Արգենտինացի կին գործարարները Նունե Սարգսյանի հետ հանդիպման ժամանակ

13 թիվը նրանց չի վախեցնում. ինչու են արգենտինացի կին գործարարները ժամանել Հայաստան

111
(Թարմացված է 17:28 17.06.2019)
Արգենտինացի կին գործարարները արգասաբեր հանդիպում են անցկացրել ՀՀ նախագահի տիկնոջ` Նունե Սարգսյանի հետ և նշել այն ոլորտները, որոնցում մտադիր են ներդրումներ անել:

ԵՐԵՎԱՆ, 17 հունիսի - Sputnik. Արգենտինացի քաղաքագետ, փաստաբան և գործարար Ֆ

Президент Армении Армен Саркисян с первой леди Нуне Саркисян на встрече с аргентинскими женщинами-предпринимателями (17 июня 2019). Еревaн
© Sputnik / Asatur Yesayants
Президент Армении Армен Саркисян с первой леди Нуне Саркисян на встрече с аргентинскими женщинами-предпринимателями (17 июня 2019). Еревaн

աբիանա Ռիկարոն հիացած է Հայաստանով և մեր երկրից կհեռանա բազմաթիվ դրական տպավորություններով: Այդ մասին նա ասաց այսօր լրագրողների հետ զրույցում, առաջին տիկին Նունե Սարգսյանի հետ հանդիպումից հետո:

Ֆաբիանան Հայաստան է ժամանել մի քանի օրով, 13 կին գործարարներից կազմված արգենտինական պատվիրակության կազմում, որը սեփական նախաձեռնությամբ ձևավորել է Էռնեկյան ընտանիքը: Կին գործարարները 2018 թվականին ճանաչողական այց են կատարել Մեծ Բրիտանիա: Հայաստանը դարձել է նրանց համար նշանակման երկրորդ կետ:

Предприниматель из Аргентины Фабиана Рикаро в Армении (17 июня 2019). Еревaн
© Sputnik / Asatur Yesayants
Ֆաբիանա Ռիկարո

Յուրաքանչյուր երկրում, որի հետ Արգենտինան բարեկամական և ջերմ հարաբերություններ ունի, գործարար կանանց խումբը փորձում է գործարար կապեր հաստատել հետագա համագործակցության համար: Հունիսի 17-ին նրանց սուրճ խմելու էր հրավիրել Հայաստանի նախագահի կինը` Նունե Սարգսյանը:

«Առաջին անգամ եմ Հայաստանում: Ուղևորությունից առաջ ինձ համակել էին հակասական զգացողություններ, քանի որ հեռավորության պատճառով ձեր երկիրն այդքան հայտնի չէ արգենտինացիներին: Բայց այն, ինչ ես տեսա, հաճելիորեն զարմացրեց ինձ», – ասաց Ռիկարոն:

Ֆաբիանան խոստովանեց, որ հայաստանյան այցելությունը բազմաթիվ կարծրատիպեր է կոտրել: Նա կարծել է, որ Հայաստանը ծերացող հասարակությամբ երկիր է, որտեղ երիտասարդները մեծ ակտիվություն չեն դրսևորում: Որքան մեծ է եղել նրա զարմանքը, երբ տեղում տարբեր ոլորտներում տեսել է երիտասարդ ձեռներեցների:

Аргентинские женщины-предприниматели на встрече с первой леди Нуне Саркисян в Армении (17 июня 2019). Еревaн
© Sputnik / Asatur Yesayants
Արգենտինացի կին գործարարները

Նրա խոսքով՝ տպավորիչ են նաև երկրի, հասարակության զարգացման մակարդակը, որոնք ուղղված են արդյունք ստանալու:

Մեր զրուցակիցը վստահ է, որ Հայաստանն ու Արգենտինան կարող են համագործակցել տարբեր ոլորտներում` գյուղատնտեսությունից մինչև ՏՏ:

«Մենք Հայաստանից կհեռանանք հարուստ տպավորություններով և բազմաթիվ գաղափարներով», – ասաց Ֆաբիանան` հավելելով, որ շատ տպավորված է հենց Նունե Սարգսյանով:

Karas Wines ընկերության տնօրեն Խուլիանա Էռնեկյանն իր հերթին նշեց, որ, լինելով կին և հայուհի, ցանկանում է կամուրջներ հաստատել երկու երկրների գեղեցիկ սեռի ներկայացուցիչների միջև:

Президент Армении Армен Саркисян с первой леди Нуне Саркисян на встрече с аргентинскими женщинами-предпринимателями (17 июня 2019). Еревaн
© Sputnik / Asatur Yesayants
Արգենտինացի կին գործարարները Արմեն Սարգսյանի հետ

«Ցանկանում եմ ավելի շատ աշխատատեղեր բացել, որպեսզի աշխատելու հնարավորություն տամ կանանց, ինչպես նաև կփորձեմ կամուրջներ հաստատել երկու երկրի կանանց միջև», - ասաց Էռնեկյանը:

Նունե Սարգսյանը լրագրողների հետ զրույցում նշեց, որ նման հանդիպումները կարևոր են Հայաստանի և հայերի համար:

«Շատ հետաքրքիր հանդիպում է կայացել կին գործարարների հետ, որոնք ներկայացնում են տարբեր ոլորտներ: Հայաստանի և հայերի համար նման հանդիպումները կարևոր են», – ասաց Սարգսյանը:

Президент Армении Армен Саркисян с первой леди Нуне Саркисян на встрече с аргентинскими женщинами-предпринимателями (17 июня 2019). Еревaн
© Sputnik / Asatur Yesayants
Արգենտինացի կին գործարարները Արմեն Սարգսյանի և Նունե Սարգսյանի հետ

Նա կոչ արեց Արգենտինայի կին գործարարներին ավելի հաճախ այցելել Հայաստան, ինչպես նաև մտածել ներդրումների և սեփական գործ բացելու մասին:

Նրա խոսքով` արգենտինացի կին գործարարների օրինակը կօգնի հայ հասարակությանը հասկանալ, որ կնոջ առաքելությունը միայն ընտանեկան օջախը պահպանելը չէ:

Սարգսյանը նաև կարծում է, որ առաջին հերթին տղամարդիկ պետք է օգնեն կանանց՝ հասնել հաջողության:

Արգենտինացի 13 կին գործարարները Հայաստանում կլինեն մինչև հունիսի 21-ը: Նրանք արդեն հանդիպել են Ամենայն Հայոց կաթողիկոս Գարեգին Բ-ի հետ, նախատեսված են հանդիպումներ խորհրդարանում, Կենտրոնական բանկում և այլն:

111
թեգերը:
գործարար, Կին, Արմեն Սարգսյան, Հայաստան
Ըստ թեմայի
Լիբանանցի հայուհին հայտնվել է Մերձավոր Արևելքի ամենահաջողակ կանանց լավագույն հնգյակում
Նախագահի կին լինելը հաճելի է, բայց պատասխանատու. խոստովանում է Նունե Սարգսյանը
Իսկական հայ լեդի․ ինչպե՞ս Կարինե Ղուկասյանը գտավ իր յոգուրտների բաղադրատոմսը
Նիկոլ Փաշինյանի ապարդյուն կոչը, կամ ինչն է հետ պահում դրսում ապրող հայերին
Զարդերից մինչև շամպուն. հայ գործարար կանայք բացահայտել են իրենց հաջողության գաղտնիքը