NOAH FEST–ի մեկնարկը Ազատության հրապարակում

Ֆուտբոլասերներն ու երաժշտասերները` մեկ հարթակում. մեկնարկեց NOAH FEST-փառատոնը

429
«ՆՈԱ»-ն Երևանում հիմնված երիտասարդ ֆուտբոլային ակումբ է, որը նպատակադրվել է դուրս գալ եվրոպական ասպարեզ:

ԵՐԵՎԱՆ, 26 հուլիսի — Sputnik. Ազատության հրապարակում այսօր ֆուտբոլասերների ու երաժշտասերների համար տոն էր։ NOAH FEST-փառատոնն ու ֆուտբոլային «ՆՈԱ» ակումբի շնորհանդեսը մեկտեղել էր Հայաստանի և Ռուսաստանի արտիստներին և ֆուտբոլիստներին։

NOAH FEST-ը մեկնարկեց Եվրոպայի մինչև 19 տարեկանների եզրափակչին ընդառաջ:

Фестиваль Noah Fest на площади Свободы (26 июля 2019). Еревaн
© Sputnik / Aram Nersesyan
NOAH FEST–ի մեկնարկը Ազատության հրապարակում

Միաժամանակ, փառատոնի շրջանակներում Հայաստանի Ֆուտբոլի Ֆեդերացիայի աջակցությամբ տեղի ունեցավ երիտասարդ, նոր ու ամբիցիոզ ֆուտբոլային «ՆՈԱ» ակումբի շնորհանդեսը, որին էլ և հաջորդեց  համերգային ծրագիրը:

Выступление Лилы на фестивале Noah Fest на площади Свободы (26 июля 2019). Еревaн
© Sputnik / Hovhannes Shoghikyan
NOAH FEST–ի մեկնարկը Ազատության հրապարակում

Sputnik Արմենիայի հետ զրույցում «ՆՈԱ» ակումբի մամուլի քարտուղար Ռուբեն Մելոյանը վստահություն հայտնեց, որ թիմը դեռ շատ հաղթանակներ է ունենալու:

Футболисты ФК Noah на фестивале Noah Fest на площади Свободы (26 июля 2019). Еревaн
© Sputnik / Petros Lagesyan
«ՆՈԱ» ակումբի շնորհանդեսը

«Մարզիչներ ենք հրավիրել Մոլդովայից, Ռուսաստանից: Մեր թիմում ֆուտբոլիստներ ունենք նաև Ռուսաստանից: 2019-2020 թվականի նոր առաջնությանը շատ լուրջ պատրաստվում ենք և մտադիր ենք առաջիկա տարիներին առաջընթաց ունենալ ու հանդես գալ  եվրոգավաթներում»,-նշեց Մելոյանը:

Фестиваль Noah Fest на площади Свободы (26 июля 2019). Еревaн
© Sputnik / Aram Nersesyan
NOAH FEST–ի մեկնարկը Ազատության հրապարակում

NOAH FEST-ի բեմը միավորեց  Հայաստանի և Ռուսաստանի արտիստներին: Երիտասարդները եկել էին վայելելու իրենց սիրված երգիչների կատարումները: Համերգային ծրագրում հանդես եկան BLACK STAR-ից Միշա Մարվինը, ARS-N և Նազիման: Ազատության հրապարակի բեմում էին նաև  Noah Music լեյբլի աստղեր 8Adim-ը, Լիլան, Jmar-ը, Clay-ը և Արտյոմ  Դոգման: Ռուսաստանցի արտիստներին միացան նաև հայ աստղերը՝ Արամ MP3-ն, «Գարիկ և Սոնա» Բենդը:

Фестиваль Noah Fest на площади Свободы (26 июля 2019). Еревaн
© Sputnik / Aram Nersesyan
«ՆՈԱ» ակումբի շնորհանդեսը

Հիշեցնենք, որ 2019թ. Եվրոպայի մինչև 19 տարեկանների առաջնության եզրափակիչ փուլը անցկացվում է Երևանում հուլիսի 14-27-ը: Այս օրերին Երևանը վերածվել է եվրոպական ֆուտբոլային մայրաքաղաքի: Հայաստանի հավաքականը այս տարիքային խմբում իր պատմության մեջ երկրորդ անգամ է մասնակցում եզրափակիչ փուլին: Բացի հյուրընկալող կողմից, տիտղոսի համար պայքարում են ևս 7 եվրոպական թիմեր: Նրանց շարքերում են համաշխարհային ֆուտբոլի այնպիսի հավաքականներ, ինչպիսիք են Իսպանիան, Իտալիան, Ֆրանսիան և Պորտուգալիան։

Фестиваль Noah Fest на площади Свободы (26 июля 2019). Еревaн
© Sputnik / Aram Nersesyan
NOAH FEST–ի մեկնարկը Ազատության հրապարակում
429
թեգերը:
ՀՖՖ, ֆուտբոլ, Երևան, Հայաստան
Ըստ թեմայի
Նորվեգիա–Չեխիա հանդիպումն ավարտվեց ոչ–ոքի. «տխուր» ֆուտբոլն այդպես էլ «ուրախ» չդարձավ
Իսպանիան Իտալիային հաղթեց Հայաստանում և դուրս եկավ ԵԱ կիսաեզրափակիչ. լուսանկարներ
Որտեղ եղել է, հայերի է փնտրել. ինչպես Բուլղարիայի հերոս հայը նվաճեց օլիմպիական ոսկիները
Գորդոնը կնոջ հետ

Հանրահայտ հաղորդավար Ալեքսանդր Գորդոնը բաժանվել է երիտասարդ կնոջից

10
(Թարմացված է 14:22 04.08.2020)
Չորրորդ ամուսնությունը նույնպես երջանկություն չբերեց հայտնի հեռուստահաղորդավարին: Հայտնի է, որ ամուսնալուծության դիմումը ներկայացրել է կինը։

ԵՐԵՎԱՆ, 4 օգոստոսի - Sputnik. Ռուսական Առաջին ալիքի հաղորդավար Ալեքսանդր Գորդոնը և նրա երիտասարդ կինը՝ Նոզանին Աբդուլվասիևան, գաղտնի խզել են ամուսնությունը։ Տեղեկությունը հայտնում է Starhit–ը։

Ըստ կայքի` Աբդուլվասիևան ամուսնալուծության դիմում է ներկայացրել հունիսին, դատարանը մեկ ամիս անց պաշտոնապես խզել է նրանց ամուսնությունը:

«Ամուսինների միջև ոչ մի վեճ չի եղել, ալիմենտի և գույքի վերաբերյալ բոլոր հարցերը լուծվել են մինչդատական կարգով», — հայտնել են դատարանի մամուլի ծառայությունից։

Հիշեցնենք` նրանք ամուսնացել էին 2014-ին, երբ Աբդուլվասիևան 20 տարեկան էր, Գորդոնը` 50։ Սա հայտնի հաղորդավարի չորրորդ ամուսնությունն էր, որի արդյունքում լույս աշխարհ եկան Ալեքսանդրն ու Ֆյոդորը ( մեկը 6 տարեկան է, մյուսը` երեք)։

Երբ կորոնավիրուսի տարածման պատճառով ինքնամեկուսացման ռեժիմ էր հայտարարվել, Աբդուլվասիևան գրել էր, որ հոգնել է երեխաների հետ ինտենսիվ ժամանակ անցկացնելուց: Նա նաև նշել էր, որ պարբերաբար խտրականության է ենթարկվում ազգային պատկանելության պատճառով (Աբդուլվասիևան տաջիկ է, բայց ծնվել է Մոսկվայում)։

Հաղորդավար, լրագրող և դերասան Ալեքսանդր Գորդոնը հիմա 56 տարեկան է։ Աշխատել է NTV–ում: 1989-ին կնոջ և դստեր հետ արտագաղթել էր ԱՄՆ, 1997-ին` վերադարձել Ռուսաստան։

Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար

10
թեգերը:
Ալեքսանդր Գորդոն, ամուսնալուծություն
Ըստ թեմայի
«Տիեզերքի լավագույն տղամարդը». Աննա Սեդոկովան 3-րդ անգամ է ամուսնանում
Վալերիայի կրտսեր որդին ամուսնանում է Լիանա Վոլկովայի հետ. կրեատիվ առաջարկության տեսանյութը
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին
Մաշտոցի պուրակ

«Դա իր սեփականությունն է, մենք ոչինչ չենք կարող անել». Մարությանը` Մաշտոցի պուրակի մասին

151
(Թարմացված է 14:05 04.08.2020)
Երևանի Մաշտոցի պուրակում իրականացվող շինարարական աշխատանքների դեմ արդեն մի քանի օր է, ինչ բողոքի ակցիաներ են տեղի ունենում։ Բնապահպաններն ահազանգում են նաև հատված ծառերի մասին։ Քաղաքապետը մեկնաբանել է, թե ինչ է իրականում կատարվում այգու տարածքում։

ԵՐԵՎԱՆ, 4 օգոստոսի – Sputnik. Երևանի քաղաքապետ Հայկ Մարությանն այսօր լրագրողների հետ հանդիպմանը անդրադարձավ Մաշտոցի պուրակի շուրջ վերջին օրերին կատարվող իրադարձություններին և ասաց, որ Երևանում տեղի ունեցող ամեն ինչ չէ, որ կատարվում է քաղաքապետի ցանկությամբ։

«Եթե իմ ցանկությամբ լիներ, ես շատ ու շատ բաներ շատ ավելի արագ կանեի, այլ կերպ կանեի, բայց իմ ցանկությունը շատ հաճախ գալիս ու բախվում է օրենքների պատնեշներին։ Եվ քանի որ մենք հայտարարել ենք, որ մեր պետությունն օրենքով շարժվող երկիր է, անգամ եթե գիտենք, որ լավ բան է, բայց օրենքը թույլ չի տալիս, մենք էլ մեզ թույլ չենք տալիս այդպես գործել»,– շեշտեց Մարությանը։

Խոսելով Մաշտոցի պուրակի խնդրից` Մարությանը հիշեց իր նախորդ պաշտոնակցի` Տարոն Մարգարյանի օրոք այգու փրկություն համար տեղի ունեցող բողոքի ակցիաները, նշեց, որ ինքն էլ է մասնակցել դրանց ու վստահեցրեց` այսօր էլ է պայքարում։

  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
1 / 4
© Sputnik / Asatur Yesayants
Մաշտոցի պուրակ

«Դուք գիտեք` այն տաղավարները, որոնք պետք է կառուցվեին այն ժամանակ, հանրային ճնշմամբ ուղղակի թույլ չտրվեց, որ պարոն Մարգարյանը թույլ տա` այդ ամենը կառուցվի, և մենք ունեցանք Մաշտոցի պուրակ։ Բայց կա այնտեղ մի սրճարան, որն ուներ 277 քմ սեփականության իրավունքով գրանցված տարածք և 17 քմ սեփականությամբ գրանցված տարածք` որպես տաղավար։ Եվ դա իր սեփականությունն է, ու մենք ոչ մի բան դրա դեմ չենք կարող անել»,– պարզաբանեց Մարությանը։

«Այ ախպեր, ո՞ւր ա գործ...». Փաշինյանը պատմել է Մարությանի հաղորդագրության մասին

Քաղաքապետը նաև հայտնեց, որ տարածքը սեփականության իրավունքով սրճարանի տիրոջն է տրվել Տարոն Մարգարյանի` 2015թ–ի մայիսի 16-ի որոշմամբ։ Մինչ այդ նույն տնտեսվարողին մինչև 2040 թ–ի ավարտը վարձակալության իրավունքով տրված այգու 386 քմ տարածքը հասցվել է 1048 քմ–ի, իսկ վերոհիշյալ 277 և 17 քմ տարածքները վարձակալին են տրվում արդեն սեփականության իրավունքով։

Մարությանը հայտարարեց, որ Տարոն Մարգարյանի այս որոշումն ինքն արդեն չեղյալ է համարել, վերականգնել նախկին` 386 քմ տարածքի վարձակալության մասին որոշումը։ Բացի այդ, սեփականատիրոջ հետ պայմանավորվածություն է ձեռք բերել 277 և 17 քմ–երի վրա կառուցված գույքը քանդելու և դրանց փոխարեն կառուցվող նոր գույքը համայնքային սեփականություն սահմանելու մասին։

«Այսինքն` այդ գույքի տերը համայնքն է։ Այս տարիներին ինքը կօգտագործի դա, և վարձակալության ժամկետն ավարտվելուց հետո դա կդառնա համայնքի գույքը, մերը, քաղաքինը։ Այդ ժամանակ ովքեր կլինեն քաղաքապետ, համայնքային իշխանություն, կորոշեն, թե այդ գույքն ինչ են անում»,– ասաց Մարությանը։

Արդեն կառուցված սրճարանը, ըստ քաղաքապետի, քանդվել է ապօրինի կառույց լինելու պատճառով, քանի որ օրենքով այգիների, պուրակների տարածքում հիմնական շինությունների շինարարությունն արգելվում է։

«Իմ կողմից պայման է դրվել, որ նոր կառուցվողը պիտի լինի թեթև կոնստրուկցիաներով, և ոչ մի ծառ ու թուփ չպետք է տուժի։ Իսկ եթե անհրաժեշտ լինի հատել որևէ ծառ, այն պարտադիր պետք է փոխարինվի նոր տնկվող այլ, ավելի որակյալ ծառով, որն ավելի օգտակար կլինի թե՛ պուրակին, թե՛ էկոլոգիային»,– ասաց Մարությանը։

Հիշեցնենք` Մաշտոցի այգում իրականացվող նոր շինարարական աշխատանքների դեմ արդեն մի քանի օր է` բողոքի ակցիաներ են տեղի ունենում։ Բնապահպաններն ահազանգում են նաև հատված ծառերի մասին։

Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

151
թեգերը:
Մաշտոցի պուրակ, Երևան, Հայկ Մարության, Հայաստան
Ըստ թեմայի
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Բարելավում հանրային տրանսպորտի ոլորտում․ Մարությանը լավ լուր է հայտնել
Մարությանի կարգադրությամբ քաղաքապետարանի աշխատակիցներից 122-ը պարգևավճարներ են ստացել
«Հայփոստ»

Ավազակային հարձակում «Հայփոստում». տղամարդը սպառնացել է զենքով ու գումար պահանջել

0
(Թարմացված է 14:45 04.08.2020)
Զինված ավազակային հարձակում իրագործած տղամարդը, ըստ տեղեկությունների, Երևանի բնակիչ է, 33 տարեկան։

ԵՐԵՎԱՆ, 4 օգոստոսի – Sputnik. Քիչ առաջ զինված ավազակային հարձակում է տեղի ունեցել Երևանում։ Մի տղամարդ՝ ատրճանակով զինված, մտել է Մալաթիա-Սեբաստիա վարչական շրջանի Րաֆֆու փողոցի 83 շենքում գործող «Հայփոստի» գրասենյակ և զենքի սպառնալիքի տակ գումար պահանջել աշխատակիցներից։ Տեղեկությունը հայտնում է shamshyan.com–ը։

Ըստ կայքի` այդ պահին նշված վայրում են եղել ոստիկանության Մալաթիայի բաժնի համայնքային ոստիկանության և «Զվարթնոց» օդանավակայանի ոստիկանության գծային բաժնի ծառայողները, որոնք կարողացել են հետապնդել ու վնասազերծել զինված քաղաքացուն։ Վերջինս բերման է ենթարկվել ոստիկանության Մալաթիայի բաժին։

Դեպքի վայրում հայտնաբերվել է հանցագործության գործիք ատրճանակը։

Փաստի առթիվ քրեական գործ է հարուցվել ավազակային հարձակում կատարելու հատկանշներով։

Կայքի տեղեկություններով՝ վնասազերծված քաղաքացին Երևանի բնակիչ 33-ամյա Հովհաննես Կարապետյանն է։

0
թեգերը:
ավազակային հարձակում, ՀայՓոստ, Երևան, Հայաստան
թեմա:
Վթար, պատահար, սպանություն, գողություն