Yerevan Gastro Day

Երևանի կենտրոնում սպասում են ուտող-խմողներին և «ո՛չ» ասում պլաստիկին. լուսանկարներ

1408
(Թարմացված է 22:12 13.07.2019)
Մայրաքաղաքում կազմակերպված միջոցառումն անտարբեր չի թողել նաև զբոսաշրջիկներին. նրանց առաջին հերթին զարմացրել է, որ ամբողջ տարածքում պլաստիկ չկա։

ԵՐԵՎԱՆ, 13 հուլիսի – Sputnik. Ժամանակակից երաժշտություն՝ միախառնված ակորդեոնի հնչյունների հետ, քյավառի քյուֆթա, պես-պես պանիրներ, նռան թարմ քամած հյութ, ախորժակը գրգռող, «քթից բռնող» ու տաղավարից տաղավար տանող բույրեր, ամեն կողմից լսվող տարբեր լեզուներով զրույցներ. Երևանում առաջին անգամ անցկացվում է «Գաստրո օրը»:

Սոֆյան և Հանան Շվեդիայից ընդամենը ժամեր առաջ են եկել: Երևանում հենց առաջին ճանաչողական զբոսանքը հաճելի անակնկալ է դարձել։

Yerevan Gastro Day
© Sputnik / Hayk Petrosyan
Սոֆյան և Հանան

«Մենք սիրեցինք այս միջոցառումը, հրաշալի ժամանակ ենք անցկացնում: Հատկապես ինձ դուր եկավ այն, որ միջոցառման ամբողջ տարածքում պլաստիկ չկա. սա շատ ոգեշնչում է: Մենք առայժմ միայն հայկական օղի ենք փորձել, շատ լավն է»,- ասաց Սոֆյան:

Մայքլն արդեն մի քանի օր է՝ Հայաստանում է, հասցրել է լինել Սևանում, Իջևանում ու էլի մի քանի վայրում, որոնց հայկական անունները չի հիշում:

Yerevan Gastro Day
© Sputnik / Hayk Petrosyan
Մայքլ

«Շատ գեղեցիկ երկիր է, մարդիկ շատ ջերմ են, և ես միանշանակ խորհուրդ եմ տալիս գալ այստեղ: Ինքս էլ 100 տոկոսով հետ եմ գալու»,- ասաց Մայքլը՝ հավելելով, որ Հայաստանից ստացած տպավորություններին ավելացան նորերն այսօր, երբ պատահաբար հայտնվեց Երևանի կենտրոնում անցկացվող միջոցառմանը. սիրեց ոչ միայն համեղ ուտելիքը, այլև այն, որ միջոցառման ընթացքում պլաստիկ չի օգտագործվում, այլ միայն էկոնյութեր:

Յանա Ստարավոյտովան Հայաստանում է արդեն երրորդ անգամ. ասում է, որ իր ներսում երևի հայկական ինչ-որ բան կա, որն ամեն անգամ հետ է բերում, Հայաստանում սիրում է ուտելիքը, կլիման, մարդկանց, նրանց հյուրընկալությունը: Այս միջոցառմանը Յանան մասնակցում է ոչ միայն որպես համադամասեր զբոսաշրջիկ. նա նաև մասնագիտական հետաքրքրություն ունի, քանի որ ներկայացնում է Սվերդլովի շրջանի խոհարարների և ռեստորատորների միությունը:

Yerevan Gastro Day
© Sputnik / Hayk Petrosyan
Յանա Ստարավոյտովա

«Ինձ այստեղ գաղափարներն են շատ դուր գալիս, մեզ մոտ արդեն 10-րդ անգամ Խորովածի փառատոն է անցկացվում, ի դեպ, Եկատերինբուրգում շատ ակտիվ հայկական համայնք ունենք, իսկ այստեղ շրջում եմ և նաև նոր կապեր փնտրում, որպեսզի նաև հայ գործընկերներին հրավիրեմ մեզ մոտ»,- ասաց նա:

Միջոցառման կազմակերպիչներից Անի Մավյանի խոսքով՝ նման ցանկացած միջոցառման հիմքում արտասահմանյան զբոսաշրջիկներին գրավելն է, ու Հայաստանում իրադարձային զբոսաշրջությունը զարգացնելը: Սակայն այս մեկի յուրօրինակությունը նաև սոցիալական բաղադրիչն է՝ «ո՛չ պլաստիկին» սկզբունքը:

  • Yerevan Gastro Day
    Yerevan Gastro Day
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
  • Գաստրո օր
    Գաստրո օր
    © Sputnik / Hayk Petrosyan
1 / 7
© Sputnik / Hayk Petrosyan
Yerevan Gastro Day

«Սրանով մենք նաև նպաստում ենք Հայաստանում պատասխանատու տուրիզմի զարգացմանը, քանի որ մեր երկիրը քիչ է ասոցացվում դրա հետ»,- ասաց Անին՝ հույս հայտնելով, որ հաջորդ տարի կլինեն ավելի շատ արտադրողներ, որոնք կնախընտրեն պլաստիկը փոխարինել էկոնյութերով, օգտագործել այնպիսի նյութեր, որոնք կկարողանան ձուլվել բնությանը:

Կսիրահարվեք Հայաստանին. ինչ է խորհուրդ տալիս դեսպան Տողանյանը ռուսաստանցի զբոսաշրջիկներին

Նշենք, որ «Գաստրո օրը» կշարունակվի մինչև երեկոյան 23:00–ն, այնպես որ համադամասերները դեռ ժամանակ ունեն վայելելու լավ երաժշտությունն ու համեղ կերակուրները:

Մուրազաբեր ձվիկներ, ավանդական խորոված, ջենգյալով հաց ու ոչ միայն. «Ուտեստ ֆեստը» Երևանում

1408
թեգերը:
փառատոն, ուտելիք, Երևան, Գաստրո օր, Հայաստան
Ըստ թեմայի
Հայ զբոսաշրջիկներին էլի խաբում են. միայն օդանավակայանում է պարզվում, որ ավիատոմսը կեղծ է
«Կյանքի ու մահվան կռիվ» Երևան-Դիլիջան երթուղայինում կամ ինչ տպավորությամբ կգնա զբոսաշրջիկը
Հայաստանի հարավի զբոսաշրջային գանձերը. հատուկ հետաքրքրասերների համար
Հայաստան ժամանած զբոսաշրջիկներն այս տարի ավելի շատ գումար են ծախսել
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

122
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

122
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

62
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

62
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ