ԵՐԵՎԱՆ, 26 հուլիսի — Sputnik. Հայտնի դերասան և շոումեն Միխայիլ Գալուստյանը երեկ առաջին անգամ ուղիղ եթեր է դուրս եկել Instagram–ում և ամեն ինչից զատ պատմել է, թե ինչպես է լողացել Սևանա լճում։
«Այո, ես լողացել եմ Սևանա լճում։ Պետք է ասել, որ այնտեղ այնպիսի՜ թթի օղի կա։ Խմում ես ու միանգամից հարբում, հետո մտնում ես լիճը, և ջուրն այնքան սառն է, որ միանգամից սթափվում ես։ Եվ նորից թթի օղի ես խմում», – ծիծաղելով պատասխանել է նա բաժանորդներից մեկի հարցին։
Միշան խոսել է նաև հոլիվուդյան աստղերի մասին և անդրադարձել բրիտանահայ դերասան և կինոռեժիսոր Էնդի Սերկիսին։
«Սիրում եմ Քևին Սփեյսիին։ Ի դեպ, նրա վրայից հանել են բոլոր մեղադրանքները։ Դենզել Վաշինգտոնին, Էնդի Սերկիսին։ Առաջին հերթին, նա հայ է։ Նրա աշխատանքներից են «Կապիկների մոլորակը», «Քինգ Քոնգը», հնչյունավորել է նաև Գոլումին (հոբիթ)։ Նա անիմացիայի հիանալի վարպետ է», – ասել է Գալուստյանը։
Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք
Հարցին, թե ինչ չի սիրում իր մեջ, շոումենը պատասխանել է. «Երբ զգացմունքները մթագնում են բանականությունը և չես կարողանում զսպել քեզ։ Այդ ժամանակ կարող եմ կոպտել, իսկ հետո զղջում եմ կատարվածի համար և ներողություն խնդրում։ Այո, որպես կանոն, միշտ ներողությում եմ խնդրում»։
Նա խոստովանել է, որ հանգստանալու ընթացքում ճոխություններ չի սիրում։
«Սիրում եմ պարզ հանգիստ։ Սիրում եմ լինել ջրի մեջ. լոգասենյակում, ցնցուղի տակ, ինչպես նաև քրքջալ ընկերներիս հետ, համով բաներ ուտել», – ասել է նա։
Դերասանն այս ամառ արդեն հասցրել է հանգստանալ իսպանական Մայորկա կղզում, բայց պատրաստվում է մեկնել Սոչի և Ղրիմ։
Միշան երազում է, որ առողջ լինի և իրեն շրջապատեն երջանիկ ու հաճելի մարդիկ։
Միշա Գալուստյանն անգլերեն է խոսում ու զվարճացնում Մարտիրոսյանի երկրպագուներին. տեսանյութ
