Կախովի ռեստորանը Երևանում

Նախաճաշ կամ ընթրիք ամպերի ներքո. Երևանում կբացվի առաջին կախովի ռեստորանը. լուսանկարներ

2582
(Թարմացված է 23:15 10.06.2019)
Սուր զգացողությունների սիրահարները և նրանք, ովքեր վաղուց էին երազում անսովոր ընթրիքի կամ նախաճաշի մասին, կարող են այլևս արկածներ չորոնել արտասահմանում։ Հայաստանում բացվում է առաջին կախովի ռեստորանը։

Լաուրա Սարգսյան, Sputnik Արմենիա

Մի գավաթ անուշաբույր սուրճ` ֆրանսիական թխվածքով, Արարատ լեռան ֆոնին, և այդ ամենը երկնքում` 55 մետր բարձրության վրա. սա արդեն իրականություն է։ Հայաստանում հունիսի 20–ից կսկսի գործել առաջին կախովի ռեստորանը։

Նման ռեստորան բացելու գաղափարն առաջացել է երկու տարի առաջ։ Այդ մասին Sputnik Արմենիայի թղթակցի հետ զրույցում ասաց Dine Sky Armenia–ի մարքեթինգի գծով տնօրեն Վիկտորյա Մաթևոսյանը։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում

«Սա բոլորովին նոր ռեստորանային հարթակ է։ Այցելուները կարող են նախաճաշել, ընթրել կամ ճաշել 55 մետր բարձրության վրա։ Միաժամանակ, հիանալի տեսարան է բացվում քաղաքի վրա։ Մուտքը տոմսերով է, անհրաժեշտ է նախօրոք ամրագրել», – ասաց Մաթևոսյանը։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում

Տոմսի արժեքում ներառված են ուտելիքն ու ոչ ալկոհոլային խմիչքը։ Նախատեսված է օդում անցկացնել մեկուկես ժամ։ Ռեստորանում 22 նստատեղ կա, աթոռները գերամուր են և պտտվում են իրենց առանցքի շուրջ։ Մի աթոռը կարող է դիմանալ մինչև 140 կգ ծանրության։ Երեխաները նույնպես կարող են այցելել ռեստորան, սակայն նրանց հասակը պետք է առնվազն 140 սմ լինի։ Կախովի ռեստորան չեն կարող գնալ հղի կանայք։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում

Վերգետնյա ռեստորանի այցելուներին սպասարկելու են երեք մատուցողներ։ Մաթևոսյանն ընդգծում է, որ ցանկացողները կարող են ռոմանտիկ ընթրիք կազմակերպել, ծննդյան օրը նշել։ Ճաշացանկում մի քանի տեսակ տաք ճաշատեսակ, աղցաններ և աղանդերներ կան։

Директор по маркетингу Dine Sky Armenia Виктория Матевосян
© Sputnik / Aram Nersesyan ,
Վիկտորյա Մաթևոսյանը

«Այցելուներն իրենք են ցուցակից ընտրում, թե ինչ են ուզում ուտել։ Հորթի մսով, հավի մսով ճաշատեսակներ, տարատեսակ աղցաններ, չիզքեյք և մի շարք աղանդերներ ունենք։ Առավոտյան մատուցում ենք աղցան, կրուասան` տարբեր մրգային միջուկներով, սուրճ, թեյ», – ասաց Մաթևոսյանը։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում

Նա նշեց, որ առանց նախօրոք պատվիրելու անհնար է գնալ և դառնալ հաստատության այցելու։ Պատվիրելուց հետո պետք է նշված ժամից կես ժամ շուտ գնալ։ Ռեստորանի աշխատակիցները հրահանգներ են տալիս այցելուներին, ծանոթացնում անվտանգության կանոններին և միայն հետո ուղեկցում ռեստորան։

Գիշերը հիասքանչ տեսարանից բացի, տպավորիչ է նաև հարթակը, որը լուսավորվում է ներսից։ Կախովի ռեստորանի հիմնադիրները երաշխավորում են 100 տոկոս անվտանգություն։

Висячий ресторан в Ереване
© Sputnik / Aram Nersesyan ,
Висячий ресторан в Ереване

«Մինչև լիցենզիա ստանալը, թեստավորում ենք անցել մի քանի միջազգային կազմակերպությունների կողմից։ Մեր կռունկավարը վեց ամիս շարունակ վերապատրաստվել է ԱՄԷ–ում», – ասաց Մաթևոսյանը։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում

Նրա խոսքով` ռեստորանը սեզոնային չէ։ Այն գործելու է նաև ձմռանը, սակայն մի քանի ամիս անց պարզ կդառնա, թե ինչ ձևաչափով։

Տվյալ պահին մասնագետների թիմն աշխատում է հարթակի վրա և բոլոր անհրաժեշտ միջոցառումներն անցկացնում գործարկման համար։

Висячий ресторан в Ереване
© Sputnik / Aram Nersesyan ,
Կախովի ռեստորանը Երևանում
2582
թեգերը:
Հայաստան, Ռեստորան