Բագրատ Ալեքսանյանի մայրը` Նարինե Ասրյանը

Խնդրում եմ, այնպես անես` մայրս չլացի. ապրիլյանի տղաներից Բագրատ Ալեքսանյանի վերջին տողերը

373
(Թարմացված է 13:21 12.06.2019)
2016–ի ապրիլյան քառօրյայի ժամանակ զոհված Բագրատ Ալեքսանյանն այսօր կդառնար 24 տարեկան։ Տղայի մայրը պատմում է` ինչպես է որդին համոզել Ռուսաստանից գալ Հայաստան, որ գնա բանակ։ Ցանկությունը կատարել են. տղան մեկնել է Արցախ ու չի վերադարձել...

Կարինե Հարությունյան, Sputnik.

«Տեր Աստված, եթե մի օր ընկնեմ թուրքի գնդակից, մի խնդրանք ունեմ. շատ եմ խնդրում, աղաչում եմ, որ այնպես անես` մայրս երբեք չլացի, աչքը չոր մնա։ Եթե մայրս չհանգստանա ու լաց լինի, հանգիստ չեմ գտնի երկնքում, իմ հոգին էլ չի հանգստանա, կսավառնի անդադար». 2016–ի ապրիլի 1–ին դիրքեր բարձրանալուց առաջ բանակային իր օրագրում գրել է ապրիլյան քառօրյայի հերոսներից նռնակաձիգ Բագրատ Ալեքսանյանը։ Սա նրա վերջին գրառումն է եղել։

Письмо героя Апрельской войны Баграта Алексаняна
© Sputnik / Asatur Yesayants
Մոր ձեռքին որդու գրառումներից մեկն է

Այսօր նրա ծննդյան օրն է, Բագրատը կդառնար 24 տարեկան։ Sputnik Արմենիան զրուցել է նրա մոր` Նարինե Ասրյանի հետ։

Հերոսի մոր խոսքով` երբ իրեն ասում են, որ պետք է հպարտ լինի, քանի որ հերոսի ծնող է, ինքը սովորաբար պատասխանում է, որ այնպիսի տղա ուներ, որ նրա կենդանության օրոք էլ էր հպարտ։

Երկու եղբայրներով` Բագրատ և Սամվել Ալեքսանյաններն Արցախում նույն զորամասում են ծառայել (մեկ տարվա տարբերությամբ են բանակ զորակոչվել), բայց տարբեր վաշտերում։ Մեծ եղբոր` Բագրատի ցանկությամբ երկու եղբայրները երբեք միաժամանակ չեն բարձրացել դիրքեր։ Տիկին Նարինեն հիշում է, որ երբ Բագրատի հետ զրուցելիս ուրախությամբ ասել է, թե լավ է, երկու եղբայր նույն զորամասում են և գուցե նույն վաշտում էլ կծառայեն, Բագրատը մորը հակադարձել է` այդ մասին այլևս խոսակցություն չբացես։ Ավելի ուշ Բագրատն ընկերոջն ասել է, որ ինքն է ուզել` եղբայրը հարևան վաշտում ծառայի, որ եթե հանկարծ ինչ–որ բան լինի, իրենցից գոնե մեկը տուն հասնի։

Уголок героя Апрельской войны Баграта Алексаняна в его доме
© Sputnik / Asatur Yesayants
Բագրատ Ալեքսանյանի հուշ–անկյունը

2016–ի ապրիլի 1–ին Բագրատը դիրքեր է բարձրացել ու նույն զորամասում ծառայող և դիրքերից իջնող եղբորն ասել. «Քեզ լավ նայիր Սամո ջան, քեզ շատ եմ սիրում»...

Մինչ բանակ մեկնելը տղայի ընտանիքը Ռուսաստանում էր ապրում, ու Բագրատն ինքն է խնդրել ծնողներին` հայրենիք վերադառնան, որպեսզի ծառայի։ «Բագրատը, չնայած այդ ժամանակ 16 տարեկան էր, բայց արդեն իր սեփական գործն ուներ Ռուսաստանում. նա խոհարարություն էր սովորել ու մտել հայկական սրճարանում աշխատելու, հետո այդ սրճարանը վարձակալությամբ վերցրել ու ինքն էր աշխատեցնում»,– պատմեց տիկին Նարինեն։

Мама героя Апрельской войны Баграта Алексаняна Нарине Асрян
© Sputnik / Asatur Yesayants
Նարինե Ասրյանը

Հայաստան վերադառնալուց հետո մեկ տարով հետաձգվել է Բագրատի` ծառայության մեկնելու ժամկետը, քանի որ տղան շատ գեր էր ու սրտի ճարպակալում ուներ։ Հաջորդ տարի, սակայն, Բագրատը դիմում է գրել ու խնդրել իրեն զորակոչել և Ղարաբաղ ուղարկել։ Տիկին Նարինեն ասում է` ամուսնու կողմը Ղարաբաղից է, և Բագրատի «արյունը քաշել» է։

Բագրատի ցանկությունը կատարվել է, ու տղան մեկնել է Արցախում ծառայելու։ «Ծառայության երրորդ օրը բոլորին համազգեստ տվեցին, բացի ինձնից։ Իմ հագով համազգեստ չկար։ Ես համարյա 10 օր քաղաքացիական հագուստով էի ման գալիս։ Հետո համազգեստ ճարեցին ու տվեցին, և արդեն ես էլ դարձա շարքային զինծառայող։ Ես այնքանով եմ հպարտ, որ զինվոր եմ, քանի որ ես իմ կամքով եմ եկել ծառայելու Ռուսաստանից»,–բանակային իր օրագրում գրել է Բագրատը։

Նա, ի դեպ, ոչ միայն օրագիր էր պահում, այլ նաև բանաստեղծություններ գրում ու երազում տպագրվելու մասին։ Բագրատի երազանքը նրա ընտանիքը կատարեց, բայց արդեն հետմահու։ 2017–ին տպագրվեց «Վերադարձ» խորագրով գիրքը, որտեղ ամփոփված են տղայի բանաստեղծությունները, հուշերը, օրագրից հատվածներ։

Книга Баграта Алексаняна Возвращение
© Sputnik / Aram Nersesyan ,
«Վերադարձ» խորագրով գիրքը

Բագրատի մայրն ասում է, որ չի ափսոսում ոչ մի բանի համար, քանի որ հասկանում է` տղան ինքն էր ընտրել իր ուղին ու որոշում կայացրել` մինչև վերջ պաշտպանվել ու դիրքը պաշտպանել։ Բագրատն անգամ վիրավոր վիճակում չի լքել դիրքը, և միայն սրտին ուղղված փամփուշտն է ամեն ինչին վերջ դրել։

Мемориальная доска на доме героя Апрельской войны Баграта Алексаняна
© Sputnik / Asatur Yesayants
Նրանց տան պատին փակցված ցուցանակը

«Ժամանակն առաջ է գնում, կյանքը շարունակվում է, բայց մեր` զոհված զինծառայողների ծնողներիս կյանքը 2016–ի ապրիլին կանգ է առել։ Հիմա ապրում ենք սովորության համաձայն։ Մյուս կողմից, փոքր տղայիս համար ավելի դժվար է հիմա` նա եղբայր ու սար է կորցրել (խմբ.` նկատի ունեի Լելե Թեփեն)»,–ասաց տիկին Նարինեն` հավելելով, որ լավ է` ապրիլյան պատերազմի դեպքերը քննող հանձնաժողով է ստեղծվել, քանի որ լիահույս է` ջրի երես շատ բաներ են դուրս գալու։

Նրանց տանը, ի դեպ, տղային նվիրված հուշ–անկյուն կա։ Այնտեղ սրբորեն պահվում է Բագրատի յուրաքանչյուր իրը, իսկ տղայի նկարի եզրին մի խաչ է կախված. Բագրատ Ալեքսանյանն անհետ կորած զինվորների շարքում է եղել, և օրեր անց, երբ հայտնաբերվել է նրա դին, ծնողները տեսել են, որ հակառակորդը ձեռք չի տվել նրա վզի խաչին...

Деревянный крестик героя Апрельской войны Баграта Алексаняна
© Sputnik / Asatur Yesayants
Նկարի եզրից կախված խաչը
373
թեգերը:
ծնունդ, Բագրատ Ալեքսանյան, Արցախ, Հայաստան
Ըստ թեմայի
Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ
Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ
Լիլիթ Մակունց. արխիվային լուսանկար

«Մեր պաշտոնը չենք օգտագործել բիզնեսներ հիմնելու ու խլելու համար»․ Մակունցը՝ Ծառուկյանին

2
(Թարմացված է 13:06 06.06.2020)
Լիլիթ Մակունցը վստահ է, որ որոշ մարդիկ կորոնավիրուսով պայմանավորված իրավիճակում փորձում են բարձրագոչ ելույթներ ունենալ, ներկայացնելով, իբր իրենք դա անում են «հանուն ժողովրդի ու պետության»։

ԵՐԵՎԱՆ, 6 հունիսի — Sputnik. ԱԺ «Իմ քայլը» խմբակցության ղեկավար Լիլիթ Մակունցը Facebook-ի իր էջում անդրադարձել է ԲՀԿ առաջնորդ Գագիկ Ծառուկյանի հայտարարություններին, այն որակելով «պատերազմական վիճակում դավադիր գործողություններ» պետության դեմ։

«Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել: Վարչապետի՝ կորոնավիրուսով վարակված լինելու հանգամանքի վրա բոլոր խաղադրույքները դնելը և կառավարող ուժի դեմ համավարակի պայմաններում կոնսոլիդացիայի կոչ անելը՝ քաղաքական ու անձնական մղումներին հագուրդ տալու նպատակով, նույնն է, ինչ պատերազմական վիճակում դավադիր գործողություններ ձեռնարկելը պետության դեմ»,-նշել է Մակունցը։

Նրա խոսքով՝ որոշ մարդիկ ստեղծված իրավիճակը փորձում են հրամցնել «երկրի մասին մտածողների, հանուն ժողովրդի ու պետության» բարձրագոչ ելույթներով:

«Այո՛, չունենք թալանի ու կոռուպցիայի մեջ թաթախված լինելու փորձ:Այո՛, չունենք ապարանքներ, և մեր պաշտոնը չենք օգտագործել բիզնեսներ հիմնելու ու խլելու համար: Այո՛, չենք կեղեքում ու չենք թալանում: Եվ, այո՛, հաղթահարելու ենք այս վիճակը»,-շեշտել է «Իմ քայլը» խմբակցության ղեկավարը:

Նա ափսոսում է, որ Բարգավաճ Հայաստան խմբակցության ղեկավարն իրեն դիտարկում է ոչ թե Հայաստանի իշխանությունների և քաղաքացիների հետ այս ծանր իրավիճակը հաղթահարողի դիրքերից, այլ որպես մերժված, բայց վերականգնվել ցանկացող քաղաքական խմբերի մի մասնիկ:

Հիշեցնենք` երեկ ԲՀԿ առաջնորդ Գագիկ Ծառուկյանն ասել էր, որ իշխանության անդամների 100 տոկոսը պետք է փոխվի, քանի որ բոլոր ոլորտները ձախողված են։

Նրա խոսքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, սակայն ոչինչ չի ստացվել։

Երեկ ՀՀ վարչապետ Նիկոլ Փաշինյանի խոսնակ Մանե Գևորգյանն արձագանքել էր «Բարգավաճ Հայաստան» կուսակցության նախագահ Գագիկ Ծառուկյանի հայտարարությանը։

Նա ասել էր, որ կարծում է` պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային:

Նրա խոսքով՝ եթե Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է։

Հիշեցնենք`հունիսի 2-ին ՀՀ քննչական կոմիտեն հայտնել էր, որ «Երևանի Արարատ կոնյակի-գինու-օղու կոմբինատի» տնօրենին մեղադրանք է առաջադրել երկու հոդվածով` ապացույցները կեղծելու և գույքային վնաս պատճառելու համար։

2
Հրդեհ Գյումրիում

Հրդեհ Գյումրու բնակելի շենքերից մեկում. հայտարարվել է բարդության «Թիվ կանչ

7
(Թարմացված է 12:56 06.06.2020)
Հրդեհաշիջման աշխատանքներին մասնակցել է ԱԻՆ փրկարարներից կազմված հինգ մարտական հաշվարկ։

ԵՐԵՎԱՆ, 6 հունիսի — Sputnik. Գյումրի քաղաքի Շիրակշին 3-րդ բանավանում հրդեհ է բռնկվել երկհարկանի բնակելի շինությունում: Վնասը միայն նյութական է։ Տեղեկությունը հաղորդում է ՀՀ ԱԻՆ մամուլի ծառայությունը։

Նշվում է, որ ահազանգն ԱԻՆ Ճգնաժամային կառավարման ազգային կենտրոնում ստացել են  ժամը 23:18-ին, դեպքի վայր է մեկնել ԱԻՆ ՓԾ Շիրակի մարզային փրկարարական վարչության հրշեջ-փրկարարական ջոկատից երեք մարտական հաշվարկ։

Հրդեհ Գյումրիում. մեկ մարդ այրվածքներով տեղափոխվել է հիվանդանոց

«Հայտարարվել է հրդեհի բարդության «Թիվ 2» կանչ․ դեպքի վայր է մեկնել ԱԻՆ ՓԾ Շիրակի մարզային փրկարարական վարչության հրշեջ-փրկարարական ջոկատից ևս երկու մարտական հաշվարկ»,–ասվում է ԱԻՆ հաղորդագրության մեջ։

Пожар в двухэтажном строении 3-го района Ширакшин (5 июня 2020). Гюмри
Հրդեհ Գյումրու երկհարկանի բնակելի շինությունում

Հրդեհը մեկուսացվել է հունիսի 6-ին, ժամը 00:31-ին, մարվել՝ 01:38-ին: Այրվել են թիվ 13 շինության (մոդուլային) բնակարաններից մեկի առաստաղը (մոտ 120 քմ), երկու սենյակ, միջանցքը (40 քմ)՝ գույքով, տանիքը (մոտ 20 քմ), և մոտ 80 քմ տարածք ջերմահարվել է։

Հրդեհ Գյումրիում. տան մանսարդային տանիքն ամբողջությամբ այրվել է

7
թեգերը:
ՀՀ արտակարգ իրավիճակների նախարարություն (ԱԻՆ), բազմաբնակարան շենք, Գյումրի, հրդեհ
թեմա:
Վթար, պատահար, սպանություն, գողություն
Ըստ թեմայի
Հայտնի է` ինչն է եղել մամուլի շենքում բռնկած հրդեհի պատճառը
Խոշոր հրդեհ Մրգաշենում. կրակը վտանգավոր չափերի է հասել
Խոշոր հրդեհ Երևանի Սիլիկյան թաղամասում․ դեպքի վայր են մեկնել 4 մարտական հաշվարկ