Զբօսաշրջիկներ

«Ռուսական շուկան շատ մեծ է, ամէնէն շատ զբօսաշրջիկները Ռուսիայէն կու գան». Ապրեսեան

47
Ապրեսեան կը նշէ` խիստ կարեւոր է, որ Հայաստան այցելած զբօսաշրջիկներն այստեղէն գոհ մեկնին, սպասումներն ալ` արդարացած:

ԵՐԵՒԱՆ, 25 յունիսի – Sputnik. Զբօսաշրջութեան հայկական ֆետերասիոնի նախագահ Մեխակ Ապրեսեան կը կարծէ, որ Ռուսիոյ եւ Վրաստանի միջեւ օդանաւային հաղորդակցութեան դադարեցումը զբօսաշրջիկներու լրացուցիչ հոսք պիտի ապահովէ Հայաստան:

Ապրեսեանի խօսքով` թէեւ շուտով Վրաստանի ուղղութեամբ չուերթներու արգելանք պիտի գործէ, այդուհանդերձ Հայաստան պէտք չէ սպասէ ատոր , այլ պէտք է աշխատի նպատակային շուկաներուն մէջ` մեր երկիրը ներկայացնելու եւ զբօսաշրջութիւնը խթանելու նպատակով:

«Պէտք չէ սպասենք` արգելանք ըլլայ, որ շահինք, պէտք է գրաւիչ դարձնենք Հայաստանը զբօսաշրջիկներու համար ընդհանրապէս»,– կ’ըսէ ան:

Անոր խօսքով` անկախ ամէն ինչէն, ռուսական շուկան շատ մեծ է, ամէնէն շատ զբօսաշրջիկները Ռուսիայէն կու գան:

Ապրեսեան կը նշէ` խիստ կարեւոր է, որ Հայաստան այցելած զբօսաշրջիկներն այստեղէն գոհ մեկնին, սպասումներն ալ` արդարացած:

Յիշեցնենք` ՌԴ նախագահ Վլատիմիր Փութին հրամանագիր ստորագրած է, ըստ որուն` յուլիսի 8-էն ժամանակաւորապէս կը դադրեցուի Վրաստանի հետ օդանաւային հաղորդակցութիւնը:

«Այրոֆլոտ»-ը իր ուղեւորներուն առաջարկած է Վրաստանի մայրաքաղաքի ուղղութեամբ չուերթները փակելէն յետոյ օգտուիլ Երեւանի եւ Վլատիկավկազի օդակայաններէն:

47
թեգերը:
Զբոսաշրջիկ, Թբիլիսի, Ռուսաստան, Հայաստան
թեմա:
Sputnik Արմենիան` արևմտահայերենով (229)
Ըստ թեմայի
Հայկական երաժշտութիւնը տարբեր մշակոյթներու ներկայացուցիչները կը միաւորէ. տեսանիւթ
Հայերը կը սիրեն չափազանցել ու հանգստանալ, կամ ի՞նչ գիտենք Երեւանի «մեռեալ ծովի» մասին
Վերմակի տակ երգող Սէյրանեանը. ինչպէս երեւանցի գիտնականը փող կը վաստակէր հեռախօսով
Սուրիահայ արուեստագէտ Գէորգ Մուրատը Բաբելոնի վեց մեթրանոց քանդակ մը կը ստեղծէ