Բժիշկը պատրաստվում է վիրահատության

Հանուն գեղեցկության մարդը պատրաստ է ամենախենթ վիրահատությունների՝ ոտքերից մինչև պորտ

223
(Թարմացված է 11:54 06.07.2019)
Նոր միտումը հետզհետե գրավում է աշխարհը։ Այսօր մարդը կարող է փոխել նույնիսկ ձայնն ու աչքերի գույնը։

ԵՐԵՎԱՆ, 6 հուլիսի — Sputnik. Արդեն ոչ ոքի չես զարմացնի կուրծքը կամ շուրթերը մեծացնելով, կոր քիթն ուղղելով կամ այտոսկրերն ընդգծելով, որովհետև պլաստիկ վիրահատության ոլորտում նոր միտումներ են ի հայտ եկել։Դրանք զարմացնում են շատերին ու բազում հարցեր ծնում, բայց եթե այդ վիրահատություններն արվում են, ուրեմն ինչ-որ մեկին պետք են։ Sputnik Արմենիան մեկտեղել է պլաստիկ ու կոսմետիկ վիրահատությունների ամենախենթ միտումները։

Թարթիչների փոխպատվաստում

Հոնքերն ու թարթիչները կանանց գեղեցկության ամենակարևոր բաղադրիչներից են համարվում։ Սակայն բնությունը ոչ բոլորին է կամար հոնքեր ու խիտ թարթիչներ պարգևել։ Այդ պատճառով էլ որոշ կանայք այսօր այդ հարցը լուծում են փոխպատվաստման միջոցով։ Դա արվում է տեղային անզգայացմամբ։ Մասնագետը մազը (մազային պարկիկով՝ ֆոլիկուլով) վերցնում է ծոծրակից ու փոխպատվաստում կոպերին։ Մի քանի շաբաթ անց մազերը թափվում են, իսկ ֆոլիկուլները նորն են արտադրում։ Վիրահատությունից երեք-չորս ամիս անց սկսում են նորմալ թարթիչներ աճել։

Նույն սկզբունքով է արվում նաև հոնքերի փոխպատվաստումը։

Մատների վիրահատություն

Վիրահատության միջոցով կարելի է շտկել նաև ոտքերի մատների երկարությունը։ Շատերին մտահոգում է հատկապես բթի և երկրորդ մատի տարբերությունը, և դրա պատճառով որոշակի բարդույթներ են ի հայտ գալիս։

Այսօրվա բժշկությունն այդ խնդիրն էլ է լուծում։ Ինչպես տեղային, այնպես էլ ընդհանուր անզգայացմամբ իրականացվող վիրահատությունը սովորաբար տևում է կես ժամ, ու ժամանակակաից տեխնոլոգիաների շնորհիվ մարդն արագ ապաքինվում է։

Ումբիլիկոպլաստիկա

Ումբիլիկոպլաստիկան կամ պորտի պլաստիկան այն քիչ վիրահատություններից է, որ անցկացվում է առանց բժշկական ցուցումների։ Ոմանք կարծում են, որ իրենց պորտը գեղեցիկ չէ, ու դիմում են բժիշկների օգնությանը։ Վիրահատությունն ընդհանուր առմամբ բարդ չէ, տգեղ պորտից ազատվելու համար մարդը մոտ չորս ժամ է անցկացնում հիվանդանոցում, իսկ դրանից մոտ երկու շաբաթ անց ապաքինված է լինում։

Աչքի գույնի փոփոխում

Եթե կարծում եք, որ ձեր աչքերը «սխալ» գույն ունեն, ապա այսօր դա էլ են շտկում։ Շագանակագույն աչքերով մարդիկ լազերի թեթև հպումով 20 րոպեի ընթացքում կարող են կապուտաչյա դառնալ։

Եվս 500 000 քաղաքացի կկարողանան սրտի անվճար վիրահատությունից օգտվել. ովքեր են նրանք

Ավելի դժվար է շագանակագույն աչքերը կանաչ դարձնելը։ Դա ավելի ժամանակատար է և մի փոքր այլ կերպ է արվում։ Վիրահատությունից հետո մեկ օր տհաճ զգացողություններ են լինում, առաջին երեք ժամվա ընթացքում աչքերի լարվածության պատճառով մարդը չի կարող ինքնուրույն քայլել։

Ձայնի էսթետիկ վիրահատություն

Ժամանակակից բժշկությունը կարողանում է փոխել նաև ձայնի տհաճ տեմբրը։ Լազերի օգնությամբ հեռացնում են ձայնալարերի ձևափոխված հյուսվածքները, և ձայնալարերը թեթևանում ու ճիշտ տեմբր են ստանում։

Ոտքերի երկարացում

Եթե դժգոհ եք ձեր հասակից կամ ոտքերի երկարությունից, հոգ չէ, հայ մասնագետները արագ լուծում են այդ հարցը։ Նրանք հասակն ավելացնելու համար օգտագործում են 65 տարի առաջ Գավրիիլ Իլիզարովի հորինած մեթոդը։

Սարքավորման միջոցով մեխանիկական ձգման ազդեցության տակ ոսկորներն ու փափուկ հյուսվածքներն աճում են։ Ընդ որում՝ այդ աճը շատ նման է բնականին։ Վերջերս Իլիզարովի մեթոդով բուժումը սկսել են համատեղել ամերիկացի գործընկերների մշակած սարք/մեխի հետ։ Նման համադրությունը թույլ է տալիս զգալիորեն կրճատել բուժման ժամկետը։ Յուրահատկությունն այն է, որ երբ վերջույթն անհրաժեշտ երկարության է հասնում, Իլիզարովի սարքը հանում են ու այնտեղ ներոսկրային հատուկ միջուկ (մեխ) են դնում։ Եթե նախկինում հասակը 10 սանտիմետր ավելացնելու կուրսը մինչև 12 ամիս էր տևում, ապա հիմա 4-5 ամիսը բավարար է։

Հասակը կարող է ավելացնել ցանկացած չծխող, ֆիզիկապես առողջ, հորմոնալ ու ոսկրերի նյութափոխանակության վրա ազդող այլ դեղամիջոցներ չընդունող մարդ։

Հայ բժշկը կերակրափողի քաղցկեղի բացառիկ վիրահատություն է արել. հիվանդն արդեն ուտում–խմում է

223
թեգերը:
տեսանյութ, ոտքեր, վիրահատություն
Ըստ թեմայի
Նոր խոսք գիտության մեջ. Լեյլա Ադամյանը Ռուսաստանում եզակի վիրահատություն է անցկացրել
8 ժամ տևած վիրահատություն, որը կյանք է փրկել. մայրն ու աղջիկը միաժամանակ վիրահատվել են
«Պլաստիկ վիրահատության համար մեզ դիմում են նաև արտասահմանցիներ». Անի Այվազյան
Նա բազում վիրահատություններ է արել. սերբ երգչուհին`իր ու Քարդաշյանի նմանության մասին
Եվգենյա Մեդվեդևա–Բաբասյան

Եվգենյա Մեդվեդևա–Բաբասյանն իր մասին 5 փաստ է ներկայացրել

56
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։

ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։

Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։

​«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։

Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։

«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։

Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։

«Ատոմային զենք ես». Գոհար Ավետիսյանը փայլել է իր շքեղ կազմվածքով

56
թեգերը:
ինստագրամ, Եվգենյա Մեդվեդևա–Բաբասյան
Ըստ թեմայի
Բաժանում և ոչ միայն. Եվգենյա Մեդվեդևա–Բաբասյանն ասել է`ինչպես է պայքարում դեպրեսիայի դեմ
Եվգենյա Մեդվեդևան նկարել է ճապոնացի ընկերոջը
Մեդվեդևան կփոխի՞ քաղաքացիությունը, կամ ինչպես են հայ մարզիչներն օգնում այլոց գեղասահքում
Արխիվային լուսանկար

Լարսը փակել են. ռուսական կողմում 760 բեռնատար է կուտակվել

51
ՀՀ տարածքում նույնպես կան փակ ավտոճանապարհներ, իսկ Սյունիքի ավտոճանապարհներին տեղ-տեղ առկա է մերկասառույց։

ԵՐԵՎԱՆ, 23 հունվարի – Sputnik. Արտակարգ իրավիճակների նախարարությունը տեղեկացնում է, որ Ստեփանծմինդա-Լարս ավտոճանապարհի ռուսական կողմում կուտակվել է 760 բեռնատար ավտոմեքենա:

«Ստեփանծմինդա-Լարս ավտոճանապարհը փակ է միայն բեռնատար ավտոմեքենաների համար»,–նշված է հաղորդագրության մեջ։

Հայաստանի Հանրապետության տարածքում նույնպես կան փակ ավտոճանապարհներ. փակ են Արագածոտնի «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները, իսկ Վարդենյաց լեռնանցքը փակ է միայն կցորդիչով բեռնատարների համար։
Արագածոտնի մարզի Ապարան-Արագած, Վայոց ձորի մարզի Սարավան-«Զանգեր» հատվածում, դեպի Ջերմուկ քաղաք տանող, Աղավնաձոր-

Արենիի ավտոճանապարհներին և Սյունիքի մարզի ավտոճանապարհներին տեղ-տեղ առկա է մերկասառույց։

Վարորդներին խորհուրդ է տրվում երթևեկել բացառապես ձմեռային անվադողերով։

Հիշեցնենք` այսօր առավոտյան Լարսը բաց էր բոլոր տիպի տրանսպորտային միջոցների համար։

51
թեգերը:
ՀՀ արտակարգ իրավիճակների նախարարություն (ԱԻՆ), բեռնատար, Վերին Լարս
թեմա:
Եղանակը Հայաստանում
Ըստ թեմայի
Հայկական բեռնատարներն այլևս կանգնած չեն մնա․ Լարսի ճանապարհի շինարարությունը կավարտվի
Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել
Արդիականացումը չի՞ փրկի․ որն է Վերին Լարսի անցակետի խնդրի լուծումը
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

88
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

88
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին