Հայաստանի մէջ յունիս 20–էն կը սկսի գործել առաջին կախովի ճաշարանը

Նախաճաշ կամ ընթրիք ամպերու ներքոյ. Երեւանի մէջ կը բացուի 1-ին կախովի ճաշարանը.լուսանկարներ

167
(Թարմացված է 11:48 11.06.2019)
Սուր զգացողութիւններու սիրահարները եւ անոնք, որոնք շատոնց կ’երազէին անսովոր ընթրիքի կամ նախաճաշի մասին, կրնան այլեւս արկածներ չորոնել արտասահման երթալով: Հայաստանի մէջ կը բացուի առաջին կախովի ճաշարանը:

Լաուրա Սարգսեան, Sputnik Արմենիա

Գաւաթ մը անուշաբոյր սուրճ` ֆրանսական թխուածքով, Արարատ լերան տեսարանով, եւ այդ ամէնը երկնքի մէջ` 55 մեթր բարձրութեան վրայ. սա արդէն իրականութիւն է: Հայաստանի մէջ յունիս 20–էն կը սկսի գործել առաջին կախովի ճաշարանը:

Նման ճաշարան բանալու գաղափարը յառաջացած է երկու տարի առաջ: Այդ մասին Sputnik Արմենիայի թղթակիցին հետ զրոյցին ըսաւ Dine Sky Armenia–ի  գիծով տնօրէն Վիքթորիա Մաթեւոսեան:

Висячий ресторан в Ереване
© Sputnik / Aram Nersesyan ,
Հայաստանի մէջ յունիս 20–էն կը սկսի գործել առաջին կախովի ճաշարանը

«Ասիկա բոլորովին նոր ճաշարանային հարթակ է: Այցելուները կրնան նախաճաշել, ընթրել կամ ճաշել 55 մեթր բարձրութեան վրայ: Միաժամանակ, հիանալի տեսարան կը բացուի քաղաքին վրայ: Մուտքը տոմսերով է, անհրաժեշտ է նախօրօք ամրագրել», – ըսաւ Մաթեւոսեան:

Տոմսի արժէքին մէջ ներառուած են ուտելիքն ու ոչ ալքոհոլային խմիչքը: Նախատեսուած է օդին մէջ անցնել մէկուկէս ժամ: Ճաշարանին մէջ 22 նստատեղ կայ, աթոռները գերամուր են եւ կը պտըտին  իրենց առանցքին շուրջ: Մէկ աթոռը կրնայ դիմանալ մինչեւ 140 քկ ծանրութեան: Երեխաները նոյնպէս կրնան այցելել ճաշարան, սակայն անոնց հասակը պէտք է առնուազն 140 սմ ըլլայ: Կախովի ճաշարան չեն կրնար երթալ յղի կանայք:

Висячий ресторан в Ереване
© Sputnik / Aram Nersesyan ,
Հայաստանի մէջ յունիս 20–էն կը սկսի գործել առաջին կախովի ճաշարանը

Վերգետնեայ ճաշարանի այցելուներուն պիտի սպասարկեն երեք մատուցողներ: Մաթեւոսեան կ’ընդգծէ, որ ցանկացողները կրնան ռոմանթիկ ընթրիք կազմակերպել, ծննդեան օր նշել: Ճաշացանկին մէջ   քանի մը տեսակ տաք ճաշատեսակ, աղցաններ եւ աղանդերներ կան:

«Այցելուներն իրենք  ցուցակէն կ’ընտրեն, թէ ինչ կ’ուզեն ուտել: Հորթի միսով, հաւի միսով ճաշատեսակներ, տարատեսակ աղցաններ, չիզքէյք եւ  շարք մը աղանդերներ ունինք: Առաւօտեան կը մատուցենք աղցան, քրուասան` տարբեր մրգային միջուկներով, սուրճ, թէյ», – ըսաւ Մաթեւոսեան:

Висячий ресторан в Ереване
© Sputnik / Aram Nersesyan ,
Հայաստանի մէջ յունիս 20–էն կը սկսի գործել առաջին կախովի ճաշարանը

Ան նշեց, որ առանց նախօրօք պատուիրելու անհնար է երթալ եւ դառնալ հաստատութեան այցելու: Պատուիրելէ յետոյ պէտք է նշուած ժամէն կէս ժամ շուտ երթալ: Ճաշարանի աշխատակիցները հրահանգներ կու տան այցելուներուն, կը ծանօթացնեն անվտանգութեան կանոններուն եւ միայն յետոյ կ’ուղեկցին ճաշարան:

Գիշերը հիասքանչ տեսարան կը բացուի, տպաւորիչ է նաեւ հարթակը, որ կը լուսաւորուի ներսէն: Կախովի ճաշարանի հիմնադիրները կ’երաշխաւորեն 100 տոկոս անվտանգութիւն:

Висячий ресторан в Ереване
© Sputnik / Aram Nersesyan ,
Հայաստանի մէջ յունիս 20–էն կը սկսի գործել առաջին կախովի ճաշարանը

«Մինչեւ թոյլտուութիւն  ստանալը, փորձարկումներէ  անցած ենք քանի մը միջազգային կազմակերպութիւններու կողմէ: Մեր կռունկավարը վեց ամիս շարունակ վերապատրաստուած է ԱՄԷ–ի մէջ», – ըսաւ Մաթեւոսեան:

Անոր խօսքով` ճաշարանը եղանակի հետ կապ չունի: Այն պիտի գործէ նաեւ ձմեռը, սակայն քանի մը ամիս անց պարզ կը դառնայ, թէ ինչ ձեւաչափով:

Տուեալ պահուն մասնագէտներու խումբ մը կ’աշխատի հարթակին վրայ եւ բոլոր անհրաժեշտ աշխատանքները կը կատարէ գործարկման համար:

Висячий ресторан в Ереване
© Sputnik / Aram Nersesyan ,
Հայաստանի մէջ յունիս 20–էն կը սկսի գործել առաջին կախովի ճաշարանը
167
թեգերը:
Ռեստորան
թեմա:
Sputnik Արմենիան` արևմտահայերենով (229)
Ըստ թեմայի
Սիւնիքի մէջ ափրիկեան ժանտախտ տարածուա՞ծ է. ինչու կը սատկին Սամուէլ Ալեքսանեանի խոզերը
Հայաստանի մէջ կայ, Վրաստանի եւ Ատրպէյճանի մէջ` ոչ. չինացի զբօսաշրջիկները հիացած են հայերով
Ինչպէս Աշոտը վիեթնամցիներուն սորվեցուց տոլմա ուտել. հայկական ճաշարան Նեաչանգի մէջ