ԵՐԵՎԱՆ, 18 հուլիսի — Sputnik. Կանադայում փորձարկված «անլայք» Instagram-ը տարածում է գտել նաև Իռլանդիայում, Իտալիայում, Ճապոնիայում, Բրազիլիայում, Ավստրալիայում և Նոր Զելանդիայում։ Այս մասին հայտնում է ixbt.com-ը:
Թե որքան մարդ է մասնակցում փորձարկմանը, հայտնի չէ։ Խոսվում է նաև, որ ամեն ինչ այնքան էլ պարզ չէ, ինչպես թվում է։ Լայքերի քանակը գլխավոր ժապավենում կամ օգտատերի անձնական էջում իսկապես չի երևում, բայց իբր թե օգտատերը հնարվարություն ունի դրանք ինչ-որ տեղ դիտել։
Հիշեցնենք՝ դեռ այս տարվա մայիսին Instagram-ը հայտարարել էր, որ Կանադայում փորձարկելու է հավելվածն՝ առանց լայքերի հաշվիչի։ Այն ժամանակ նախագծողները վստահեցնում էին, որ այս միջոցով փորձում են օգտատերերին կենտրոնացնել ոչ թե լայքերի, այլ կոնտենտի վրա։
