Գարիկ Մարտիրոսյան, Ժաննա Լևինա

Տեղդ իմացիր, հարգելի՛ Ալեքսեյ. Չումակովը և Լևինան կռվել են Գարիկ Մարտիրոսյանի համար

200
Ռուսական շոու բիզնեսի աստղերի գրառումները տակնուվրա են արել համացանցը։

ԵՐԵՎԱՆ, 11 հունիսի — Sputnik. Հայտնի հեռուստահաղորդավար Գարիկ Մարտիրոսյանի կինը` Ժաննա Լևինան, ուշադիր հետևում է իր ընկերների գրառումներին։

Մասնավորապես, նա հայտնի երգիչ և երաժիշտ Ալեքսեյ Չումակովի սթորիզում բավական տարօրինակ հարցի ոչ միանշանակ պատասխան է տեսել։ Չումակովի օգտատերերից մեկը հարցրել է նրան. «Ձեր հումորը նման է Մարտիրոսյանի կնոջ հումորին, դա վարակի՞չ է»։ Երգիչը կատակել է. «Չեմ կարծում, որ վարակիչ է։ Ուղղակի հենց ես եմ Մարտիրոսյանի կինը»։

Посмотреть эту публикацию в Instagram

Публикация от Гарик Мартиросян (@martirosian_official)

«Այսօր կարդացել եմ Ալեքսեյ Չունակովի սթորիզում հարցերի պատասխանները։ Հարգելի Ալեքսեյ, ինչպես չեք ամաչում, շփոթեցնում եք մարդկանց։ Դուք Մարտիրոսյանի կինը չեք։ Դուք, իհարկե, գեղեցիկ և խարիզմատիկ մարդ եք, բայց դա ձեզ իրավունք չի տալիս լինել Գարիկի կինը։ Դուք տոլմա պատրաստել, լվացք անել, մաքրություն անել և ծննդաբերել չեք կարող։ Իմացեք ձեր տեղը... Ձեր տեղը բեմի վրա է, իսկ իմը` գազօջախի մոտ։ Աստված չանի, որ փոխվենք տեղերով։ Չէ որ ես երգում եմ այնպես, ինչպես դուք եփում եք, իսկ դուք եփում եք այնպես, ինչպես ես երգում եմ։ Խղճացեք ձեր ունկնդիրներին», – գրել է Լևինան։

Посмотреть эту публикацию в Instagram

Публикация от Алексей Чумаков (@alexchumakoff)

Նրան անմիջապես աջակցել է ամուսինը` Գարիկ Մարտիրոսյանը։

«Տագնապալի է ոչ թե այն, որ Ալեքսեյն իրեն իմ կինն է համարում։ Տագնապալի է այն, որ դու` Ժաննա, գիտես, թե ինչպես է եփում Չումակովը», – գրել է Գարիկը։

Այդ իրարանցման գլխավոր հերոսը` Ալեքսեյ Չումակովը, նույնպես աչքի է ընկել հումորով։

«Մենք գալիս ենք ձեզ մոտ». Գարիկ Մարտիրոսյանի կինը կատակել է լվացքի փոշու գովազդի թեմայով

«Ժաննոչկա, բարև։ Տարօրինակ է, որ ձեր թվարկածի ցանկից մեր տարբերության ամենագլխավոր խնդիրը եփելն էր, այլ ոչ թե ծննդաբերելը։ Բայց մի բան կասեմ, Ժաննա, ես եղել եմ, կամ և կլինեմ Գարիկի կինը։ Հ.Գ. Ես երբեք քեզ չեմ ների տոլմայի համար։ Դա իսկապես չափազանց համեղ է», – գրել է Չումակովը։

Գրառումը մի քանի ժամում հավաքել է 100 հազարից ավելի դիտում, օգտատերերն ակտիվորեն մասնակցել են բանավեճին և մեկնաբանություններ գրում։

200
թեգերը:
Ժաննա Լևինա, Ռուսաստան, Գարիկ Մարտիրոսյան
թեմա:
Շոումեն Գարիկ Մարտիրոսյան (58)
Ըստ թեմայի
Ու՞մ է պետք մարիխուանան, երբ ցայտաղբյուրից օղի է հոսում. Ժաննա Լևինան վայելում է Երևանը
Իսկական հայուհու նման. Լևինան հայերեն է շնորհավորել մտերիմների Սուրբ ծնունդը
«Գարիկի մայրը եկել է». Ժաննա Լևինան գործի է դրել սկեսրոջը. տեսանյութ
Աղջկա ձեռքին պաշտպանիչ դիմակ է

Պարետը նոր որոշում է ստորագրել. ոմանք կարող են դիմակ չդնել

469
(Թարմացված է 13:56 08.07.2020)
Տիգրան Ավինյանի ստորագրած որոշումը ժամեր անց ուժի մեջ կմտնի։ Բաց տարածքում դիմակ չդնելու համար պարտադիր պայման է գործելու։

ԵՐԵՎԱՆ, 8 հուլիսի – Sputnik. ՀՀ պարետ Տիգրան Ավինյանը նոր որոշում է ստորագրել, ըստ որի` որոշ հիվանդություններ ունեցողները բաց տարածքում կարող են դիմակ չդնել, եթե իրենց մոտ ունենան բժշկական փաստաթուղթ։

«Խրոնիկ շնչառական հիվանդություններ՝ ասթմա, թոքերի խրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարության առկայության դեպքում, ինչպես նաև 3-րդ, 4-րդ ֆունկցիոնալ դասի խրոնիկ սրտային անբավարարություն ունեցող անձինք հանրային բաց տարածքներում կարող են չկրել դիմակ՝ պայմանով, որ վերջիններս իրենց մոտ ունենան համապատասխան հիվանդության փաստը հաստատող բժշկական փաստաթուղթ»,– նշված է որոշման մեջ:

Որոշումն ուժի մեջ է մտնում 2020 թվականի հուլիսի 8-ից՝ ժամը 23:59-ից:

Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ 

Հունիսի 6–ին ՀՀ վարչապետ Նիկոլ Փաշինյանը հայտարարեց, որ ստիպված են կրկին երկարացնել արտակարգ դրության ռեժիմը։

Երկարաձգված արտակարգ դրության պայմանները որոշակի փոփոխությունների ենթարկվեցին Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ ուժի մեջ մտան։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հուլիսի 6-ին Փաշինյանը պարետատան նիստից հետո հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

469
թեգերը:
հիվանդություն, դիմակ, Հայաստան
Ըստ թեմայի
Շուկայում պաշտպանիչ դիմակների պրոֆիցիտ կա. գործարանային դիմակը կարող է դառնալ պարտադիր
Դիմակը խանգարո՞ւմ է շուրթերը մեծացրած կամ քիթը փոքրացրած հայերին
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ
Տիգրան Ավինյան

Ո՞վ կարող է օգտվել բնակարանային աջակցության ծրագրից. Ավինյանը մանրամասներ է ներկայացրել

132
(Թարմացված է 13:51 08.07.2020)
Պետությունը որոշել է օգնել մարզերում բնակարան գնելու ցանկություն ունեցող ընտանիքիներին։ Որոշ դեպքերում նրանց նույնիսկ 4 մլն միանվագ աջակցություն կտրամադրվի։

ԵՐԵՎԱՆ, 8 հուլիսի – Sputnik. Պետությունը երեխաներ ունեցող ընտանիքների բնակարանային ապահովության աջակցության նոր ծրագրեր է իրականացնում, որոնց համար 2020 թ.-ի պետական բյուջեով ավելի քան կես միլիարդ դրամ է նախատեսվել: ՀՀ փոխվարչապետ Տիգրան Ավինյանը հուլիսի 1-ից գործող նորամուծությունները ներկայացրել է Facebook–ում։

Միանվագ դրամական աջակցություն մարզային բնակավայրերում բնակարան ձեռք բերելու համար։ Տրամադրվում է մեկ անգամ և ուղղվում է հիփոթեքային վարկի կանխավճարի ֆինանսավորմանը:

Ծրագրի շահառու եք, եթե.

  • Հիփոթեքային վարկով ձեռք եք բերել բնակելի անշարժ գույք մարզային բնակավայրերում 2020 թվականի հուլիսի 1-ին կամ դրանից հետո,
  • Ունեք առնվազն 2 անչափահաս երեխա,
  • Ձեռք բերվող բնակելի անշարժ գույքի արժեքը կազմում է առավելագույնը 30 մլն դրամ: Երրորդ և հաջորդ յուրաքանչյուր երեխայի հաշվով անշարժ գույքի առավելագույն արժեքի 30 մլն դրամին ավելանում է ևս 5 մլն դրամ:

Միանվագ դրամական աջակցության առավելագույն չափը կազմում է.

  • Մինչև 1 մլն դրամ, եթե ունեք 30-ից բարձր տարիք: Ընդ որում` երրորդ և հաջորդ յուրաքանչյուր երեխայի դեպքում աջակցությունն ավելանում է մինչև 500.000 դրամով (առավելագույն չափը 2 մլն դրամ),
  • Մինչև 2,6 մլն դրամ, եթե ունեք 30-ից ցածր տարիք:

Երեխայի ծննդով պայմանավորված միանվագ դրամական աջակցություն հիփոթեքային վարկ մարող ընտանիքներին տրամադրվում է երեխա ծնվելու դեպքում և ուղղվում է հիփոթեքային վարկի մնացորդային մայր գումարի մարմանը։

Ծրագրի շահառու եք, եթե.

  • Ձեր երեխան ծնվել է 2020 թվականի հուլիսի 1-ին կամ դրանից հետո,
  • Առնվազն 12 ամիս կատարել եք հիփոթեքային վարկի մարումներ, և վերջին 12 ամիսների ընթացքում մարված հիփոթեքային վարկի գծով ուշացված օրերի ընդհանուր քանակը չի գերազանցում 30 օրացույցային օրը,
  • Ձեռք բերվող բնակելի անշարժ գույքի արժեքը կազմում է առավելագույնը 30 մլն դրամ: Երրորդ և հաջորդ յուրաքանչյուր երեխայի հաշվով անշարժ գույքի առավելագույն արժեքի 30 մլն դրամին ավելանում է ևս 5 մլն դրամ:

Միանվագ դրամական աջակցության առավելագույն չափը կազմում է.

Մինչև 500 000 դրամ, եթե ունեք 25 տարեկանից բարձր տարիք և ծնվել է առաջին կամ երկրորդ երեխան,

  • Մինչև 2 մլն դրամ, եթե ունեք 25 տարեկանից բարձր տարիք, և ծնվել է երրորդ կամ հաջորդ երեխան,
  • Մինչև 1,5 մլն դրամ, եթե ունեք 25 տարեկանից ցածր տարիք, և ծնվել է առաջին կամ երկրորդ երեխան,
  • Մինչև 4 մլն դրամ, եթե ունեք 25 տարեկանից ցածր տարիք, և ծնվել է երրորդ կամ հաջորդ երեխան:
    երրորդ կամ հաջորդ երեխան:

Նշենք, որ հուլիսի 1-ից Հայաստանում փոփոխվել են նաև երեխայի ծննդյան միանվագ նպաստի ու խնամքի նպաստի չափերը։

Դրամական միջոցների հանգանակություն. Քիմ Քարդաշյանը որոշել է օգնել Հայաստանի փոքր բիզնեսին

132
թեգերը:
Տիգրան Ավինյան, Հայաստան
Ըստ թեմայի
Քանի՞ մարդ կկարողանա այս տարի օգտվել «Դայակ պետության աջակցությամբ» ծրագրից
Առավել տուժած ոլորտների 37 հազար աշխատակիցներ 2-րդ անգամ աջակցություն կստանան պետությունից
Աջակցության 20–րդ ծրագրից կօգտվի 37 հազար քաղաքացի. Փաշինյանն ասել է` ովքեր են նրանք
Թբիլիսի

Հայտնի է, թե որ երկրների համար է Վրաստանը բացում սահմանները

17
(Թարմացված է 14:55 08.07.2020)
Նշվում է, որ Վրաստանն առաջին հերթին սահմանները բացում է «անվտանգ» երկրների համար, որոնք այսպես կոչված «կանաչ գոտում» են։

ԵՐԵՎԱՆ, 8 հուլիսի – Sputnik. Առաջիկայում Վրաստանը սահմանները կբացի Գերմանիայի, Ֆրանսիայի, Էստոնիայի, Լատվիայի և Լիտվայի համար։ Տեղեկությունն այսօր ճեպազրույցի ժամանակ հայտնել է կառավարության մամուլի խոսնակ Իրակլի Չիկովանին։

Սակայն նշված երկրներից այցելուների համար հատուկ պայմաներ են սահմանվելու։ Վրաստանի օդականավակայան ժամանելուն պես այցելուները ստիպված կլինեն հատուկ էլեկտրոնային հարցաթերթիկ լրացնել, որտեղ կնշվի, թե որտեղ են եղել ժամանումից 14 օր առաջ։ Զբոսաշրջիկները նաև պետք է նշեն, թե Վրաստանում որտեղ են կանգ առնելու, լրացնեն հասցեն և հեռախոսահամարը։

Սակայն Չիկովանին չի ասել, թե երբ են սահմանները բացվելու։

Վրաստանի ֆինանսների նախարար Իվանե Մաչավարիանին իր հերթին նշել է, որ մյուս երկրների համար Վրաստանը սահմանները կբացի, երբ նրանք հաղթահարեն նոր տիպի SARS-CoV-2 կորոնավիրուսի համաճարակը։ Նա ընդգծել է, որ այդպիսով իշխանությունները նախատեսում են վտանգը նվազագույնի հասցնել։

Չիկովանին խոստովանում է, որ այն երկրները, որտեղից Վրաստան էր ժամանում զբոսաշրջիկների առյուծի բաժինը (Հայաստանը Վրաստան այցելողների առաջատար եռյակում է՝ խմբ․), այսօր կա՛մ համաճարակի գագաթնակետին են, կամ դեռ չեն հաղթահարել այն։

Նա ընդգծել է, որ թեև ԵՄ-ում COVID-19-ը ավելի քիչ է տարածված, դա չի բացառում ռիսկի առկայությունը։ Կարող է և այնպես պատահել, որ Վրաստան նվազագույն քանակով զբոսաշրջիկներ ժամանեն, սակայն դա բավարար լինի վիրուսի նոր ալիքի տարածման համար։

Նշենք, որ Վրաստանի տնտեսության մեջ զբոսաշրջության չափաբաժինը 10-12% է։ Ավելի վաղ ԵՄ-ն Վրաստանը ներառել էր ԵՄ անդամ չհանդիսացող 15 անվտանգ պետությունների ցանկում, որոնց համար հուլիսի 1-ից սկսած սահմանները բաց են։ Վրաստանի համար սահմանները բացել են Շվեյցարիան, Հունգարիան, Գերմանիան, Լատվիան, Ֆրանսիան, Իսպանիան, Նիդեռլանդները և Իտալիան։

Վրաստանում կորոնավիրուսից հայ է մահացել. նա Հայաստանից էր մեկնել այնտեղ

Վրաստանում կորոնավիրուսով վարակման առաջին դեպքը գրանցվել է փետրվարի 26-ին։ Հուլիսի 8-ի դրությամբ այդ երկրում COVID-19-ի հայտնաբերված դեպքերի թիվը կազմում է 963, նրանցից 841-ն արդեն առողջացել են, մահացել է 15 մարդ։

 

17
թեգերը:
Սահման, կորոնավիրուս, Հայաստան, Վրաստանի Հանրապետություն
Ըստ թեմայի
Վրաստանը պատրաստվում է բացել սահմանները, բայց ոչ բոլորի համար. Հայաստանից մարդ կընդունե՞ն
Հայաստանի և Ռուսաստանի բարեկամության խորհրդանիշները. նախագահն այցելել է պետական սահման
Սահմանամերձ Նորշենի միակ տերն ու տիրակալը Վահանդուխտ տատն է, կամ ինչո՞ւ է աղմկում գետը