Հիվանդանոց

7–րդ հարկից ընկած երեխան ծայրահեղ ծանր վիճակում է

501
(Թարմացված է 15:25 10.06.2019)
Բժիշկները շարունակում են պայքարել երկու տարեկան փոքրիկի կյանքի համար, որն ընկել է բազմաբնակարան շենքի 7–րդ հարկից։

ԵՐԵՎԱՆ, 10 հունիսի — Sputnik. Բազմաբնակարան շենքի 7–րդ հարկից ընկած երկու տարեկան աղջկա վիճակը շարունակում է ծայրահեղ ծանր մնալ։ Այդ մասին Sputnik Արմենիայի թղթակցի հետ զրույցում ասաց «Սուրբ Աստվածամայր» բժշկական կենտրոնի մամուլի քարտուղար Գևորգ Դերձյանը։

Հիշեցնենք` հունիսի 7–ի երեկոյան 2 տարեկան աղջնակն ընկել էր Երևանի Ավան վարչական շրջանի Աճառյան փողոցի 18-րդ շենքի 7-րդ հարկում գտնվող իրենց բնակարանի պատուհանից:

Տուժած երեխան նախ տեղափոխվել էր «Սուրբ Գրիգոր Լուսավորիչ» բժշկական կենտրոն, ապա այնտեղից` «Սուրբ Աստվածամայր»:

«Երեխան շարունակում է մնալ ծայրահեղ ծանր վիճակում, ինչը պայմանավորված է նրա ստացած բազմաթիվ վնասվածքներով», – ասաց Դերձյանը։

Ներկա պահին նա ունի գլխուղեղի, ողնուղեղի, ողնաշարի, ինչպես նաև ներքին օրգանների վնասվածք։ Աղջիկը բժիշկների հսկողության տակ է, որոնք հնարավոր ամեն ինչ անում են` փոքրիկի կյանքը փրկելու համար։

501
թեգերը:
երեխա, Վիրավոր, հիվանդանոց, Երևան
թեմա:
Վթար, պատահար, սպանություն, գողություն (1263)
Ըստ թեմայի
Արտառոց դեպք Երևանում. տղամարդը դստեր ներկայությամբ սպառնացել է ինքնահրկիզվել
Մանվել Գրիգորյանը 16-17 ժամ ինսուլին է ստանում. նա դեռ վերակենդանացման բաժնում է. պաշտպան
Ոստիկանությունը պարզաբանել է` ինչու Խաչատուրովին չեն թույլատրել դուրս գալ երկրից