Ստուգումներ Գյումրու շուկայում տեղակայված մսի տաղավարներում

Նոր ստուգումներ Գյումրիում. մսի վաճառքով զբաղվողներին զգոն են պահում. լուսանկարներ

150
(Թարմացված է 19:02 16.07.2019)
Եթե առաջիկա օրերին թերությունները չվերացնեն, մսամթերքի վաճառքով զբաղվող առևտրային կետերի գործունեությունը վերջնականապես կկասեցվի։

ԵՐԵՎԱՆ, 16 հուլիսի – Sputnik, Արմենուհի Մխոյան. Սննդի անվտանգության տեսչական մարմնի (ՍԱՏՄ) Շիրակի մարզային կենտրոնի տեսուչներն այսօր` հուլիսի 16-ին, կրկին վերահսկողական շրջայց կատարեցին Գյումրու շուկայում տեղակայված մսի տաղավարներում։

ՍԱՏՄ–ն` տեսչական մարմնի ղեկավար Գեորգի Ավետիսյանի գլխավորությամբ, հուլիսի 9-ին շրջայց էր կատարել Գյումրիում: Ավետիսյանը սարսափել էր տեսածից։ Շրջայցից հետո ժամանակավորապես կասեցվել էր մսամթերքի տաղավարների գործունեությունը՝ մի շարք թերությունների և սանիտարահիգիենիկ պայմանների բացակայության պատճառով: Մսի վաճառքով զբաղվող տնտեսվարողները դրանից հետո խոստացել էին ժամանակի ընթացքում վերացնել թերությունները և վերաբացել էին իրենց կետերը։

Сотрудники гос.службы по безопасности пищевых продуктов провели повторные санитарные проверки в Гюмри (16 июля 2019). Гюмри
© Sputnik / Armenuhi Mkhoyan
Ստուգումներ Գյումրու շուկայում տեղակայված մսի տաղավարներում

Այսօրվա շրջայցը նպատակ ուներ ստուգել թարմ մսի իրացմամբ զբաղվող տնտեսվարողներին տրված հանձնարարականների կատարման ընթացքը, սակայն, ինչպես պարզվեց տեղում, միայն մի քանիսն էին այս ընթացքում որոշ չափով վերացրել թերությունները:

«Այն թերությունները, որոնք դեռ կան և չեն բավարարում մեր պահանջները, պետք է վերացվեն: Մենք այսօր տնտեսվարողների հետ հանդիպել և հրահանգել ենք, որ վերացնեն թերությունները, իսկ ծառայության տեսուչները հետևողական աշխատանք պետք է տանեն ամեն օր։ Տնտեսվարողները պետք է հասկանան, որ հսկողությունն ամենօրյա է,- նշեց ՍԱՏՄ Շիրակի մարզի կենտրոնի պետի ժամանակավոր պաշտոնակատար Ալեքսան Մկրտչյանը հավելելով։– Մենք սպառողի կողքին ենք, որպեսզի սպառողը ստանա անվտանգ սնունդ: Կարծում եմ` մեր այս այցերը զգոն կպահեն տնտեսվարողներին»:

Շրջայցի ժամանակ տնտեսվարողներից մեկը տեսուչներին խոստացավ վերացնել այդ թերությունները:

Сотрудники гос.службы по безопасности пищевых продуктов провели повторные санитарные проверки в Гюмри (16 июля 2019). Гюмри
© Sputnik / Armenuhi Mkhoyan
Ստուգումներ Գյումրու շուկայում տեղակայված մսի տաղավարներում

«Եթե պետք է, ու խոսք ենք տվել, ուրեմն մեր խոսքի տերը լինենք: Ժամանակ ենք վերցրել մինչև հուլիսի 25–ը, և այդ ժամանակ այդ հարցերը պետք է կարգավորենք»,– ասաց նա:

Сотрудники гос.службы по безопасности пищевых продуктов провели повторные санитарные проверки в Гюмри (16 июля 2019). Гюмри
© Sputnik / Armenuhi Mkhoyan
Ստուգումներ Գյումրու շուկայում տեղակայված մսի տաղավարներում

Նշենք, որ այս անգամ թերությունների վերացման համար վերջնաժամկետ նշանակվեց հուլիսի 25-ը: Այս ընթացքում տաղավարներն ու վաճառքի կետերը պետք է լուծեն ջրի, անասնաբուժասանիտարական փորձաքննության պիտակների, սառնարանների հարցը: Եթե այս անգամ էլ չկատարեն պահանջները, ապա կետերի գործունեությունը վերջնականապես կկասեցվի: Հավելենք, որ ըստ պատասխանատուի ուսումնասիրության կենթարկվեն նաև անասնաբուժասանիտարական փորձաքննություն իրականացնող մարմինները:

Բացի մսամթերքի կետերից և տաղավարներից, հետևողական աշխատանք տարվելու է նաև Գյումրու ամբողջ շուկայի տարածքում:

150
թեգերը:
ստուգումներ, Միս, Գյումրի, Հայաստան
Ըստ թեմայի
«Սուսերով պարը» Գյումրիում․ ինչպես ռուս ռեժիսորը ֆիլմ նկարեց հայ հանճարի մասին
«Շատ գործարարների կգրավի». Իսրայելի դեսպանը` Գյումրիում նախատեսված խոշոր նախագծի մասին
Արմեն Սարգսյանը «Մեգերյան կարպետին» առաջարկել է գործունեություն ծավալել նաև Գյումրիում
Բողոքի ակցիա Խոր Վիրապի մոտ

Կրկնակի բերման ենթարկում, առանձնազրույցներ․ ՄԻՊ-ն ամփոփել է բողոքի ակցիայի արդյունքները

58
(Թարմացված է 00:48 14.07.2020)
Ամփոփվել են Մարդու իրավունքների պաշտպանի աշխատակազմի արագ արձագանքման խմբերի աշխատանքները, որոնց արդյունքներով համապատասխան գրություն կհասցեագրվի ոստիկանություն:

ԵՐԵՎԱՆ, 14 հուլիսի – Sputnik. Մարդու իրավունքների պաշտպանի գրասենյակը տեղեկացնում է, որ այսօր ՄԻՊ հանձնարարությամբ՝ ստացած մի շարք ահազանգերի հիման վրա արագ արձագանքման խմբերն այցեր են իրականացրել Ոստիկանության Արտաշատի, Մասիսի և Արարատի բաժիններ՝ կապված Խոր Վիրապի տարածքում ակցիա իրականացնող անձանց բերման ենթարկելու հետ:

Ընդ որում, ոստիկանության Մասիսի բաժին իրականացվել է կրկնակի այց՝ կապված մի շարք անձանց կրկնակի վարչական ձերբակալման և Ոստիկանություն կրկնակի բերման ենթարկելու հետ: Մարդու իրավունքների պաշտպանին բողոքներ են հասցեագրել նաև վարչական ձերբակալման ենթարկված անձանցից մի քանիսի փաստաբանները:

«Ոստիկանության նշված բաժիններում Պաշտպանի աշխատակազմի արագ արձագանքման խմբերն ունեցել են առանձնազրույցներ ընդհանուր թվով 53 անձի հետ, ուսումնասիրվել են նրանց վերաբերյալ կազմված փաստաթղթերը: Օրվա ընթացքում Մարդու իրավունքների պաշտպանի աշխատակազմից տեղի ունեցած ակցիայի հետ կապված աշխատել է 4 աշխատանքային խումբ»,-ասված է հայտարարության մեջ:

Այսօր երեկոյան ամփոփվել են Մարդու իրավունքների պաշտպանի աշխատակազմի արագ արձագանքման խմբերի աշխատանքները, որոնց արդյունքներով համապատասխան գրություն կհասցեագրվի ոստիկանություն:

Տեղեկացվում է, որ գրությամբ կբարձրացվեն հարցեր, որոնք վերաբերում են անձանց վարչական ձերբակալման ենթարկելու հիմքերին ու բերման ենթարկելիս նրանց անձնական ազատությունից զրկելու պատճառները պարզաբանելուն, բերման ենթարկվածներին իրենց իրավունքները ներկայացնելուն, Ոստիկանության բաժին բերման ենթարկված անձանց վերաբերյալ կազմված փաստաթղթերին և այլն:

Հիշեցնենք, որ հուլիսի 13-ին «Վետօ» շարժման ղեկավար Նարեկ Մալյանը և շարժման անդամներն ավտոերթ էին իրականացնում դեպի Խոր Վիրապ վանական համալիր՝ բողոքելով Հայաստանում արտակարգ դրության երկարացման դեմ։ Ակցիայի 48 մասնակիցների, այդ թվում և Նարեկ Մալյանին ոստիկանությունը բերման էր ենթարկել։

Նշենք, որ Հայաստանում կորոնավիրուսով պայմանավորված մարտի 16-ից գործում է արտակարգ դրության ռեժիմ։ Հուլիսի 13-ի արտահերթ նիստում կառավարությունը որոշեց 4-րդ անգամ երկարաձգել այն։ Արտակարգ դրությունը կտևի մինչև օգոստոսի 12-ը։

58
թեգերը:
ՀՀ Ոստիկանություն, Նարեկ Մալյան, Խոր Վիրապ, Բողոքի ակցիա, Հայաստան
Գյումրին անձրևից ու կարկուտից հետո

Տներն ու նկուղները ջուր է լցվել․ 125 կանչ Գյումրիում՝ անձրևից ու կարկուտից հետո

316
(Թարմացված է 20:00 13.07.2020)
Գյումրիում ավելի քան 1 ժամ տևած հորդառատ անձրևի պատճառով շարունակում է կաթվածահար մնալ երթևեկությունը:

ԵՐԵՎԱՆ, 13 հուլիսի – Sputnik, Արմենուհի Մխոյան. ՀՀ ԱԻՆ Շիրակի մարզային փրկարարական վարչության բրիգադները չեն հասցնում արձագանքել հորդառատ անձրևից հետո արվող կանչերին: Տեղեկությունը Sputnik Արմենիային տրամադրել են մարզային վարչությունից։

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

«Կանչերը շատ-շատ են ու դեռ զանգերը չեն դադարում, արդեն տարաբնույթ 125 կանչ ենք ունեցել՝ տների նկուղների, տնակների ջրով ծածկվելուց մինչև մեքենաների ջրում հայտնվելը»,-մեզ հետ զրույցում ասաց ՀՀ ԱԻՆ Շիրակի մարզային փրկարարական վարչության պետ, փրկարարական ծառայության գնդապետ Ալեքսան Գյոզալյանը: Հարյուրից ավելի կանչ գրանցվել է նաև Գյումրու համայնքապետարանում:

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

Գյումրու քաղաքապետարանի Կոմունալ ծառայություն բյուջետային հիմնարկից տեղեկացնում են, որ ահազանգերը հիմնականում շենքերի նկուղներում ու տներում լցված ջրին է վերաբերում: Բացի Գյումրիից հորդառատ անձրևից ու կարկուտից տուժել են նաև մարզի այլ համայնքներ:

Գյումրու քաղաքապետարանի մամուլի պատասխանատու Սոնա Առաքելյանը Sputnik Արմենիայի հետ զրույցում ասաց, որ տեղումների քանակն անհամատեղելի է եղել ջրահեռացման համակարգերի տարողունակության հետ, ինչն էլ նման խնդիրներ է առաջացրել: Նրա խոսքով՝ առկա խնդիրների վերացման համար կոմունալ ծառայությունն այս պահին ամբողջ կազմով և ունեցած տեխնիկայով աշխատում է քաղաքի տարբեր հատվածներում՝ Երևանյան խճուղի, Մայր Հայաստան, Կայարանամեձ հրապարակ, Տրդատ Ճարտարապետ փողոց և այլն:

Ինչպես արդեն տեղեկացրել ենք, Շիրակի մի շարք համայքներում այսօր հորդառատ անձրև ու կարկուտ է տեղացել։ Այն կաթվածահար է արել Գյումրու երթևեկությունը: 16:00-ի սահմաններում քաղաքում սկսված հորդառատ անձրևն ուղեկցվել է կարկուտով:

Անձրևի պատճառով հատկապես դժվարանցանելի են դարձել քաղաք մտնող ճանապարհներն ու կենտրոնական փողոցները։

316
թեգերը:
Կարկուտ, Անձրև, Գյումրի