Նորածին

Հայաստանում մայրական մահացության դեպքերն ավելացել են, մանկականը` նվազել

24
(Թարմացված է 10:30 14.06.2019)
Արսեն Թորոսյանը քննարկում է ունեցել մանկական ծառայություններ մատուցող հաստատությունների ղեկավարների հետ։

ԵՐԵՎԱՆ, 14 հունիսի — Sputnik. Հայաստանում 2018 թ-ին, 2017–ի համեմատ, մայրական մահացության դեպքերն ավելացել են 5–ով. եթե 2017–ին գրանցվել է մայրական մահացության 3, ապա 2018–ին նման 8 դեպք է գրանցված եղել։ Այս մասին տեղեկանում ենք ՀՀ առողջապահության նախարարությունից։

«2017-ին մայրական մահացության 3 դեպքից մանկաբարձական պատճառով 1–ի դեպքում է եղել մահ, իսկ 2018-ի 8 դեպքից 2-ի պարագայում է մանկաբարձական պատճառով մահ եղել»,–նշված է հաղորդագրության մեջ։

Մյուս կողմից, մանկական մահացության դեպքերի նվազում է նկատվել. ըստ 1000 կենդանածնի ցուցանիշների 0-1 տարեկան երեխաների մահվան դեպքերն ունեն հետևյալ պատկերը` 2017-ին գրանցվել է 307 մանկական մահացության դեպք, իսկ 2018-ի նախնական տվյալներով` 260 դեպք։

Նշենք, որ առողջապահության նախարարությունում նախարար Արսեն Թորոսյանի և մանկական ծառայություններ մատուցող հաստատությունների ղեկավարների մասնակցությամբ տեղի է ունեցել քննարկում` Հայաստանում պերինատալ բազմապրոֆիլային ծառայությունների ծավալների վերաբերյալ:

Նախարարը կարևորել է նախա և հետծննդյան խնամքը, ծննդօգնության ծառայությունների պատշաճ մատուցումը, ընդգծել մայրական և մանկական մահացության ցուցանիշի նվազմանն ուղղված քայլերը:

24
թեգերը:
ՀՀ Առողջապահության նախարարություն, Արսեն Թորոսյան, հիվանդանոց, Մահ, Հայաստան
Ըստ թեմայի
Դեղորայքային թունավորման դեպքերն այս տարի ավելացել են. ԱՆ ցուցանիշներ է ներկայացրել
ՀՀ–ում աճել է արտակարգ պատահարների թիվը. սեզոնը չբացված` արդեն 5 մարդ է խեղդվել
Ինչպես կրճատել երիտասարդների մահվան դեպքերը. ՀՀ–ում ՄԱԿ–ի գրասենյակի ղեկավարը մտահոգ է