Վիրահատարան

«Սատանի կամրջից» ընկած 16 տարեկան տղայի վիճակը կայուն ծանր է

58
(Թարմացված է 12:58 28.07.2019)
Պատանին գտնվում է «Սուրբ Աստվածամայր» բժշկական կենտրոնի վերակենդանացման բաժնում:

ԵՐԵՎԱՆ, 28 հուլիսի – Sputnik. Սյունիքի մարզի «Սատանի կամուրջ» կոչվող հատվածում ձորն ընկած 16 տարեկան տղային վիճակը ծանր կայուն է: Այս մասին Sputnik Արմենիայի հետ զրույցում  հայտնեցին Երևանի «Սուրբ Աստվածամայր»  բժշկական կենտրոնի վերակենդանացման բաժնից։

«Տղայի վիճակը ծանր կայուն է, այլ մանրամասներ այս պահին չենք կարող հայտնել»,- ասացին ԲԿ-ից:

Հիշեցնենք, որ երեկ «911» ծառայությունն ահազանգ էր ստացել, որ հուլիսի 27-ին, ժամը 12:40-ին Սյունիքի մարզում գտնվող «Սատանի կամուրջ» կոչվող հատվածից էքսկուրսիա գնացած 16–ամյա մի քաղաքացի է ընկել ձորը։ Տղան նախ հոսպիտալացվել էր  Գորիսի բժշկական կենտրոն, այնուհետև ուղղաթիռով տեղափոխվել Երևան:

«Նրա մոտ կան զուգակցված վնասվածքներ, բաց գանգուղեղային վնասվածք, կոնքի կոտրվածք։ Վիճակը ծանր է, բայց կայուն։ Գտնվում է բժիշկների խիստ հսկողության ներքո»,–  Facebook սոցիալական ցանցում այս մասին գրել էր բժշկական կենտրոնի մամուլի քարտուղար Գևորգ Դերձյանը։

58
թեգերը:
տղա, Սատանի կամուրջ, Աշակերտ, Վիրավոր, հիվանդանոց, հիվանդ, Հայաստան, Երևան
Ըստ թեմայի
Կրակոցներ Նյու Յորքի մանկական խաղահրապարակում. կա զոհ
Դանակահարված և մերկ վիճակում. Մոսկվայում հայտնի կին բլոգերին գտել են ճամպրուկի մեջ
Ողբերգական ավտովթարի հետևանքով մահացել է բազմաթիվ կյանքեր փրկած բժիշկ-ակադեմիկոսը