ԵՐԵՎԱՆ, 18 հունիսի — Sputnik. Դիետոլոգ Լիլիթ Բաբասյանը որոշել է վիդեոբլոգի (վլոգի) միջոցով խորհուրդներ տալ նրանց, ովքեր ուզում են նիհարել: Դիետելոգը տեսագրությունը հրապարակել է Instagram–ի իր էջում։
«Դե ինչ, սկսում եմ իմ նոր վլոգը՝ «Նոր կյանք` նոր մարմնում», որտեղ ձեզ ճիշտ սնվելու և նիհարելու խորհուրդներ կտամ։Առաջին թողարկմանը պատմում եմ, թե ինչպես է պետք կիրառել իմ արտադրած սև հացը, որպեսզի այն օգտակար լինի»,– տեսագրությանը կից գրել է Բաբասյանը։
Բաբասյանն ավելի վաղ Sputnik Արմենայի եթերում էլ էր խոսել նիհարելու մասին:
«Միրգը կերեք միայն առավոտյան, բանջարեղեն ու միս-կաթնամթերք՝ օրվա երկրորդ կեսին: Շատ ջուր խմեք: Բայց սա, ինչպես ասում են, հաջողության հասնելու առաջին քայլն է»,-ասել էր դիետոլոգն ու նշել՝ պետք չէ սպասել, որ մեկ ամսում 20 կգ կնիհարեք:
Բաբասյանը նաև խորհուրդ էր տվել ամեն օր կշեռքին չկանգնել, որովհետև դա ավելորդ լարվածություն է ստեղծում:
Նշենք, որ Լիլիթը դերասան Ալեքսանդր Բաբասյանի կինն է։ Նա անցած տարվա մայիսին Անդրեյ Մալախովի «Ուղիղ եթեր» հեռուստանախագծի հյուրն էր եղել և պատմել գրագետ նիհարելու կարևորության և դեղերի վնասի մասին։
