Արա Զոհրաբյան

Զոհրաբյան. «Մեր կոչը վարչապետին, ՍԴ-ին, ԱԺ-ին՝ մերժել Ստամբուլյան կոնվենցիայի վավերացումը»

79
(Թարմացված է 21:09 25.07.2019)
Փաստաբանների պալատի նախագահը կարծում է, որ Ստամբուլյան կոնվեցիայի վավերացումը Հայաստանին կկանգնեցնի լուրջ վտանգների առաջ։ Նա կոչ է անում հրաժարվել այդ պայմանագիրը վավերացնելու մտքից։

Պատկան մարմիններին կոչ ենք անում մերժել Ստամբուլյան կոնվենցիայի վավերացումը։ Այս մասին Sputnik Արմենիայի հետ զրույցում ասաց փաստաբանների պալատի նախագահ Արա Զոհրաբյանը։

«Ստամբուլյան կոնվենցիայի ընդունումից հետո մեր երկիրը հնարավորություն է տալու այլ երկրների ԼԳԲՏ անձանց փախստականի կարգավիճակ և ապաստան հայցել, իսկ այլ երկրների ԼԳԲՏ անձինք ձգտում են գալ Հայաստան, քանի որ իրենց երկրներում խնդիրներ ունեն»,- նշեց նա:

Զոհրաբյանը մտահոգված է`կոնվենցիան վավերացնելու դեպքում Հայաստանը կկանգնի դեմոգրաֆիական խնդրի առաջ:

«ԼԳԲՏ անձանց կողմից ընտանիք ստեղծելու, ամուսնանալու և երեխա որդեգրելու այսօրվա իրավական խոչնդոտները կվերանան կամ էականորեն կթուլանան, ինչը բացասական կերպով կազդի ժողովրդագրության վրա»,- ասաց նա:

Ըստ Զոհրաբյանի` եթե ընտանեկան օրենսգրքում ամուսնանալու ազատության մասին որոշ սահմանափակումները հակասեն միջազգային դրույթներին, ապա գործելու են հենց այդ պայմանագրի դրույթները:

Եթե Ստամբուլյան կոնվենցիան վավերացվի՝ այս իշխանությունը կտապալվի. Սարգսյան

Փաստաթուղթը վավերացնելու  դեպքում այն դառնալու է իրավական համակարգի բաղկացուցիչ մասը. օրենքների հետ հակասության առաջանալուց առաջնահերթությունը տրվելու է այդ պայմանագրին:

«Ապագայում իրենց կին համարող տղամարդիկ կարող են խուսափել պարտադիր զինվորական ծառայությունից, ինչը բացասական կանդրադառնա բանակի մարտունակության վրա»,- կարծում է փաստաբանների պալատի նախագահը:

Կաթողիկոսն ու արդարադատության նախարարը քննարկել են «Ստամբուլյան կոնվենցիան»

Զոհրաբյանը ևս մեկ անգամ վերահաստատում է իր հորդորը ՀՀ վարչապետին, Սահմանադրական դատարանին և ԱԺ-ին` մերժել այդ փաստաթղթի վավերացումը։

79
թեգերը:
ԱԺ, Սահմանադրական դատարան, Վարչապետ, Պայմանագիր, Ստամբուլյան կոնվենցիա, Հայաստան
թեմա:
Ստամբուլյան կոնվենցիա (19)
Ըստ թեմայի
Բռնության պատմությունների թիրախային ժայթքումը, կամ ամեն ինչ հանուն Ստամբուլյան կոնվենցիայի
Մխիթար Գոշն էլ է գրել բռնության մասին. որքան էր վճարում ամուսինը կնոջը ծեծելու համար
Դանիելյան. «Ստամբուլյան կոնվենցիայի վավերացմամբ կարող ենք ունենալ ծայրահեղ զարգացումներ»