«Միսս աշխարհ Արմենիա»

Հայտնի է` ով կներկայացնի Հայաստանը «Միսս Աշխարհում». լուսանկարներ

1998
(Թարմացված է 09:36 16.07.2019)
Մրցույթին մասնակցում էին 24 գեղեցկուհի, ժյուրին միաձայն որոշեց հաղթողին:

ԵՐԵՎԱՆ, 15 հուլիսի — Sputnik. Մոդել Լիանա Ոսկերչյանն արժանացավ «Միսս Աշխարհ Արմենիա» հեղինակավոր տիտղոսին, իսկ առաջին փոխմիսս դարձավ Մոնիկա Գրիգորյանը։

Երևանում այսօր կայացավ «Միսս Աշխարհ Արմենիա» մրցույթը, որին մասնակցում էին 24 գեղեցկուհի։

Мисс мира Армения Лиана Воскерчян
© Sputnik / Aram Nersesyan ,
Կայացավ «Միսս Աշխարհ Արմենիա» մրցույթը

Լիանա Ոսկերչյանը դեկտեմբերի 18-ին կմեկնի Մեծ Բրիտանիա, որտեղ կներկայացնի Հայաստանը «Միսս Աշխարհ» մրցույթում։ Ի դեպ, մեր երկիրը երրորդ անգամ է մասնակցում «Միսս Աշխարհին»:

««Միսս Աշխարհի» կարգախոսն է «Գեղեցկություն` նպատակով»: Գեղեցկուհին, օգտագործելով իր տիտղոսը, համախմբում է մարդկանց ինչ-որ կարևոր նպատակի շուրջ», - Sputnik Արմենիայի հետ զրույցում նշեց «Միսս Հայաստան 1998» Գոհար Հարությունյանը` հավելելով, որ փորձում են մասնակիցների մեջ գտնել ու բացահայտել ներքին գեղեցկությունը:

Мисс мира Армения Лиана Воскерчян
© Sputnik / Aram Nersesyan ,
Կայացավ «Միսս Աշխարհ Արմենիա» մրցույթը

Ժյուրիի կազմում էին նաև երգիչներ Արամո և Էմմա Պետրոսյանները, դերասան Միքայել Պողոսյանը։

Գեղեցկուհիները հանդես եկան երեք փուլով։ Առաջինում նրանք ներկայացան  հայկական տարազներով։ Երկրորդ փուլում մասնակիցները պարեցին,իսկ երրորդ փուլում ներկայացան երեկոյան զգեստներով։

Мисс мира Армения Лиана Воскерчян
© Sputnik / Aram Nersesyan ,
Կայացավ «Միսս Աշխարհ Արմենիա» մրցույթը

Ժյուրին սկզբում ընտրեց 10 լավագույններին, այնուհետև` նրանցից  հինգին։

Մրցույթում երրորդ հորիզոնականը զբաղեցրեց Անետա Գաբրիելյանը, Լիանա Իսրայելյանին ժյուրին համարեց 4–րդ գեղեցկուհի, իսկ Միլենա Տարյանը հայտնվեց 5–րդ հորիզոնականում։

Мисс мира Армения Лиана Воскерчян
© Sputnik / Aram Nersesyan ,
Կայացավ «Միսս Աշխարհ Արմենիա» մրցույթը

«Հինգ հարց հինգ, պատասխան փուլում» գեղեցկուհիները ցույց տվեցին, որ ոչ միայն արտաքնապես, այլև իրենց ներաշխարհով և մտքերով են գեղեցիկ։

Լիանայի հաղթանակից հետո ժյուրին հայտարարեց, որ որոշումը եղել է միաձայն:

Ժյուրիի անդամներից մի քանիսը Sputnik Արմենիայի թղթակցին ներկայացրին իրենց տպավորությունները։

««Միսս Աշխարհ Արմենիայի»  4 փուլերի ընթացքում մենք հասկացանք, որ Լիանան հոգեպես խորը անձնավորություն է: Նա հավուր պատշաճի կներկայացնի Հայաստանը «Միսս Աշխարհ» մրցույթում»,-ասաց երգիչ Արամոն:

Էմմա Պետրոսյանին հենց առաջին օրից է Լիանան գրավել: «Ինձ համար շատ կարևոր է, թե յուրաքանչյուր կնոջ ներսում ինչ հերոս է ապրում»,- ասաց երգչուհին:

Հայերն ամենասեքսուալ ազգերի թոփ–տասնյակում են. լուսանկարներ

Լիանան Ոսկերչյանը 20 տարեկան է, Երևանից: Նա 5-6 օտար լեզվի է տիրապետում, հիանալի նվագում է կիթառ: Ժյուրիի անդամների սրտերը աղջիկը գրավել է ոչ միայն արտաքինով, այլ նաև ինտելեկտով:

1998
թեգերը:
Անգլիա, Գեղեցկուհի, Հայաստան
Ըստ թեմայի
Հայտնի է «Միսս Ռուսաստան 2019» մրցույթի հաղթողի անունը. լուսանկարներ
Օզիլն ամուսնացել է միսս Թուրքիայի հետ. Մխիթարյանի թիմակցի հարսանիքին զվարճացել է Էրդողանը
«Միսս Մոսկվան» առաջին անգամ ցույց է տվել իր և Մալայզիայի նախկին թագավորի որդուն
ՀՀ անձնագիր

Ի՞նչ պետք է իմանան ՀՀ քաղաքացիները, որոնց անձնագրի վավերականության ժամկետը լրացել է

43
(Թարմացված է 13:13 07.07.2020)
Ավելի քան 20 օր է` անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։

ԵՐԵՎԱՆ, 7 հուլիսի – Sputnik. ՀՀ քաղաքացիների անձը հաստատող փաստաթղթերը, որոնց վավերականության ժամկետը լրացել է արտակարգ դրության ժամանակ, վավեր կհամարվեն ՀՀ պարետի ցուցումով։ Տեղեկությունը հայտնում է ՀՀ ոստիկանության մամուլի ծառայությունը։

«Կորոնավիրուսով պայմանավորված արտակարգ դրության պայմաններում կիրառվող սահմանափակումների պատճառով, մարտի 16-ից մինչև արտակարգ դրության ավարտը ՀՀ քաղաքացիների անձը հաստատող փաստաթղթերի վավերականության ժամկետը լրանալու պարագայում՝ ՀՀ պարետի ցուցումով անձը հաստատող փաստաթղթերը կհամարվեն վավեր, սակայն ոչ ավելի՝ քան արտակարգ դրության ավարտից հետո 30-րդ օրը»,– նշված է հաղորդագրության մեջ։

Հիշեցնենք, որ հունիսի 15-ից անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։ 

Հայաստանում մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երեկ ՀՀ վարչապետ Նիկոլ Փաշինյանը հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

43
թեգերը:
Ոստիկանություն, անձնագիր, Հայաստան
Ըստ թեմայի
Առողջապահական համակարգը արտակարգ դրության ժամանակ կկառավարվի մեկ կենտրոնից
Արտակարգ դրություն 4. կյանքի ու առողջության իրավունքից մինչև հավաքներ անցկացնելու իրավունք
Ինչ է փոխել ՀՀ քաղաքացիների կյանքում արտակարգ դրությունը
Լաբորատորիա

ՀՀ–ում հակամարմինների թեստավորում կիրականացվի հետազոտման նպատակով. նախարար

44
(Թարմացված է 12:29 07.07.2020)
Արսեն Թորոսյանն անդրադարձավ Հայաստանում իրականացվող նոր` հակամարմինների թեստավորմանը։

ԵՐԵՎԱՆ, 7 հուլիսի – Sputnik. Կորոնավիրուսի ախտորոշման` հակամարմիններով թեստավորում բնակչության շրջանում կիրականացվի հետազոտական նպատակով, որպեսզի հասկանան կորոնավիրուսով վարակվածների մոտավոր տոկոսը: Այսօր հրավիրված ասուլիսի ժամանակ այս տեղեկությունը հայտնեց ՀՀ առողջապահության նախարար Արսեն Թորոսյանը` պատասխանելով հարցին, թե հակամարմինների թեստերը հասանելի՞ կլինեն նաև բնակչությամբ։

Ավելի վաղ հայտնել էինք, որ հունիսի 15-ից Հայաստանում անցկացվում է նոր հետազոտություն` հակամարմինների թեստեր են հանձնում, որոնց շնորհիվ հնարավոր է պարզել` մարդը երբևէ վարակվել է կորոնավիրուսով, թե ոչ։ Այժմ բուժաշխատողների շրջանում է նոր թեստավորումն իրականացվում, և 1000-1100 բուժաշխատող հակամարմինների թեստ կհանձնի։

«Հարցն այն է, որ որևէ մեկի մոտ առկա հակամարմինների երկարատևության ժամկետի առնչությամբ ապացույց չկա։ Այսինքն` այսօր եղած հակամարմինները կարող են մի քանի ամիս լինել բավարար քանակի, իսկ հետո նորից կարող է դրանց թիվը նվազել, և մարդիկ նորից հիվանդանան։ Ավելին, քաղաքացիներ կան, որոնց մոտ հակամարմինների բավարար քանակ նույնիսկ հիվանդանալուց և լավանալուց հետո չի առաջանում»,–ասաց նախարարը։

Թորոսյանը հիշեցրեց, որ այժմ Ամերիկյան համալսարանի հետ համագործակցելով հակամարմինների հետազոտություն է իրականացվում` պարզելու բուժաշխատողների շրջանում կորոնավիրուսի տարածման ցուցանիշը։ Սակայն, ըստ նախարարի, պետությունը չի կարող քաղաքականության մշակման հարցում հիմնվել նման հետազոտությունների վրա։

Ինչ վերաբերում է մասնավոր ԲԿ–ների` հակամարմինների թեստերի իրականացմանը, ապա Թորոսյանը նշեց, որ Հայաստանում հիմա կան հակամարմինների բավական բարձրորակ թեստեր։ Թորոսյանն իր խոսքն ամփոփեց` ասելով, որ հակամարմինների թեստն անձի վարքի փոփոխման հիմք լինել չի կարող, այսինքն` եթե որևէ մեկի մոտ կան հակամարմիններ, դա հիմք չէ հակահամաճարակային կանոնները չպահելու։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Հիշեցնենք` Հայաստանում կորոնավիրուսով վարակվածների թիվն արդեն հասել է 29285–ի, վարակի զոհ է դարձել 503 մարդ։ Միայն վերջին մեկ օրում կորոնավիրուսի հետևանքով մահվան 12 դեպք է գրանցվել։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

44
թեգերը:
հակամարմին, Արսեն Թորոսյան, կորոնավիրուս, Հայաստան
Ըստ թեմայի
Կորոնավիրուսի հետևանքով մահվան 12 դեպք է գրանցվել. ամենաերիտասարդը 54–ամյա կին է
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Մեկ օրում գրանցվել է 330 դեպք. Հայաստանում կորոնավիրուսով վարակվածների թիվը դարձավ 28 936
Դավիթ Տոնոյանն ընդունել է ՀՀ-ում ԱՄՆ դեսպան Լին Թրեյսիին

Դավիթ Տոնոյանն ընդունել է ՀՀ-ում ԱՄՆ դեսպան Լին Թրեյսիին

6
(Թարմացված է 14:09 07.07.2020)
Հանդիպման ընթացքում զրուցակիցները մի շարք հարցեր են քննարկել և մտքեր փոխանակել տարածաշրջանային անվտանգության և փոխադարձ հետաքրքրություն ներկայացնող հարցերի շուրջ։

ԵՐԵՎԱՆ, 7 հուլիսի – Sputnik. Հուլիսի 7-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Ամերիկայի Միացյալ Նահանգների արտակարգ և լիազոր դեսպան Լին Թրեյսիին: Տեղեկություն հայտնում է ՀՀ պաշտպանության նախարարության մամուլի ծառայությունը։

Հանդիպման ընթացքում քննարկվել են պաշտպանության բնագավառում հայ-ամերիկյան երկկողմ համագործակցությանն առնչվող հարցեր: Ամփոփվել են նախկինում իրականացված միջոցառումները, ուսումնասիրվել են համավարակով պայմանավորված սահմանափակումների պայմաններում համագործակցության ծրագրերի իրականացման հնարավորությունները։ Քննարկվել է նաև միջազգային խաղաղության և կայունության պահպանման առաքելություններին Հայաստանի շարունակական մասնակցության, ստեղծված իրավիճակում հերթափոխների իրականացման ընթացքը։

Պաշտպանության նախարարը ներկայացրել է զինված ուժերում COVID-19-ի դեմ պայքարի և տարածման կանխարգելման միջոցառումները, ինչպես նաև համավարակի պայմաններում ամառային զորակոչի կազմակերպման ընթացը։

Министр обороны Армении Давид Тоноян на встрече с Чрезвычайным и Полномочным посом США (7 июля 2020). Еревaн
Դավիթ Տոնոյան

Դեսպանը նշել է, որ ուրախ է հանդիպել պաշտպանության նախարար Դավիթ Տոնոյանին և քննարկել Հայաստանի և Միացյալ Նահանգների փոխադարձ շահերին ու մտահոգություններին առնչվող հարցեր։

Чрезвычайный и Полномочный посол США Линн Трейси на встрече с министром обороны Армении (7 июля 2020). Еревaн
Լին Թրեյսի

Հանդիպման ընթացքում զրուցակիցները մտքեր են փոխանակել նաև տարածաշրջանային անվտանգության և փոխադարձ հետաքրքրություն ներկայացնող այլ հարցերի շուրջ:

Նախարարը հետևել է զորակոչին և խաղաղ ու անվտանգ ծառայություն մաղթել զորակոչիկներին

6
թեգերը:
Լին Թրեյսի, Դեսպան, ԱՄՆ, Դավիթ Տոնոյան, Հայաստան
Ըստ թեմայի
Տոնոյանը շնորհակալություն է հայտնել լիտվացի պաշտոնակցին
Տոնոյանին դուր է եկել` ինչպես է հայկական զորախումբը քայլել Կարմիր հրապարակով. լուսանկար
Աշխարհաքաղաքական տհասության հետևանք. ՀՀ ՊՆ–ն` ռուսական ռազմակայանը դուրս բերելու մասին