (ՊՄՊ) Կոտայքի մարզային ծառայության աշխատակիցը, հուշարձանների տարածք կատարած հերթական շրջայցի ժամանակ, վանդալիզմի դեպք է արձանագրել։ Նոր Երզնկա համայնքում գտնվող խաչքարերից երկուսը ջարդված են եղել», – նշված է հաղորդագրության մեջ։

Մարզային ծառայության պատասխանատուները փաստն արձանագրելուց հետո համապատասխան միջոցներ են ձեռնարկել, չնայած խաչքարերն ընդգրկված չեն ո'չ նորահայտ հուշարձանների, և ո'չ էլ հուշարձանների պետական ցուցակում, և չեն գտնվում կազմակերպության պահպանության ներքո։

Վանդալիզմ Երևանում. Կոմիտասի անվան պանթեոնից գողացել են Շուշանիկ Կուրղինյանի կիսանդրին

263
թեգերը:
Լուսանկար, խաչքար, վանդալիզմ
Ըստ թեմայի
«Հուսով ենք` Բաքուն միջոցներ կձեռնարկի». Զախարովան՝ Քարինտակի ու Շուշիի վանդալիզմի մասին
Արձան կոտրելու արվեստը կամ ժապավենով փաթաթված վանդալիզմը Երևանում
Ոչ մի վանդալիզմ էլ չի եղել. վիրահայոց թեմի հոգևորականը վստահեցնում է` ամեն ինչ կարգին է