Կենտրոնական զինվորական հավաքակայան

«Կոռուպցիան արմատախիլ կարվի». Թորոսյանը` զորակոչի բուժհանձնաժողովների աշխատանքի մասին

82
Առողջապահության նախարարությունը` ի դեմս նախարար Արսեն Թորոսյանի խոստացել է խստորեն վերահսկել զինվորական բժշկական հանձնաժողովների աշխատանքը։

ԵՐԵՎԱՆ, 20 հունիսի — Sputnik. Գարնանային զորակոչ կազմակերպելու մակարդակը շատ առումներով կախված կլինի բժշկական հանձնաժողովների աշխատանքի որակից։ Այդ մասին ՊՆ ներկայացուցիչների և զորակոչային հանձնաժողովների հետ հանդիպմանն ասաց առողջապահության նախարար Արսեն Թորոսյանը։

Նախարարի խոսքով` պետք է այնպես անել, որպեսզի բուժզննությունը չանցկացվի ձևի համար և չվերածվի բյուրոկրատական քաշքշուկի։

Բոլոր տեղեկանքները պետք է ժամանակին տրամադրվեն, նշեց Թորոսյանը` խոստանալով, որ պետությունն իր կողմից աստիճանաբար զարգացնելու է այդ կառույցների աշխատանքի համար անհրաժեշտ ռեսուրսները։ Բազմաթիվ հերթերից խուսափելու համար նախարարը կոչ արեց ակտիվորեն համագործակցել զինկոմիսարիատների հետ։

«Անհրաժեշտ է արմատախիլ անել բժշկական զննության փուլում կոռուպցիոն դրսևորումները, որպեսզի տղաների նկատմամբ ոչ մի կանխակալ վերաբերմունք չլինի։ Առողջապահության նախարարությունն իրավապահ մարմին չէ, իհարկե, բայց եթե մեր աշխատակիցներից մեկին հաջողվի խախտումների դեպքում խուսափել քրեական պատասխանատվությունից, ապա ամեն դեպքում մենք համապատասխան վերաբերմունք կդրսևորենք մեր համակարգի ներսում», – խոստացավ Թորոսյանը։

Նրա խոսքով`  հատուկ ուշադրություն կդարձվի տեղային և կենտրոնական բուժհանձնաժողովների եզրակացությունների չհամընկնելու դեպքերին։ Նախարարը հավելեց, որ վերջին հաշվով պետք են զորակոչիկի առողջական վիճակի օբյեկտիվ գնահատականներ։

82
թեգերը:
Հայաստան, Զինվոր, Բանակ, զորակոչ, Արսեն Թորոսյան
Ըստ թեմայի
Առողջապահության համընդհանուր ապահովագրումը կարող է գործել 2021 թվականից. Թորոսյան
Ուռուցքաբանության կենտրոնը չեն մասնավորեցնի. ԱԺ–ն հավանություն տվեց նախագծին
Հայաստանում մայրական մահացության դեպքերն ավելացել են, մանկականը` նվազել