Здоровая пища

Ինչ չի կարելի ուտել և խմել ամռանը. խորհուրդներ սննդաբանից

757
(Թարմացված է 21:27 10.07.2019)
Ինչպես սնվել ամռանը, որքան ջուր է հարկավոր խմել, և ինչ ասել է առողջ սնունդ: Ճիշտ սննդակարգի մասին խորհուրդներ է տալիս  սննդաբան Գայանե Շահխաթունին:

ԵՐԵՎԱՆ, 9 հուլիսի – Sputnik. Ամառվա տապին աղեստամոքսային խնդիրներից խուսափելու, ինչպես նաև օրգանիզմը ջրազրկումից պաշտպանելու համար անհրաժեշտ է ճիշտ սննդակարգ ընտրել։ Շատ հեղուկներ օգտագործելուց զատ, անհրաժեշտ է նաև սննդակարգում սահմանափակել շաքարի քանակությունը։ Sputnik Արմենիայի հետ զրույցում այս մասին ասաց սննդաբան Գայանե Շահխաթունին։

«Թարմ բանջարեղեն, կանաչեղեն և որոշակի քանակությամբ մրգեր, ինչպես նաև ջրի հստակ սահմանված քանակ. սրանք այն կարևոր բաղադրիչներն են, որոնք անհրաժեշտ է ներառել ամառային սննդակարգում»,- նշեց սննդաբանը:

Սնունդի միջոցով է կարելի է պայքարել շոգի դեմ. սննդաբանի խորհուրդները

Մասնագետի խոսքով` ջրի քանակը կարելի է որոշել ըստ կիլոգրամների` յուրաքանչյուր կիլոգրամի համար նախատեսված է խմել 30մլ/գ ջուր։ Այսինքն` եթե մարդը կշռում է 60 կգ, ապա նա օրվա ընթացքում պետք է խմի մոտ 2 լիտր ջուր։ Իսկ եթե ավելի ակտիվ կյանք է վարում` նշված քանակից 20%-ով ավելի։ Ըստ սննդաբանի` միայն անհրաժեշտ քանակությամբ ջուր խմելը բավարար չէ, հարկավոր է նաև խմելու կանոններին հետևել։

«Կարևոր է ջուրը խմել ոչ շատ սառը, սենյակային ջերմաստիճանի և կում-կում։ Եթե դուք շատ ծարավ եք ու ձեզ թվում է, որ մի ամբողջ բաժակ ջուրը միանգամից խմելով կհագենաք, ապա չարաչար սխալվում եք, դրանով հնարավոր է ճնշեք սրտամկանին, տեղի ունենա անոթի լայնացում, ինչն էլ կբերի վատ ինքնազգացողության։ Չի կարելի նաև ծարավը հագեցնել այլ զովացուցիչ ըմպելիքներով կամ մրգերով, որոնք ջուր չեն պարունակում»,- նշեց Շահխաթունին։

Սննդաբանը ճարպակալման հակում ունեցող մարդկանց հորդորում է օրական 2-3 կգ միրգ ուտել մինչև կեսօր։ Եթե ճարպակալման խնդիր չկա, ապա միրգ ու բաջարեղեն կարելի է ուտել մինչև 16:00-17:00։

«Երեկոյան ժամերին ցանկալի է ուտել ոչ աղի կաթնամթերք՝ կաթնաշոռ, կեֆիր՝ համեմված մանր կտրատված վարունգով և կանաչ, քաղցր պղպեղով, յոգուրտ, մածուն, կարելի է նաև մի փոքր խաշած միս»,- ասաց մասնագետը:

Նրա խոսքով` դրսում սնվելու ավանդույթից ևս պետք է հրաժարվել:

«Ամռանը կատեգորիկ պետք է հրաժարվել դրսում սնվելու սովորույթից, նույնիսկ մրգեր չի թույլատրվում ուտել, քանի որ չենք կարող ասել, թե տվյալ միրգը քանի ժամ է արևի տակ մնացել, ինչպիսի փոփոխությունների է ենթարկվել և ինչ հետևանքներ կարող է ունենալ մեր օրգանիզմի վրա»,– ասաց Շահխաթունին։

Բարձր կալորիականությամբ և դժվարամարս սնունդը նույնպես վնասակար է, քանի որ հանգեցնում է օրգանիզմի կրկնակի ծանրաբեռնվածության, ստիպում կրկնակի էներգիա ծախսել և արագ հոգնածության պատճառ դառնում։

Աղեստամոքսային խնդիրներից խուսափելու համար հարկավոր է նաև սննդային համադրումները բացառել։ Ամենավտանգավորը, որը կարող է բերել աղիքային հիվանդության, կաթնամթերքի և ծովամթերքի համադրությունն է: Վտանգավոր է նաև պահածոյացված և մարինացված սննդի օգտագործումը:

«Հարկավոր է կոմպոտները բացառել սննդակարգից, քանի որ այնպիսի թույն, որ պահածոյացված կոմպոտներն են արտադրում, նույնիսկ գազավորված հյութը չի արտադրում: Հրաժարվեք ցանկացած տեսակի մուրաբաներից, քանի որ պարունակում են մեծ քանակությամբ շաքար և ոչ մի տոկոս վիտամիններ: Մոռացեք լեգենդը, որ մուրաբաները հիվանդության դեպքում բարձրացնում են դիմադրողականությունը, որովհետև մեծ քանակությամբ շաքարի հետ պահածոյացվող և մեկ տարի պահվող միրգը չի կարող պահպանել վիտամիններ»,- ընդգծեց մասնագետը:

Ի՞նչ է ուտելու զինվորը հայկական բանակում. McDonald's–ի մեթոդն են կիրառելու. լուսանկարներ

Սննդաբանն առաջարկեց տնային պայմաններում օգտակար զովացուցիչ ըմպելիք պատրաստելու սեփական բաղադրատոմսը. 1 կգ ջրին ավելացնում ենք 2 քամած լիմոն, նանայի տերևներ, մեկ թեյի գդալ մեղր, դարչին և թրմած մասուր։ Նա վստահեցրեց, որ այս ամենը խառնելուց հետո կստանանք ամառային շատ համեղ, էներգետիկ և առողջարար զովացուցիչ հյութ:

757
թեգերը:
բանջարեղեն, միրգ, շոգ, առողջ սնունդ, հայ, Հայաստան
Ըստ թեմայի
Ի՞նչ է ուտելու զինվորը հայկական բանակում. McDonald's–ի մեթոդն են կիրառելու. լուսանկարներ
Ուզու՞մ եք 5 օրում 5 կիլոգրամ նիհարել․ դետոքս ծրագիր` ֆիտնես–մարզիչ Հովհաննես Ավագյանից
Բժիշկները պայքարում են «դարի լուռ մարդասպանի» դեմ. կչափեն բոլոր ցանկացողների ճնշումը
Մատչելի հանգստավայրերի լավագույն հնգյակը
«Բոլոլա կլինի», թե՞ հասարակական տրանսպորտի նոր ցանցը կլուծի Ռուստամի խնդիրները
Ամառ չտեսանք, մենակ երևանցիների բախտը բերեց. մարզերում դժգոհ են Սուրենյանի կանխատեսումից
«Համով Հայաստան»․ ամառային ճաշատեսակ` «արնաթաթախ ձեռքի» վրա
«Էրեբունի» ԲԿ

Որդու գերեզմանից Երևան վերադառնալիս վթարի է ենթարկվել Արցախում զոհված Դավիթ Այդոևի մայրը

342
(Թարմացված է 23:49 28.07.2021)
Հերոս զինվորի մոր վիճակը ծանր է, նրան սպասում է բարդ վիրահատական միջամտություն։ Դավիթը տիկին Լալիի միակ զավակն էր։

ԵՐԵՎԱՆ, 28 հուլիսի – Sputnik. Այսօր որդու գերեզմանից Երևան վերադառնալիս Ապարան քաղաքի տարածքում վթարի է ենթարկվել Արցախում նահատակված հերոս Դավիթ Այդոևի մայրը` տիկին Լալին: Այս մասին Facebook–ի իր էջում տեղեկացնում է «Եզդիների տուն» նախաձեռնության ղեկավար Այսեր Իսայանը:

Նրա խոսքով`տիկին Լալին ծանր վիճակում` ողնաշարի բազմաթիվ կոտրվածքներով, Էրեբունի ԲԿ Է տեղափոխվել։

«Տիկին Լալիին սպասում է բարդ վիրահատական միջամտություն։ Նշեմ, որ Դավիթը տիկին Լալիի միակ զավակն էր»,– հայտնում է Իսայանը:

Հիշեցնենք, որ Դավիթ Այդոևն ազգությամբ եզդի էր։ Ծնվել է 2000թ–ի օգոստոսի 10–ին Սպիտակ քաղաքում, բայց մանկուց ապրել է Երևանում։ Սովորել է Հայ–մերիկյան բժշկական քոլեջում։ Զբաղվել է թեթև աթլետիկայով։ Ծառայության էր անցել Ջաբրայիլում։

«Մամ, մինչև չգնամ, կռիվը չի վերջանա». Եռաբլուրում հետմահու պարգևատրեցին Հայկազ Մկրտչյանին

Արցախյան 44–օրյա պատերազմի օրերին հրամանատարի վիրավորվելուց հետո Դավիթն է ստանձնել պատասխանատուի դերը, կարողացել ճիշտ կողմնորոշվելու շնորհիվ գրագետ գործողություններ կազմակերպել ու գրավել հակառակորդի երկու դիրք: Այդ դիրքերից մեկն էլ իր պատվին է կոչվել՝ Այդոևի բլուր։ Դավիթը զոհվել է 2020 թվականի հոկտեմբերի 5–ին։

ՊԲ N պաշտպանական շրջանի 7-րդ հրաձգային վաշտի ողջ կազմը հետմահու պարգևների է արժանացել

342
թեգերը:
Զոհ, Արցախ, վթար, մայր, Զինվոր
Ըստ թեմայի
Հետմահու բարձրագույն կոչում ստացած զինծառայողների ընտանիքները պարգևավճար կստանան
Արժանացել են «Արցախի հերոս» բարձրագույն կոչման՝ հետմահու
Դավիթ Գրիգորյանը ոչնչացրել է 12 տանկ, 1 ՏՕՍ համակարգ. նա պարգևատրվեց հետմահու
Արցախի ԱԺ նախագահը հետմահու շնորհված պարգևներ է հանձնել զոհված զինծառայողների հարազատներին
Արխիվային լուսանկար

ՄԻՊ–ն այցելել է զինվորական հոսպիտալ և տեսակցել Գեղարքունիքում վիրավորված զինծառայողներին

160
(Թարմացված է 22:53 28.07.2021)
Ադրբեջանական զինծառայողները Գեղարքունիքում կիրառել են տարբեր տրամաչափի զինատեսակներ, այդ թվում՝ ականանետներ, դիպուկահար հրացաններ, գնդացիրներ և այլն:

ԵՐԵՎԱՆ, 28 հուլիսի – Sputnik. Մարդու իրավունքների պաշտպանի ներկայացուցիչներն այցելել են զինվորական հոսպիտալ և տեսակցել Գեղարքունիքի մարզի Սոթքից մինչև Վերին Շորժա գյուղերի ուղղությամբ ադրբեջանական զինված ուժերի հրահրած կրակոցներից վիրավորում ստացած զինծառայողներին: Տեղեկությունը Facebook–ի էջում հայտնում է ՀՀ մարդու իրավունքների պաշտպան Արման Թաթոյանը։

Նշվում է, որ այցի ընթացքում տեղի են ունեցել առանձնազրույցներ: Զինծառայողները տեղեկացրել են, որ ադրբեջանական զինված ուժերը վերջին օրերին կրակոցներ են արձակում հայկական դիրքերի և մոտակա գյուղերի ուղղությամբ, հայտնել են նաև, որ հուլիսի 28-ին՝ ժամը 03:40-04:00-ի սահմաններում, ադրբեջանական կողմի կրակոցներն ավելի ինտենսիվ են դարձել:

Ընդ որում, ադրբեջանական զինծառայողները կիրառել են տարբեր տրամաչափի զինատեսակներ, այդ թվում՝ ականանետներ, դիպուկահար հրացաններ, գնդացիրներ և այլն:

«Ադրբեջանական զինծառայողները թիրախավորել են հայկական դիրքերի հարևանությամբ գտնվող քաղաքացիական բնակավայրերը` Գեղարքունիքի գյուղերը, որոնց պաշտպանության արդյունքում էլ հայ զինծառայողները ստացել են տարբեր վիրավորումներ»,–գրում է պաշտպանը:

Այցի ընթացքում ուսումնասիրվել են վիրավորում ստացած զինծառայողների բժշկական փաստաթղթերը, նրանց առողջական վիճակը քննարկվել է հոսպիտալի բուժանձնակազմի հետ: Զինծառայողները ստացել են տարբեր վիրավորումներ (ուսահոդի, դեմքի, ազդրի և այլն), չորս զինծառայողներից մեկի վիճակը բժիշկները գնահատել են թեթև ծանրության, երկուսինը՝ միջին, մյուսինը՝ ծանր:

Մարդու իրավունքների պաշտպանի աշխատակազմում ամփոփվում են հավաքագրված տեղեկությունները: Զինծառայողների առողջական վիճակը Պաշտպանի աշխատակազմի անմիջական ուշադրության ներքո է:

Այսօր ավելի վաղ ՀՀ մարդու իրավունքների պաշտպանը հայտարարել էր, որ ադրբեջանական իշխանությունները գործում են միջազգային կանոնների բացահայտ խախտումներով և պատասխանատվություն են կրում Գեղարքունիքում այսօր ՀՀ 3 զինծառայողներին սպանելու համար:
Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

160
թեգերը:
Վիրավոր, Զինվոր, հոսպիտալ, Արման Թաթոյան, ՀՀ ՄԻՊ
Ըստ թեմայի
ՊՆ–ն հրապարակել է ադրբեջանական կրակոցներից զոհված զինծառայողների անունները
Միանգամից սկսեցին կրակել. Գեղարքունիքում վիրավորված տղաները մանրամասներ են հայտնել
Կրակոցները բնակչությանը նոր զիջումների պատրաստելու համար են. քաղտեխնոլոգ
Ֆրենկ Փալոնե

ԱՄՆ-ն դադարեցնում է ռազմական օգնությունը Բաքվին. Կոնգրեսն ընդունել է Փալոնեի ուղղումը

335
(Թարմացված է 00:30 29.07.2021)
Ինչպես հաղորդում է ANCA-ի պաշտոնական կայքը, այդ ուղղումին ակտիվորեն աջակցել է ԱՄՆ-ի հայկական սփյուռքը:

ԵՐԵՎԱՆ, 29 հուլիսի – Sputnik. Ամերիկացի իրավաբան և քաղաքական գործիչ, Դեմոկրատական կուսակցության անդամ Ֆրենկ Փալոնեն Կոնգրեսի նիստերի դահլիճում ներկայացրել է Ադրբեջանին հատկացվող ֆինանսական օգնությունը դադարեցնելու վերաբերյալ իր առաջարկը:

Իր ելույթում կոնգրեսականը ներկայացրել է Փալոնեի (#PalloneAmendment) ուղղումը և հայտարարել Արցախին օգնություն տրամադրելու և ականազերծման ծրագրին 2 մլն դոլար հատկացնելու անհրաժեշտության մասին:

«Տիկնայք և պարոնայք, այս ուղղման ընդունումը կօգնի ցույց տալ, որ Վաշինգտոնը վճռականորեն դատապարտում է բռնապետական ռեժիմը, որը սպառնում է տարածաշրջանի անվտանգությանը, հատկապես, երբ ագրեսիան ուղղված է երիտասարդ ժողովրդավարության դեմ», - ընթերցել է Փալոնեն:

Եթե չդադարեք աջակցել, կճանաչենք Ցեղասպանությունը. Իսրայելը գտել է Էրդողանի թույլ տեղը

Ինչպես հաղորդում է ANCA-ի պաշտոնական կայքը, այդ ուղղումին ակտիվորեն աջակցել է ԱՄՆ-ի հայկական սփյուռքը:

Ի դեպ, ինչպես գրել է քաղաքագետ Սուրեն Սարգսյանը, վերջին երեք տարիների ընթացքում Բաքուն Վաշինգտոնից մոտ 100 մլն դոլարի ռազմական օգնություն է ստացել։

Միշտ էլ նժարը թեքվում է ուժեղի կողմը. ինչպե՞ս պետք է պատասխանի Հայաստանն Ալիևին

335
թեգերը:
օգնություն, Արցախ, Ադրբեջան, ԱՄՆ
Ըստ թեմայի
Վաշինգտոնը կքննարկի Բաքվին ռազմական օգնություն տալու որոշումը վերանայելու հարցը. Բլինկեն
ԱՄՆ նախագահը թույլատրել է Ադրբեջանին ռազմական օգնություն ցուցաբերել
Նիկոլ Փաշինյանը դիմել է Վլադիմիր Պուտինին ռազմական օգնության հարցով. Ալեն Սիմոնյան
Ինչո՞ւ Ջո Բայդենը որոշեց Ադրբեջանին ռազմական օգնություն ցուցաբերել