Թմրանյութերի ոչնչացում

Թմրամոլների թիվը Հայաստանում ավելացել է

108
(Թարմացված է 20:06 26.06.2019)
Թմրամոլության տարածվածությամբ 1-ին տեղում Երևանն է՝ 52% ցուցանիշով։

ԵՐԵՎԱՆ, 26 հունիսի — Sputnik. ՀՀ–ում 2019 թվականի հունվարի 1-ի դրությամբ հաշվառված թմրամոլների թիվը կազմում է 6951, որը 6 տոկոսով ավելի է, քան` նախորդ տարի։ Այս մասին տեղեկանում ենք ՀՀ առողջապահության նախարարությունից։

«6951 թմրամոլներից 116-ը կանայք են։ Հաշվառվածներից գերակշիռ` 64%-ը 28-49 տարեկան են, 19,5%-ը՝ 50-64 տարեկան, 18%-ը՝ 19-27 տարեկան են։ Հայաստանում 18 տարեկանների շրջանում 11, իսկ մինչև 16-17 տարեկանների շրջանում 5 անձ է թմրամոլ։ Տարածվածությամբ 1-ին տեղում Երևանն է՝ 52% ցուցանիշով, 2-րդը Արմավիրի մարզն է՝ 12% և 3-րդը Կոտայքի մարզն է՝ 10% ցուցանիշներով»,–նշված է ԱՆ–ի հաղորդագրության մեջ:

Աշխարհում թմրամիջոցներ չարաշահողների թիվը, ըստ 2017 թվականի հունիսի 22-ի թմրամիջոցների ազգային զեկույցի, կազմում է շուրջ 1/4 միլիարդ մարդ, նրանցից 29,5 միլիոնն ունի թմրամիջոցների գործածումից առաջացած հոգեկան և վարքային խանգարումներ։

Այսօր, ի դեպ, թմրամիջոցների չարաշահման և դրանց ապօրինի շրջանառության դեմ պայքարի միջազգային օրն է։ Այս տարվա կարգախոսն է «Առողջություն արդարության և արդարություն առողջության համար»։

1993–ին Հայաստանն անդամակցելով ՄԱԿ-ին` վավերացրել է թմրամիջոցների չարաշահման և դրանց ապօրինի շրջանառության դեմ պայքարի նպատակով ՄԱԿ-ի գլխավոր համաժողովի կողմից ընդունված կոնվենցիաները:

108
թեգերը:
ՀՀ Առողջապահության նախարարություն, Հայաստան, թմրանյութ
Ըստ թեմայի
Ոստիկանները 30 քրեական հեղինակությունների տներում ստուգումներ են իրականացրել
Խոտ և թնդանոթ․ ինչո՞ւ են Կալիֆոռնիայի հայերը զենք գնում և կանեփ աճեցնում
Թմրաբիզնեսով զբաղվողների գործը կբարդանա. հայերն ու ռուսները միասին են հղկել հմտությունները
Վրաստանի իրավապահները ձերբակալել են Մոսկվա–Երևան ավտոբուսի վարորդին
«Բոլոր ուղևորներին բաց են թողել, բացի մեկից». Լարսում մնացած ավտոբուսը ճանապարհ է ընկել