Դիանան Մալենկո

«Չեմ ուզում դատող լինել»․ անկեղծ զրույց Դիանա Մալենկոյի հետ

806
(Թարմացված է 18:28 22.07.2019)
Հայտնի դերասանուհին իր նպատակին հասնելու ամենակարճ ճանապարհը համարում է աշխատելն ու ալարկոտությանը ոչ ասելը, ամենամեծ թերությունը`գործը վերջին վայրկյանին թողնելու սովորությունը։

ԵՐԵՎԱՆ, 23 հուլիսի – Sputnik. Հայտնի ու սիրված հաղորդավար, դերասանուհի Դիանա Մալենկոն Sputnik Արմենիայի հետ զրույցում անկեղծացել է, պատմել իր անցած ճանապարհի, վախերի, ոգեշնչման աղբյուրի, հիասթափությունների, կնոջ առաքելության  ու ականջակալներից չբաժանվելու մասին։ Զրուցել է Աստղիկ Սուքիասյանը։

-Դիանա, ե՞րբ և ի՞նչպես սկսվեց Ձեր մասնագիտական ուղին թե՛ որպես հաղորդավար, թե՛ որպես դերասանուհի։

Диана Маленко
© Photo : provided by Diana Malenko
Դիանա Մալենկո

-14 տարեկանում սկսեցի աշխատել որպես հաղորդավար, եղանակի մասին էի պատմում մարդկանց «Մետեո Թի Վի»- ում, հետո «Դար 21»- ում աստղերի միջոցով հուշում էի օրվա ընթացքի մասին, հետո արդեն «Սիեստա» հաղորդման ժամանակ հեռուստադիտողիս հետ ավելի մտերմացա, սկսեցինք հեռախոսով շփվել ուղիղ եթերում։ Երբ տեղափոխվեցի «Արմնյուզ» հեռուստաալիք, հաղորդավար Արտակի Վարդանյանի հետ որոշեցինք մեր հեռուստադիտողներին ծանոթացնել իրար հետ: Հիմա էլ այդ ամենին միացել է «Արմենիա» հեռուստաալիքի հրաշալի թիմն ու հեռուստադիտողները, ում սիրով ու սուրճով ասում ենք «Բարի լույս»:

«Ես այլևս բաց գիրք չեմ». ինչպես ամենասեքսուալ Իվետա Մուկուչյանը որոշեց գրավել աշխարհը

 

Արդեն աշխատում էի հեռուստատեսությունում, երբ ընդունվեցի Երևանի թատրոնի և կինոյի պետական ինստիտուտ` արվեստի կառավարման բաժին ու սկսեցի ներկայացումներում խաղալու առաջարկներ ստանալ: Սկզբում ուսանողական ներկայացումներ էին, իսկ հետո, երբ Դրամատիկական թատրոնում դեր ստացա, վերջնականապես սիրահարվեցի թատրոնին: Հետո կինոն էր, հիմա էլի թատրոն: Սեպտեմբերին նոր ներկայացում ունենք,անհամբեր սպասում եմ պրեմիերային:

Диана Маленко
© Photo : provided by Diana Malenko
Դիանա Մալենկո

-Ո՞րն է նպատակին հասնելու ամենակարճ ճանապարհը։

-Նպատակին հասնելու համար կարևոր է լավ տրամադրվածությունը, աշխատելը ու ալարկոտությանը ոչ ասելը:

-Նկարահանումների ժամանակ ամենազվարճալի իրավիճակը, որում երբևէ հայտնվել եք։

-Նկարահանումներից մեկի ժամանակ թութակ բերեցին տաղավար` չպատկերացնելով իմ ֆոբիայի աստիճանը։ Իհարկե, այդ պահին ահավոր էր իմ պահվածքը, հետո համացանցով մեկ դա քննարկվում էր, խայտառակ եղա, բայց հիմա զվարճալի է։

Диана Маленко
© Photo : provided by Diana Malenko
Դիանա Մալենկո

-Ո՞րն է Ձեր մանկության ամենաբարի հիշողությունը։

-Դիլիջանի մեր տան բակում կամ հարակից փողոցներում մայրիկիս հետ ձյան տակ զբոսնելը: Դեմքս տալիս էի փաթիլներին ու երազում:

- Ո՞րն եք համարում Ձեր ամենամեծ  թերությունը։

- Գործը վերջին վայրկյանին թողնելու բնավորությունս:

Диана Маленко
© Photo : provided by Diana Malenko
Դիանա Մալենկո

- Ինչի՞ց եք վախենում։

- Պատերազմից, կորստից, արհեստական ինտելեկտից, կյանքի պոեզիայի պակասից ու զգացմունքների բթացումից:

- Ի՞նչ է ձեզ համար փողը։

-Ընդամենը վճար:

-Ի՞նչի մասին եք մտածում, երբ մենակ եք լինում։

-Այս պահին մենակ եմ ու մտածում եմ` լավ կլիներ կարողանայի արևը պայուսակս գցել ու հետս վերցնել, որ ուր էլ գնամ մայրամուտը տեսնեմ։

-Ի՞նչը կարող է ձեզ նյարդայնացնել։

- Դատարկաբանությունը: Նյարդայնանում եմ շատ ու բարձր ձայնով խոսացող մարդկանցից:

- Ե՞րբ եք հիասթափվում մարդուց կամ աշխատանքից։ 

-Մարդուց հիասթափվում եմ, երբ նկատում եմ շահագործելու կամ քեզ ղեկավարելու միտում, իսկ աշխատանքից` երբ երկար ժամանակ փոփոխություն չի լինում:

-Ո՞վ կամ ի՞նչը կարող է ոգեշնչման աղբյուր լինել ձեզ համար։

-Գեղեցիկը, կլինի դա ֆիլմում, երաժշտության մեջ, թե ուղղակի կյանքում: Ոգեշնչվում եմ նաև այն մարդկանցից, որոնք սիրահարված են իրենց գործին: Մասնագիտությանը, աշխատանքին, ընտանիքին սիրո մեծ չափաբաժնով տրվող մարդիկ հիասքանչ են:

Диана Маленко
© Photo : provided by Diana Malenko
Դիանա Մալենկո

-Ինչի՞ համար եք  ափսոսում:

-Որ ժամանակս ավելի արդյունավետ չեմ ծախսում:

- Մարդկանց մեջ ինչը չե՞ք ընդունում։

- Չեմ ուզում դատող լինել, վախենում եմ ապագայի անակնկալներից, նախանձը հեչ չեմ սիրում:

- Յուրաքանչյուր կին իր կյանքում պետք է ․․․։

-Միայնակ ճանապարհորդի: Հնարավորություններիդ ու վախերիդ, համարձակությանդ ու կարոտիդ ծանոթանում ես հենց այդ ժամանակ: Կարծում եմ` ինքնաբացահայտումը, ինքնաճանաչողությունը պարտադիր է կնոջ համար, որ հետո իր գլխավոր առաքելությունը կատարելիս փոխանցելիքը շատ լինի:

-Սիրո՞ւմ եք կարդալ, կա՞ գիրք, որը փոխել է ձեր ընկալումները։

-Սիրում եմ կարդալ։ Եվրիպիդես «Մեդեա»․աղջկական հայացքներս և ընկալումներս այս ստեղծագործությունը ընթերցելիս տարիք առան ու հասունացան: Իսկ երբ արդեն խաղում էի բեմադրության մեջ, մեր ռեժիսոր Գրիգոր Խաչատրյանի հետ ամիսներ շարունակ այնքան ուսումնասիրեցինք ու բզկտեցինք Մեդեային, որ վերջում վախենում էի կին լինելուցս (ժպտում է):

-Ֆիլմ, որը դիտելուց երբեք չեք հոգնի։

-«The Intouchables» ֆիլմն է։ Ինչ մեղքս թաքցնեմ, ամեն անգամ դիտելիս նույն ձևով հուզվում ու նույն ձևով հրճվում եմ:

«Վախենում եմ մենությունից, սարսափելի զգացում է». անկեղծ զրույց Արման Նավասարդյանի հետ

-Ի՞նչ երաժշտություն եք լսում։

- Ինչ ասես(ժպտում է): Կարող եմ մի քանի գործով ներկայացնել փլեյլիստս։ Լսողը թող խնամքով լսի,սրտիս մասնիկներն են։

Marvin Gaye - Falling in love again

  Channel Tres - Brilliant Nigga

Emanative - Wind , Sand and stars

DJ came - Soulshine - Sammer in Paris

Osunlade - Crazy You

Herbie Hancock-Tell Everybody

-Ունե՞ք իր, որը միշտ Ձեզ հետ է:

-Ականջակալներս միշտ ինձ հետ են։

806
թեգերը:
Դիանա Մալենկո, Երազանք, աղջիկ, Կին, դերասանուհի, Հայաստան
Ըստ թեմայի
Սիրուշոն հայտնվել է ադրբեջանական մամուլի թիրախո՞ւմ. երգչուհին լուսանկար է հրապարակել
Շնորհակալ եմ նրանց, ովքեր ոչ մի վայրկյան չկասկածեցին. անկեղծ զրույց Բելլա Քոչարյանի հետ
«Ափսոսում եմ, որ ընդամենը երկու երեխա ունեմ»․ անկեղծ զրույց Անդրանիկ Հարությունյանի հետ
Մաշտոցի պողոտա, արխիվային լուսանկար

Մյասնիկյան պողոտայից դեպի Սարալանջ տանող թունելը որոշ օրերի փակ կլինի

16
(Թարմացված է 14:53 15.07.2020)
Երևանի քաղաքապետարանը հայցում է քաղաքացիների ներողամտությունը՝ պատճառվող ժամանակավոր անհարմարությունների համար:

ԵՐԵՎԱՆ, 15 հուլիսի - Sputnik. Երևանի քաղաքապետարանը զգուշացնում է, որ առաջիկա մի քանի օրերին, առանձին ժամերի ժամանակավորապես փակ կլինեն Մյասնիկյան պողոտայից դեպի Սարալանջի փողոց տանող տրանսպորտային թունելը:

Որոշումը պայմանավորված է թունելի լուսավորության ցանցի արդիականացման աշխատանքներով:

Այսպես՝ հուլիսի 18-ին և 19-ին` ժամը 08:30-20:00-ն, ժամանակավորապես կդադարեցվի երթևեկությունը Սարալանջի փողոցից դեպի Մյասնիկյան պողոտա, իսկ հուլիսի 25-ին և 26-ին՝ Մյասնիկյան պողոտայից դեպի Սարալանջի փողոց ուղղություններով:

Պատճառվող ժամանակավոր անհարմարությունների համար Երևանի քաղաքապետարանը հայցում է քաղաքացիների ներողամտությունը:

«Հայրենիք» կինոթատրոնի խաչմերուկում արված փոփոխությունն իրեն չի արդարացրել

16
թեգերը:
վարորդ, երթևեկություն, գետնանցում, Երևանի քաղաքապետարան
Ըստ թեմայի
Հանրապետության հրապարակ տանող փողոցներում երթևեկությունը սահմանափակվելու է
Կայանատեղիներ չկան, երթևեկությունը ծանրաբեռնված է. ՃՈ պետը վիճակագրություն է ներկայացրել
Ժամանակավորապես կասեցվում է Երևան-Թբիլիսի-Երևան գնացքների երթևեկությունը
Վրաստանից Ռուսաստան բեռնատար և մարդատար կցորդիչով մեքենաների երթևեկությունը կդադարեցվի
Երևան

Օդի ջերմաստիճանը կհասնի 40 աստիճանի. Վարդավառը կանցնի անոմալ ջերմաստիճանի ներքո

51
(Թարմացված է 14:34 15.07.2020)
Գագիկ Սուրենյանը ՀՀ քաղաքացիներին զգուշացնում է անոմալ բարձր ջերմաստիճանի մասին: Հանրապետության հովտային և նախալեռնային գոտիներում սպասվում է նաև բարձր կարգի հրդեհավտանգ իրավիճակ։

ԵՐԵՎԱՆ, 15 հուլիսի – Sputnik. ՀՀ ՇՄ նախարարության Հիդրոօդերևութաբանության և մոնիթորինգի կենտրոնի տնօրեն Գագիկ Սուրենյանը Facebook-ում գրառում է արել, որտեղ ՀՀ քաղաքացիներին զգուշացրել է առաջիկա օրերին Հայաստանում սպասվող անոմալ բարձր ջերմաստիճանի մասին: Կանխատեսումը վերաբերում է մասնավորապես կիրակի օրվան, երբ Հայաստանում նշվելու է Վարդավառի տոնը և դրան հաջորդող երկուշաբթիին:

«Հուլիսի 19-20-ին Արարատի և Արմավիրի մարզերում, Արագածոտնի նախալեռներում, Սյունիքի հովիտներում և Երևանում, սպասվում է անոմալ բարձր ջերմային ֆոն, ցերեկային ժամերին օդի ջերմաստիճանը կհասնի +38․․․+40 աստիճանի»,- հայտնում է Սուրենյանը։

Նույն օրերին հանրապետության հովտային և նախալեռնային գոտիներում սպասվում է նաև բարձր կարգի հրդեհավտանգ իրավիճակ։

Իսկ աշխատանքային շաբաթվա ընթացքում՝ հուլիսի 15-ի ցերեկը, 16-18-ին առանձին շրջաններում կեսօրից հետո սպասվում է կարճատև անձրև և ամպրոպ, ամպրոպի ժամանակ` քամու ուժգնացում 20-25մ/վրկ:  Առանձին վայրերում սպասվում է նաև կարկուտ:

Հուլիսի 19-20-ին սպասվում է առանց տեղումների եղանակ: Օդի ջերմաստիճանը հուլիսի 18-20-ին աստիճանաբար կբարձրանա 5-7 աստիճանով:

Ոչ մի պարեկություն. ինչու են ռուսական ուղղաթիռները հայտնվել հայ-թուրքական սահմանին

51
թեգերը:
Վարդավառ, ամառ, շոգ, Հայաստան, եղանակ
թեմա:
Եղանակը Հայաստանում
Ըստ թեմայի
Երկաթուղու Թումանյան-Սանահին հատվածում մինչև 12 տոննա քաշով ժայռաբեկոր է ընկել
Ինչ վնասներ են գրանցվել Տավուշում հակառակորդի կրակոցներից. ՔԿ–ն մանարամասներ է ներկայացրել
Գյուղ, արխիվային լուսանկար

Ինչպես է Ադրբեջանը հարվածներ հասցրել հայկական գյուղերին. տեսանյութեր

0
(Թարմացված է 15:22 15.07.2020)
ՀՀ պաշտպանության նախարարի նախկին խոսնակը տեսանյութեր է հրապարակել որոնցում երևում են ադրբեջանական հարվածների ակ հայտնված գյուղերը։

ԵՐԵՎԱՆ, 15 հուլիսի – Sputnik. ՀՀ ՊՆ Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ, ՊՆ նախկին խոսնակ Արծրուն Հովհաննիսյանը Facebook սոցիալական ցանցում երկու տեսանյութ է հրապարակել։

«Ադրբեջանական հրետանին այսպես էր խփում մեր գյուղերին հուլիսի 13-14-ին»,– տեսանյութերին կից գրել է նա։

 

0
թեգերը:
Արծրուն Հովհաննիսյան, Ադրբեջան, Հայաստան