Ոռոգում

Ոռոգման ջրի խնդիրն այդպես էլ լուծել չի լինում. ի՞նչ է առաջարկում Սերգեյ Բագրատյանը

73
(Թարմացված է 12:25 29.06.2019)
ԱԺ պատգամավորը կարծում է, որ ջրային օրենսգրքում պետք է ջրային ռեժիմի սահմանափակումներ մտցնել։

ԵՐԵՎԱՆ, 29 հունիսի — Sputnik. Հայաստանում ոչ մի կերպ չի լուծվում ոռոգման ջրի հետ կապված խնդիրը։ Այսօր լրագրողների հետ հանդիպման ժամանակ այս մասին ասաց ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը` նշելով, որ այդ հարցը լուծելու համար պետք է ջրային ռեժիմի սահմանափակումներ մտցնել ջրային օրենսգրքում։

«Ոռոգման համակարգի հետ կապված լուրջ բացթողումներ ունենք, քանի որ տարիներով համակարգը համապատասխան ծախսերով չի «լցվել», ու մեր ջրային կորուստը համատարած է։ Մենք տարբեր տեղերում 50-80 տոկոս ջրի կորուստ ենք ունենում, ինչն անթույլատրելի շռայլություն է»,–ասաց նա։

Բագրատյանի խոսքով` սակավաջրությունն աշխարհում փաստ է, իսկ մենք 7 մլրդ խորանարդ ջուր ունենալով մեր մակերևույթում` օգտագործում ենք դրա 2 միլիարդը։ Դա էլ, ըստ պատգամավորի, ոչ արդյունավետ է օգտագործվում։

Բագրատյանը կարծում է, որ ոռոգման ոլորտում արմատական փոփոխություններ իրականացնելու կարիք կա։ «Պետք է լուրջ աշխատանքներ կատարենք այս ոլորտում։ Օրինակ` ջրային օրենսգրքում ջրային ռեժիմի սահմանափակումներ պետք է դնել և դրանով իսկ օգնել գյուղացիությանը, որպեսզի ոռոգման ջուրը ժամանակին ստանան, ու աշնանն ակնկալենք համապատասխան բերքատվություն»,–ասաց նա։

Նրա խոսքով` ոռոգման ջրի հարցը լուծելով ու գյուղատնտեսական ակտիվ աշխատանքով կլուծվի պարենային անվտանգության խնդիրը։

Депутат от фракции Царукян Сергей Багратян в парламенте (29 мая 2018). Еревaн
© Sputnik / Aram Nersesyan
Սերգեյ Բագրատյան

Դեռ անցած տարվա նոյեմբերին ՀՀ վարչապետ Նիկոլ Փաշինյանը կառավարության նիստի ժամանակ ասել էր, որ Հայաստանում ոռոգման ջուր գողացողներին փնտրելու են ու պատժեն։  «Այսօրվանից պետք է արձանագրենք, որ ոռոգման համակարգի ոլորտում տիրում է վակխանալիա, և այսօրվանից պետք է զբաղվենք, որ նույն տաշտակի առաջ չկանգնենք»,– նշել էր նա։

Ոռոգման ջրի գինը Հայաստանում 11 դրամ է` 1 խորանարդ մետրի դիմաց (սա հանրապետությունում միջին ցուցանիշն է)։

Հիշեցնենք, որ նախորդ ամիս` մայիսի 29–ին, արագածավանցիները փակել էին միջպետական ճանապարհն ու երկաթուղին և բողոքում էին ոռոգման ջրի սակագնից։ Ջրային կոմիտեն Արագածոտնի մարզի Արագածավան համայնքի ջրօգտագործողների բողոքի ցույցի պահանջների հետ կապված հայտարարություն է տարածել` վստահեցնելով, որ Հայաստանում ոռոգման ջուրը չի թանկացել։

73
թեգերը:
Բարգավաճ Հայաստան կուսակցություն (ԲՀԿ), ջուր, Հայաստան
Ըստ թեմայի
Սևանա լճին պետք չէ ջրի տարայի տեղ դնել. վարչապետի մոտ քննարկվել են ոռոգման խնդիրները
Տիգրան Ավինյանը հայտնել է` որն է ոռոգման ջրի արդար բաշխման խոչընդոտը
Ոռոգման համակարգի ոլորտում վակխանալիա է տիրում. Նիկոլ Փաշինյան