Ջորջ Բուշ Կրտսերը` Չեչիլի դիմանկարի մոտ

«Ներեցեք, սըր». ինչպես կանադահայ լուսանկարիչը «մերկացրեց» Չերչիլին

313
(Թարմացված է 19:49 13.07.2019)
Հենց խոսք է լինում Չերչիլի ու Հայաստանի մասին, բոլորը միանգամից հիշում են «Դվին» կոնյակը։ Սակայն քչերը գիտեն, որ Անգլիայի լեգենդար վարչապետի ամենահայտնի լուսանկարն արել է ոչ պակաս լեգենդար հայ լուսանկարիչը․․․ 17 տարի առաջ այս օրը կյանքից հեռացավ Յուսուֆ Քարշը։

Լիլիթ Հարությունյան, Sputnik Արմենիա

Հիշու՞մ եք սըր Ուինսթոնի հայտնի դիմանկարը, որում քաղաքական գործչի խորաթափանց հայացքն ասես կարդում է, թե ինչ կա նայողի հոգում։ Այո՛,այո՛, հենց այդ դիմանկարն է պատկերված հինգ ֆունտ ստեռլինգի թղթադրամի վրա, որը Մեծ Բրիտանիան մոտ երեք տարի առաջ է շրջանառության մեջ մտցրել։ Այդ դիմանկարը բավականին հետաքրքիր պատմություն ունի։

Լուսանկարիչը, որ առյուծին էր ստիպում դիրքավորվել

1941 թվականի դեկտեմբերի 30-ին Չերչիլը Օտտավայում ելույթ ունեցավ, որից հետո նրան առաջարկեցին լուսանկարվել։ «Ինձ ոչ ոք չի զգուշացրել», - մռայլվեց քաղաքական գործիչը, բայց համաձայնեց ու վառել սիգարը։ Սակայն Յուսուֆ Քարշը կտրականապես դեմ էր սիգարին․ Չերչիլը բոլոր լուսանկարներում սիգարով էր։ Սկզբում լուսանկարիչը մոխրաման մոտեցրեց վարչապետին, բայց նա ուշադրություն չդարձրեց։ Հետո Քարշը կտրուկ մոտեցավ ու ասաց` ներեցեք, սըր, ու սիգարը հանեց վարչապետը բերանից։ Չերչիլը զարմացավ նման համարձակությունից, իսկ լուսանկարիչը, վայրկյան իսկ չհապաղելով, լուսանկարեց։

«Դու երևի կատաղած առյուծին էլ կարող ես ստիպել քարանալ ֆոտոխցիկի առաջ», - ասաց Չերչիլը։

Ի դեպ, նա հավանեց լուսանկարը։

Այդ լուսանկարը հիրավի հանրահայտ դարձրեց Յուսուֆ Քարշին։ Այն տպագրվեց «Life» ամսագրում, իսկ հետո հայտնվեց պաստառների, նամականիշների ու նույնիսկ պատմության գրքերի շապիկներին։ Այսօր աշխարհում ամենահայտնի ֆոտոդիմանկարներից է։

Կոնյակը հայերեն է խոսում, կամ ինչպես է Մարգար Սեդրակյանին հաջողվում գրավել Չերչիլի սիրտը

Դրանից հետո կանադահայ լուսանկարիչը պատվերների տեղատարափի տակ հայտնվեց։ Նա լուսանկարում էր թագավորներին ու նախագահներին, Հռոմի պապերին ու տիեզերագնացներին, գիտնականներին ու գրողներին, դերասաններին ու երաժիշտներին։ Քարշի դիմանկարներն արված են անգերազանցելի վարպետությամբ ու արտացոլում են հերոսի ներաշխարհը։ Նա իր աշխատանքների մասին ասում էր․ «Յուրաքանչյուր մարդու մեջ գաղտնիք է թաքնված, իմ խնդիրն է բացահայտել այն։ Եվ այդ բացահայտումը տեղի կունենա (եթե ընդհանրապես տեղի ունենա) չնչին ժամանակահատվածում։ Մարդը կարող է ինչ-որ ակամա ժեստով, աչքերի փայլով կամ էլի որևէ կերպ վայր դնել այն դիմակը, որն առանձնացնում է յուրաքանչյուրիս արտաքին աշխարհից։ Լուսանկարիչը պետք է հասցնի այդ ժամանակահատվածում անել իր աշխատանքը, հակառակ դեպքում կպարտվի»։

Ինչպե՞ ս է Յուսուֆը հայտնվել Կանադայում

Արևմուտքում գործող անվանի հայերի մեծ մասի պես ХIX-XX դարերի սահմանին Քարշին հաջողվել է փրկվել թուքական յաթաղանից։ Նա ծնվել է Արևմտյան Հայաստանի Մարդին քաղաքում։ 1915 թվականի Հայոց ցեղասպանության ժամանակ նրա կյանքը թելից է կախված եղել։ Ընտանիքի անդամների մեծ մասին սպանել էին, քույրը սովից էր մահացել։ 14 տարեկանում նա ծնողների հետ ավելի քան մեկ ամիս քայլել է անապատով ու հասել Սիրիա։ Երկու տարի անց ծնողներին հաջողվել է գումար հավաքել ու տղային ուղարկել Կանադա, որտեղ ապրում էր նրա քեռին՝ Ջորջ (Գրիգոր) Նաղաշը։

Հանդգնության շնորհիվ ծնված. ինչպես հայ հանճար Քարշը լուսանկարեց Չերչիլին և Չե Գևարային

Յուսուֆը պատրաստվում էր բժշկական կրթություն ստանալ, բայց մինչ այդ ստուդիայում օգնում էր քեռուն։ Նաղաշը զարմիկի մեջ լուսանկարչի տաղանդ էր տեսել ու նրան Բոստոն էր ուղարկել՝ իր ընկերոջ, լուսանկարիչ և դիմանկարիչ Ջոն Գարոյի մոտ։ Այն ժամանակ Ջոն Գարոն Նահանգների Ատլանտյան ափի ամենահայտնի ու պահանջված լուսանկարիչներից էր։ Տղան ջանասիրաբար սովորում էր իր ուսուցչի մոտ ու յուրացնում մասնագիտության տեխնիկական նրբությունները։

Բոստոնում երեք տարի ապրելուց հետո նա նորից Կանադա վերադարձավ ու 1931 թվականին Օտտավայի կենտրոնում փոքրիկ ստուդիա բացեց։ Սկզբում գործերն այնքան էլ լավ չէին, բայց կամաց-կամաց մշտական հաճախորդների թիվն ավելացավ ու երիտասարդ լուսանկարչի աշխատանքները սկսեցին հայտնվել հեղինակավոր թերթերում։ Որոշ ժամանակ անց Քարշին բախտ վիճակվեց լուսանկարել մի կարևոր մարդու, և այդ լուսանկարը տպվեց կանադական ու բրիտանական մի քանի հայտնի պարբերականներում։

Կանադահայ Յուսուֆ Քարշի` Եղիսաբեթ II թագուհու դիմանկարը կզարդարի հոբելյանական նամականիշը

Այդ հաջողության շնորհիվ նա հնարավորություն ստացավ լուսանկարել ԱՄՆ-ի նախագահ Ֆրանկլին Ռուզվելտին, որը Կանադա էր ժամանել։ Իր աշխատանքի ընթացքում նա ծանոթացել էր Կանադայի վարչապետ Մակքենզի Քինգի հետ, որի շնորհիվ հնարավորություն էր ստացել բազում հայտնի քաղաքական գործիչների լուսանկարել։ Ի դեպ, հենց Քինգն էր Չերչիլին առաջարկել լուսանկարվել։

Ռեկորդակիր Քարշը

Յուսուֆ Քարշը 2000 թվականին հայտնվել է «Գինեսի ռեկորդների գրքում»` որպես դիմանկարային լուսանկարչության ամենաանվանի վարպետ։ The International Who's Who պարբերականի համաձայն՝ նրան հաջողվել է լուսանկարել նախորդ դարի 100 ամենահետաքրքրական մարդկանցից 51-ին։ Այդ շարքում են Մուհամմեդ Ալին, Ֆիդել Կաստրոն, Չե Գևարան, Ալբերտ Էյնշտեյնը, արքայադուստր Եղիզաբեթը, Ռոբերտ Ֆրոստը, Քլարկ Գեյբլը, Էռնեստ Հեմինգուեյը, Օդրի Հեփբերնը, Հովհաննես Պողոս II պապը, Ջոն և Ժաքլին Քենեդիենրը, Պաբլո Պիկասոն, Բերնարդ Շոուն, Յան Սիբելիուսը, Էնդի Ուորհոլը, Ալեն Պրոստը, դե, Չերչիլի մասին էլ չասենք:

Королева Великобритании Елизавета 2-ая
Յուսուֆ Քարշը նկարել է Եղիսաբեթ Երկրորդին

Նրա աշխատանքներից շատերը քրեստոմատիկ են։ Անհնար է հաշվել Յուսուֆ Քարշի աշխատանքների հրապարակումների ու ցուցահանդեսների քանակը։ Անվանի լուսանկարչի դիմանկարները ներկայացված են համաշխարհային առաջատար թանգարանների մշտական ցուցադրություններում։

Ադամի ხაჭაპური–ը, կամ հայերեն ի՞նչ դաջվածք է ուզում անել ամերիկացի լուսանկարիչը

313
Ըստ թեմայի
Հայտնի ամերիկացի լուսանկարիչն ասաց, թե ինչու պետք է վերադառնա Հայաստան
Ինչո՞ւ են լուսանկարիչ Հակոբյանին այդքան սիրում Ղազախստանում
Խոփը քարին դեմ առավ․ ինչպես Շվեյցարիան և հայ լուսանկարիչը «չգոհացրին» Էրդողանին
Թբիլիսցի լուսանկարիչ Յուրի Ակոպովը դարձել է «Արծաթե ֆոտոխցիկի» դափնեկիր
Կորոնավիրուս

131 նոր դեպք, 9 մահ` մեկ օրում. կորոնավիրուսային հիվանդության ընթացքը Հայաստանում

96
(Թարմացված է 11:04 16.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 16 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 131–ով և դարձել 220860: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 7023 մարդ (-234), կատարվել է 1036673 թեստավորում (+3160), առողջացել են վարակվածներից 208454-ը (+354): Գրանցվել է մահվան 4323 դեպք (+9)։ Կորոնավիրուսով վարակված, բայց այլ պատճառով մահացածների թիվն ավելացել է 2ով և դարձել 1060։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

10 հատ ձու, անվճար օղի. պատվաստումը խթանելու ինչ եղանակներ են կիրառվում տարբեր երկրներում

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

96
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ
Հայաստանը COVID-19-ից մահացության հարաբերական ցուցանիշով աշխարհում 31-րդ տեղն է զբաղեցնում
Վարդան Պապիկյան

Գյումրեցի հոգեբան-քիմիկոսի օրգանական-կոսմետիկ ձեռքբերումները

167
(Թարմացված է 15:51 14.05.2021)
Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից։

ԵՐԵՎԱՆ, 15 մայիսի - Sputnik. Հոգեբան ու քիմիկոս Վարդան Պապիկյանը, որը նաև դասավանդում է Շիրակի պետական համալսարանում, օրվա մեծ մասն անցկացնում է իր ստեղծած մինի լաբորատորիայում։ Այստեղ օրգանական կոսմետիկ միջոցներ են պատրաստում։

Քիմիական  նյութերից ստացված միջոցները բավական մատչելի են, բայց և վնասակար, իսկ օրգանական՝ ստանդարտներին համապատասխան միջոցները, ոչ միայն  չեն վնասում, այլև բուժական նշանակություն ունեն, տեղեկացնում է Վարդան Պապիկյանը։

Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից, հետո արդեն սկսեցին օճառներ պատրաստել խոտաբույսերի թուրմերի համադրությամբ: Ավելի ուշ հաջորդեցին շամպուններն ու դիմակները:

Օրգանական արտադրանք ստեղծելու գաղափարին ընտանիքի անդամները դեմ չէին, բայց սկզբում «չէին շտապում» աջակցել, միայն վերջերս, երբ արդեն  նկատեցին, որ այդ միջոցների պահանջարկը կա, փորձում են օգտակար լինել:

«Պասիվ, սպասողական   դիրքորոշում դրսևորեցին, բայց վերջերս ավելի հետաքրքրություն եմ նկատում նրանց կողմից՝ առցանց մաքետինգը նրանց ուսերին է»,-ժպտում է քիմիկոսն ու հավելում, որ ընտանիքի  անդամներն իր ստեղծած արտադրանքն են օգտագործում։

Պատրաստված զինվորը փրկված կյանք է. ինչպես գյումրեցի հոգեբանը դարձավ ֆրանսիական լեգեոներ

«Այնքան զգալի է տարբերությունը, որ ով գեթ մեկ անգամ օգտագործել է, ասում է, որ այլևս հին օճառներին ու շամպուններին չի վերադառնա»,-ասում է Պապիկյանը:

Աշխարհում տարեկան օրգանական նյութերի արտադրության 20 տոկոս աճ է գրանցվում:

«Մարդիկ ժամանակի ընթացքում հասկացան, որ լավագույն միջոցը մոռացված հինն  է, ու փորձ են անում վերհիշել այդ հին բաղադրատոմսերը: Հայաստանի բնաշխարհը համարվում է վայրի, մենք դեռ գենետիկորեն շատ չենք փչացրել մեր բնությունը»,-նշում է քիմիկոսը ցույց տալով հավաքած երիցուկը, անանուխն ու եղինջը, որոնք օգտակար հավելանյութեր են օճառների ու շամպունների համար:

Հումքի պակաս Հայատանում չկա: Լավ հավելանյութ է նաև Հայկական բնաշխարհում աճող վայրի նռան կեղևը: Վարդան Պապիկյանն օգտագործում է նաև ոչ տեղական հավելումներ՝ նարնջի կեղև,  կոճապղպեղ, չիլի պղպեղ, զաֆրան, Էվկալիպտ և այլն:

Աշխատանքի մեջ  շատ է օգնում հոգեբան լինելը: «Շատերը զարմանում են, երբ իմանում են, որ քիմիայի մասնագետ լինելուց բացի նաև հոգեբան եմ: Ինձ համար երկուսն էլ կարևոր են՝ ինչպես հոգու, այնպես էլ արտաքին  էկոլոգիան»,-ասում է Վարդան Պապիկյանը:

  • Բնական կոսմետիկայի բաղադրանյութեր
    Բնական կոսմետիկայի բաղադրանյութեր
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
1 / 6
© Sputnik / Armenuhi Mkhoyan
Բնական կոսմետիկայի բաղադրանյութեր

Այս պահին օրգանական կոսմետիկ միջոցներն իրացվում են միայն Գյումրիում, բայց հեղինակը  բրենդավորելուց ու սերտիֆիկացնելուց հետո դրանք արտահանելու, նաև տեսականին ավելացնելու ծրագրեր ունի։

167
Ըստ թեմայի
Կտավի ու նյութի փոխարեն գյումրեցի արվեստագետը ջինս է օգտագործում
27-ի առավոտյան գնաց ու չվերադարձավ. 31-ամյա փոխգնդապետը պարգևատրվեց հետմահու
Հին արհեստի նոր լեզուն. գյումրեցի արվեստագետի թաղիքագործական ձեռքբերումները
Блокпост российских миротворческих сил в Лачинском коридоре (17 ноября 2020). Карабах

Բանակցությունները մեկնարկել են ժամանակին. հայտնի է` ովքեր են մասնակցում հայկական կողմից

0
Իրադրությունը երեկվա համեմատ չի փոխվել, հակառակորդի կողմից առաջխաղացում չի նկատվել։ Այս պահին բանակցություններն ընթացքի մեջ են, արդյունքների մասին հաջորդիվ կհաղորդվի։

Հայաստանի Հանրապետության Սյունիք և Գեղարքունիքի մարզերի սահմանային հատվածներում ստեղծված իրադրության խաղաղ հանգուցալուծման ուղղությամբ տարվող բանակցությունները մեկնարկել են նախապես հայտարարված ժամին` ժամը 14։00–ին։ Տեղեկությունը Sputnik Արմենիայի հետ զրույցում հայտնեց Գորիս խոշորոցված համայնքի փոխհամայնքապետ Մենուա Հովսեփյանը։

«Հայկական կողմից բանակցություններին մասնակցում է Գլխավոր շտաբի և Առաջին բանակային կորպուսի ներկայացուցիչները։ Բանակցությունները ղեկավարում է Ռուսական խաղաղապահ զորախմբի ղեկավար Ռուստամ Մուրադովը։

Հովսեփյանի խոսքով` իրադրությունը երեկվա համեմատ չի փոխվել, հակառակորդի կողմից առաջխաղացում չի նկատվել։ Այս պահին բանակցություններն ընթացքի մեջ են, արդյունքների մասին հաջորդիվ կհաղորդվի։

 

0
թեգերը:
Ադրբեջան, Գեղարքունիքի մարզ, Սյունիք