Դայանա Դավթյանը

Կնոջ առաքելությունը մայրանալն է. «Միսս Տիեզերք Արմենիան»` երազանքների և նպատակների մասին

434
(Թարմացված է 15:10 18.07.2019)
Հայաստանի ամենագեղեցիկ աղջիկներից մեկը դժվարությամբ է համոզել ծնողներին, որ թույլ տան իրեն մասնակցել գեղեցկության մրցույթին։

ԵՐԵՎԱՆ, 17 հուլիսի - Sputnik. «Միսս Տիեզերք Արմենիա» գեղեցկության մրցույթի հաղթող Դայանա Դավթյանը դեռ մանկուց երազել է գեղեցկության մրցույթների մասնակցել, սակայն երբեք չի պատկերացնել, որ կարող է նման հաջողության հասնել: Sputnik Արմենիայի եթերում աղջիկը խոսել է իր մանկության երազանքի, նախասիրությունների ու նպատակների մասին։

Победительница конкурса красоты Мисс Вселенная - Армения 2019 Даяна Давтян
© Sputnik / Aram Nersesyan ,
Դայանա Դավթյանը

«Երբ հայտարարվեց, որ կայանալու է «Միսս Տիեզերք Արմենիա» գեղեցկության մրցույթը, որոշեցի ուժերս փորձել»,-ասում է գեղեցկուհին և հավելում, որ ընտանիքի անդամները դեմ են եղել, որպեսզի նա մասնակցի որևէ գեղեցկության մրցույթի:

«Դուք չեք կարող պատկերացնել, թե ես ինչ փորձությունների միջով անցա, մինչև մասնակցեցի: Իմ հայրը կտրականապես դեմ էր, որ ես որևէ գեղեցկության մրցույթի մասնակցեմ: Նա գտնում էր, որ դա ինձ պետք չէ, և ավելի լավ է ես կենտրոնանամ իմ մասնագիտության վրա: Քանի որ հայրս դեմ էր, դա անդրադառնում էր նաև մայրիկիս որոշման վրա»,- պատմում է Դայանան։

Բայց մրցույթից հաշված օրեր առաջ նրան հաջողվել է համոզել մայրիկին, վերջինս էլ հայրիկին է համոզել:

Մասնագիտությամբ  գրաֆիկ դիզայներ Դայանա Դավթյանը շատ նախասիրություններ ունի, դրանց թվում է սպորտով զբաղվելը։ «Թեպետ իմ մասնագիտությանը ևս համարում եմ նախասիրություն, քանի որ այն մի բազմաճյուղ է: Զբաղվում եմ նկարազարդումներով և մարդկանց մուլտիպլիկացիոն կերպարներ եմ ստանում», -պատմում է Դայանան, հավելելով, որ այժմ ժամանակը չի ներում իր սիրած գործով զբաղվելու համար:

Խոսելով իր բնավորությունից` Դայանան խոստովանում է, որ չնչին բանից կրող է նեղսրտել ու նեղանալ:

«Ես ինքնավստահ մարդ եմ, բայց չնչին բանից կարող եմ նեղվել և ինքնավստահությունս իսկույն կկորի: Այս մրցույթն ինձ շատ մեծ ինքնավստահություն տվեց, որովհետև հաղթանակից հետո հասկացա, որ ժյուրիի անդամներին դուր եմ եկել»,-նշում է գեղեցկուհին:

Победительницы конкурсов красоты Мисс мира - Армения 2019 Лиана Воскерчян и Мисс Вселенная - Армения 2019 Даяна Давтян
© Sputnik / Aram Nersesyan ,
Լիանա Ոսկերչյանն ու Դայանա Դավթյանը

Երբ բեմից հայտարարել են իր անունը որպես հաղթողի, Դայանան շատ է հուզվել, դա ավելին էր, քան հուզմունքը, այսօր բառեր չի գտնում իր զգացողությունները նկարագրելու համար: «Մի կողմից սպասում էի հաղթանակին, մյուս կողմից չէի կարողանում հավատալ, որ դա ինձ մոտ հաջողվեց: Այդքան հայացքներ, այդքան շնորհավորանքներ ուղղված ինձ. այդ պահի իմ երջանկությունն աննկարագրելի է»,- ասում է Դայանան:

Հարցին, թե ի՞նչ պետք է իր կյանքում անի յուրաքանչյուր կին,  նա վստահորեն պատասխանեց . «Կնոջ առաքելությունը մայր լինելն է»։

Հայտնի է` ով կներկայացնի Հայաստանը «Միսս Աշխարհում». լուսանկարներ

Հիշեցնենք, որ հուլիսի 10–ին Գյումրիում կայացած «Միսս տիեզերք Արմենիա» գեղեցկության մրցույթին հաղթանակ տարավ Դայանը Դավթյանը։ Նա դեկտեմբերին Հայաստանը կներկայացնի  հեղինակավոր «Միսս տիեզերք» գեղեցկության  մրցույթին:

434
թեգերը:
Գեղեցկության մրցույթ, Գեղեցկուհի, Հայաստան
Ըստ թեմայի
Հայտնի է «Տիեզերքի ամենասեքսուալ աղջիկ 2019» տիտղոսակրի անունը
Հայերն ամենասեքսուալ ազգերի թոփ–տասնյակում են. լուսանկարներ
«Գեղեցկությունը՝ նպատակով». գեղեցկուհիներ Դայանան ու Լիանան մեծ ծրագրեր ունեն. տեսանյութ