Կենդանիների բացօթյա գերեզմանոց

Էկոաղետ Գյումրիում. ի՞նչ վնաս կհասցնի կենդանիների բացօթյա գերեզմանոցը. լուսանկարներ

1305
(Թարմացված է 09:48 12.07.2019)
Գյումրիում կենդանիների բացօթյա գերեզմանոցը լուրջ վտանգ է ներկայացնում ոչ միայն բնապահպանական, այլև առողջապահական տեսանկյունից, քանի որ տարիներ առաջ հողի մակրևույթին կուտակված կենդանիների ոսկորները շարունակում են նեխել և փտել բաց երկնքի տակ՝ աղտոտելով շրջակա միջավայրը:

ԵՐԵՎԱՆ, 12 հուլիսի – Sputnik, Արմենուհի Մխոյան. Գյումրու նախկին մսի կոմբինատի տարածքում թափված ոսկորները կարող են վտանգավոր լինել ոչ միայն բնության, այլև մարդկանց առողջության համար: Այս մասին Sputnik Արմենիայի հետ զրույցում ասաց աշխարհագրական գիտությունների դոկտոր, պրոֆեսոր Աշոտ Խոյեցյանը:

«Միկրոօրգանիզմները հողի մեջ սկսում են քայքայվել: Իսկ հողից դուրս սկսում են նեխել և փտել ու կարող են բակտերիաների միջոցով տարբեր հիվանդությունների տարածման պատճառ դառնալ: Նույնիսկ տասնամյակներ անց կենդանիների մնացորդները շարունակում են իրենց մեջ վտանգավոր նյութեր պարունակել: Դա անթույլատրելի երևույթ է ու փնթի վիճակ»,- ասաց դոկտոր-պրոֆեսորը` ավելացնելով, որ ցանկացած մահացած օրգանիզմ անցնում է փտման, հանքայնացման որոշակի փուլ և, եթե չի թաղվում հողի տակ, վնասակար է:

Երևանը անապատ կդառնա՞, թե՞ քաղաքապետարանը կպայքարի օլիգարխների կառուցած «չինական պատի» դեմ

Այս թաքնված «թանգարանի» մասին շատերը չգիտեն: Նախկին մսի կոմբինատի բակում է՝ կիսաքանդ մասնաշենքի դիմաց: Տարածքը արգելափակված չէ ու ելումուտի համար ազատ է: Մեկ հեկտար տարածք զբաղեցնող գերեզմանոցում օրգանական նյութերը քայքայվում են բաց երկնքի տակ:

  • Կենդանիների բացօթյա գերեզմանոց
    Կենդանիների բացօթյա գերեզմանոց
    © Sputnik / Armenuhi Mkhoyan
  • Կենդանիների բացօթյա գերեզմանոց
    Կենդանիների բացօթյա գերեզմանոց
    © Sputnik / Armenuhi Mkhoyan
  • Կենդանիների բացօթյա գերեզմանոց
    Կենդանիների բացօթյա գերեզմանոց
    © Sputnik / Armenuhi Mkhoyan
  • Կենդանիների բացօթյա գերեզմանոց
    Կենդանիների բացօթյա գերեզմանոց
    © Sputnik / Armenuhi Mkhoyan
  • Կենդանիների բացօթյա գերեզմանոց
    Կենդանիների բացօթյա գերեզմանոց
    © Sputnik / Armenuhi Mkhoyan
1 / 5
© Sputnik / Armenuhi Mkhoyan
Կենդանիների բացօթյա գերեզմանոց

Խոյեցյանը մտահոգ է. տարածքը վտանգավոր է հատկապես երեխաների համար, քանի որ նրանք ազատ ելումուտ կարող են անել և խաղալ փտող ոսկորների հարևանությամբ:

«Հարցը պետք է արագ լուծվի, դա նույնն  է, ինչ բաց գերեզմանոցը, ինչ տարբերություն անասո՞ւնի ոսկորներ են այնտեղ, թե մարդու»,- ասաց Խոյեցյանը:

ՀՀ–ն մաքրում է «գերեզմանոցը». միջուկային թափոնները Վրաստանով տեղափոխելը վտանգավո՞ր է

Ժամանակին տարածքում ոսկորների վերամշակման կետ է եղել: Մշակված հումքից դեկորատիվ իրեր են պատրաստել, սակայն 1988 թվականի երկրաշարժից հետո վերամշակման կետը դադարել է գործել, իսկ ոսկորները մնացել են տարածքում սփռված: Լուծարումից հետո կոմբինատը մի քանի սեփականատեր է ունեցել, բայց խնդրին որևէ մեկը ուշադրություն չի դարձրել:

1305
թեգերը:
Միս, կենդանի, գերեզման, Գյումրի, Հայաստան
Ըստ թեմայի
«Այդ աղջկա շնորհիվ Հայաստանը մկրտվել է». Կալմիկիայում սուրբ Հռիփսիմեի մասունքներն են գտել
«Սուսերով պարը» Գյումրիում․ ինչպես ռուս ռեժիսորը ֆիլմ նկարեց հայ հանճարի մասին
Հեղնար աղբյուրի անմահական ջուրը և Մարմաշենի գաղտնիքները. ինչ են թաքցնում Ախուրյանի ափերը
Հայերը սիրում են չափազանցնել ու հանգստանալ, կամ ի՞նչ գիտենք Երևանի «մեռյալ ծովի» մասին
Քանաքեռ. յուրօրինակ կոլորիտով թաղամաս, որ իր համն ու հոտն է տվել մայրաքաղաք Երևանին