Համահայկական խաղերի պատվիարկությունն այցելեց Գևորգ Չաուշի գերեզմանին

Չաուշի գերեզման, Մուշ, Անի, Կարս. Համահայկական խաղերու ջահը կը շրջի հինաւուրց քաղաքներով

32
(Թարմացված է 21:54 14.06.2019)
Առաջարկ եղաւ Երեւան,Վան, Գիւմրի, Կարս քաղաքները դարձնել համահայկական յաջորդ խաղերու իրականացման կեդրոններ ու աշխատանք կատարել այդ ուղղութեամբ:

ԵՐԵՒԱՆ, 14 յունիսի — Sputnik. Համահայկական խաղերու համաշխարհային կոմիտէի պատուիրակութիւնն Արեւմտեան Հայաստանի այցի ընթացքին այցելած է նաեւ Մուշ եւ Անի քաղաքներ:

Մուշի մէջ հայկական պատուիրակութեան անդամներն այցելած են հայ ազգային-ազատագրական շարժման հերոս, ֆիտայի Գէորգ Չաուշի գերեզման, Մուսա լերան վառուած համահայկական ամառնային 7–րդ խաղերու ջահը հասցուցած են հայ ֆիտայապետին, ստացած անոր օրհնութիւնը ու ծաղիկներ խոնարհած անոր  շիրիմին:

Համահայկական խաղերի պատվիարկությունն այցելեց Գևորգ Չաուշի գերեզմանին
© Sputnik / Anna Vardanyan
Գէորգ Չաուշի գերեզմանը

Պատուիրակութիւնը ընդունած է Մուշի քաղաքապետ Ֆէյաթ Ասեան:

«Շատ ուրախ ենք ձեր այցի համար, մեր աչքին վրայ տեղ ունիք: Չնայած այսօր մեզի համար տօն է, բայց ձեզ հետ հանդիպելն աւելի կարեւոր է, եւ ես չէի կրնար այդ առիթը փախցնել»,- ըսած է ան:

Համահայկական խաղերու համաշխարհային կոմիտէի նախագահ Իշխան Զաքարեան նշած է, որ Մուշը մեզի համար շատ հարազատ քաղաք է: Ան Մուշի քաղաքապետին  յանձնած է Երեւանի մէջ համահայկական խաղերու ձեռնարկներուն մասնակցելու պաշտօնական հրաւէրը եւ հայ վարպետներու ձեռքով պատրաստուած խորհրդանշական նուէրը:

Մշոյ դաշտէն Կարս գացող ճանապարհին պատուիրակութեան անդամները Սուլուխի կամուրջէն վարդեր նետած են Արածանի գետ` յարգանքի տուրք մատուցելով Գէորգ Չաուշի եւ անոր զինակիցներու յիշատակին:

Անին` Հայոց հինաւուրց մայրաքաղաքը, գրկաբաց  եւ սիրով  ընդունած է Համահայկական խաղերու համաշխարհային կոմիտէի պատուիրակութիւնը:

Հայոց Բագրատունիներու հինաւուրց մայրաքաղաքն` իր հզօր պարիսպներով, փառաւոր անցեալով, նոր շունչ ու հոգի տուաւ պատուիրակութեան անդամներուն, որոնք  մեր հպարտութեան  եւ յաղթանակներու մայրաքաղաք Ստեփանակերտ պէտք է հասցնեն համահայկական խաղերու ջահը:

Համահայկական խաղերի պատվիարկությունն այցելեց Մուշ
© Sputnik / Anna Vardanyan
Համահայկական խաղերի պատվիարկությունն այցելեց Մուշ

Համահայկական խաղերու համաշխարհային կոմիտէի փոխնախագահ Ալպէր Պոյաճեանի խօսքով`նաեւ մարզանքի  միջոցով կը համախմբուին Սփիւռքը, Հայաստանը եւ Արցախը:

Հայկական հինաւուրց Կարսի ամրոցէն ներքեւ հին հայկական թաղամաս կայ, որմէ աննկարագրելի հայկականութիւն կը յորդի:

Համահայկական խաղերու համաշխարհային կոմիտէի պատուիրակութիւնն ընդունեցին Կարսի քաղաքապետները:

Համահայկական խաղերի պատվիարկությունն այցելեց Մուշ
© Sputnik / Anna Vardanyan
Համահայկական խաղերի պատվիարկությունն այցելեց Մուշ

Իշխան Զաքարեան առաջարկեց Երեւան, Վան, Գիւմրի, Կարս քաղաքները դարձնել համահայկական յաջորդ խաղերու իրականացման կեդրոններ ու աշխատանք կատարել այդ ուղղութեամբ: Քաղաքապետները ողջունեցին առաջարկը` պատրաստ ըլլալով քննարկել մանրամասներն արդէն Երեւանի մէջ: Կողմերն անդրադարձան նաեւ մշակութային կապերուն:

Համահայկական եօթերորդ խաղերը տեղի պիտի ունենան  օգոստոս 5-17: Բացման հանդիսաւոր արարողութիւնը տեղի պիտի ունենայ Արցախի մայրաքաղաք Ստեփանակերտի մէջ:

32
թեգերը:
Հայ Առաքելական Եկեղեցի, Արևմտյան Հայաստան, Հայաստան
թեմա:
Sputnik Արմենիան` արևմտահայերենով (206)
Ըստ թեմայի
Նոպելեանի խայտառակութիւնը. ինչպէս հայ գիտնականի նորարարութիւնը վերագրուեցաւ ուրիշներուն
Սփիւռքահայերու կամաւորական աշխատանքը՝ Հայրենիքի պաշտպանի վերականգնողական կեդրոնին մէջ
Հայկական երաժշտութիւնը տարբեր մշակոյթներու ներկայացուցիչները կը միաւորէ. տեսանիւթ
Համահայկական խաղերու ջահը վառեցաւ հերոսական Մուսա լերան գագաթին