Կոսմետիկ վիրահատություն

Գեղեցկությունը զոհեր է պահանջում. չափանիշներ, որոնք մահվան դուռ էին տանում աղջիկներին

292
(Թարմացված է 19:24 09.06.2019)
Երբեմն XXI դարը խելահեղ է թվում գեղեցկության չափանիշների տեսանկյունից։ Եթե դուք կարծում եք, որ սիլիկոնե իմպլանտը կրծքում, գիալուրոնը շրթունքներում և բոտոքսը շատ ցավոտ են ու անբնական, ապա ուղղակի թերթեք պատմության էջերը։

Լիլիթ Հարությունյան, Sputnik Արմենիա

«Լոտոսային» ոտքեր

Առաջին անգամ նման բան տեսա 15 տարի առաջ  Մոսկվայի թանգարաններից մեկում։ Զբոսավարը մեր ուշադրությունը հրավիրեց կանանց նրբագեղ փոքրիկ երկարաճիտ կոշիկներին։ Պատկերացրեք մեր զարմանքը, երբ նա հաղորդեց, որ այդ կոշիկներն իրական կանայք են կրել։ Ինչպես պարզվեց, հին Չինաստանում անչափ գեղեցիկ են համարվել փոքրիկ ոտքերը, որոնք կոչել են «լոտոսային»։ Աղջիկների ոտքերի բոլոր մատները, բացի բութ մատից, կապել են և ստիպել քայլել փոքր չափսի կոշիկներով, ինչի հետևանքով ոտնաթաթերը դեֆորմացվել են՝ երբեմն զրկելով ապագայում քայլելու հնարավորությունից։

«Այո, նման ոտքերով աղջիկներին ներկայացրել են «սկուտեղի վրա», նստած, որպեսզի տղամարդիկ հիանան նրանցով», - բացատրեց զբոսավարը։

Համարվել է, որ բարձրաշխարհիկ հասարակությանը պատկանողը տիկինը չպետք է քայլի։ Առողջ ոտքերն ասոցացվել են գյուղացիական աշխատանքի և ցածր ծագման հետ։ Ոտնաթաթի չափից կախված է եղել հարսնացուի հեղինակությունը։

Сравнение нормальной женской ноги (слева) и перевязанной ноги (фото 1902 года)
«Լոտոսային» ոտքեր

Բարակ մեջք

XVIII դարում ամբողջ Եվրոպայում նորաձև է եղել չափազանց բարակ մեջքը. այն սարսափելի հետևանքներ է ունեցել կանանց համար։ Կանանց կազմվածքը պետք է հիշեցներ ավազի ժամացույց, ուստի իրանը ձիգ կապել են կորսետով։ Այդ կոշտ առարկան երկարատև կրելու հետևանքով գեղեցիկ սեռի ներկայացուցիչների ներքին օրգանները սեղմվում էին և տեղաշարժվում։ Ռեկորդակիրներ են եղել, որոնց մեջքի բարակությունը կազմել է ընդամենը 34-37 սմ։ Սակայն հայտնի է ողբերգական դեպք, երբ 23-ամյա աղջիկը պարահանդեսից հետո մահացել է, որովհետև կորսետի սեղմած երեք կողերը մտել են երիկամի մեջ։

«Осиная» талия
Բարակիրան

Փոքր կուրծք

Միջնադարյան ասկետիզմն իր հետքն է թողել գեղեցկության ընկալման վրա։ Ելնելով քրիստոնեական աշխարհայացքից և Աստվածամոր պաշտամունքից՝ գեղեցկության կանոն է համարվել փոքր, գրեթե հարթ կուրծքը։ Նորաձև տեսք ունենալու ձգտման մեջ աղջիկները մարմնի այդ հատվածը ձիգ փաթաթում էին մետաղական թիթեղներով։ Հաճախ նման կերպ էին վարվում դեռ անչափահաս աղջիկների հետ, որպեսզի կանխեն կաթնագեղձերի զարգացումը։

Портрет Доньи Инес де Суньиги, Графини де Монтеррей (Хуан Карреньо де Миранда, XVII век)
Փոքր կուրծք

Մեծ որովայն

Մինչ ժամանակակից աղջիկները տանջվում են մարզասրահում՝ պիրկ որովայն ունենալու համար, XIII-XVI դարերի կանայք, կեցվածք ընդունելով նկարիչների համար, հաճախ բարձ են դրել փորի տակ, որպեսզի այն ավելի մեծ երևար։ Այո, մեծ, երբեմն կախ ընկած փորը Եվրոպայում համարվել է գեղեցկության հիմնարար չափանիշներից մեկը, ինչը, ի դեպ, լիովին տրամաբանական է, չէ՞ որ կնոջ գլխավոր կոչումը երեխա ունենալն է։ Ուստի գեղեցիկ սեռը պահպանում էր շարունակական հղիության վիճակը։

Портрет четы Арнольфини (Ян ван Эйк, 1434 год)
Մեծ որովայն

Այնու կանանց դաջվածք-ժպիտները

Դուք իսկապե՞ս կարծում եք, որ շրթունքների մեջ գիալուրոնային թթու լցնելը դաժան է և անբնական։ Ասենք, որ դա ընդամենը չարաճճիություն է նրա համեմատ, ինչ արել են այնու ցեղի կանայք հնում։

Յոթ տարեկանից Ճապոնական կղզիներում ապրող այս խեղճ աղջիկներին ժպիտ են «նկարել»։ Դա արել է տատիկը կամ մայրը։ Երեխայի շրթունքների մոտ կտրվածքներ են արել և մեջը շատ տաք մոխիր լցրել։ Դրանից հետո շրթունքներն այրվել են։

Портрет женщины айну
Այնու կանանց դաջվածք-ժպիտները

Շատերի մոտ տենդ է սկսվել, հայտնվել են մեծ այտուցներ։ Սակայն ոչ ոք չէր կարող խուսափել այդ ճակատագրից, քանի որ համարվում էր՝ առանց դաջվածքի աղջիկը չի կարող ամուսնանալ, իսկ մահից հետո՝ հանգիստ գտնել հանդերձյալ աշխարհում։ Ամեն ինչ այդքան լուրջ էր։ Ջոկերի այդ ժպիտի վրա աշխատել են տարիներ շարունակ, իսկ եզրափակիչ փուլը կատարվել է ամուսնության օրը։ Զարմանալի է, որ նման նորաձևությունը պահպանվել է մինչև XX դարի վերջը։

292
թեգերը:
Կին, Գեղեցկության մրցույթ, Գեղեցկուհի
Ըստ թեմայի
Հայտնի է «Միսս Ռուսաստան 2019» մրցույթի հաղթողի անունը. լուսանկարներ
Թուրքիայում «Մինի միսս Տիեզերք» մրցույթում 7–ամյա հայուհի է հաղթել
Հայաստանը ներկայացնող Անգելինա Չաբանյանը հաղթել է Miss USSR UK գեղեցկության մրցույթում
Գագիկ Ծառուկյան

Կրկին քննվելու է Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը

10
(Թարմացված է 17:36 22.09.2020)
Գոռ Աբրահամյանի խոսքով` անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները։

ԵՐԵՎԱՆ, 22 սեպտեմբերի - Sputnik. ՀՀ գլխավոր դատախազի խորհրդական Գոռ Աբրահամյանը պարզաբանել է, որ ԲՀԿ ղեկավար Գագիկ Ծառուկյանի նկատմամբ կալանքը որպես խափանման միջոց ընտրելու որևէ նոր միջնորդություն չի ներկայացվել դատարան: Աբրահամյանը Facebook-ի իր էջում պարզաբանում է տարածել` անդրադառնալով շրջանառվող լուրերին։

«Վաղը կայանալիք դատական նիստում քննարկվելու է այն միջնորդությունը, որի կապակցությամբ առաջին ատյանի դատարանի կայացրած մերժման որոշումը դատախազության կողմից բողոքարկվել էր ՀՀ վերաքննիչ դատարան։ Վերաքննիչն էլ որոշել էր դատախազության բողոքը մասնակիորեն բավարարելու, առաջին ատյանի դատարանի դատական ակտը բեկանելու և նույն դատարան նոր քննության ուղարկել»,–գրել է նա։

Աբրահամյանի խոսքով` խնդիրն այն է, որ ՀՀ վճռաբեկ դատարանը կայացրել է վերաքննիչ դատարանի վերոնշյալ որոշման դեմ դատախազության և պաշտպանության կողմի ներկայացրած բողոքները վարույթ չընդունելու մասին որոշում։ Այսինքն` ուժի մեջ է մտել Վերաքննիչ դատարանի որոշումը, որի հիմքով էլ Առաջին ատյանի դատարանը միջնորդությունը կրկին քննելու համար դատական նիստ է նշանակել:

Այս իմաստով, ըստ Աբրահամյանի, ուղղակի անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները, ինչպես նաև բացարձակապես իրավական հարթությունում գտնվող գործընթացը քաղաքականացնելու և ինչ-որ քաղաքական հայտարարությունների լույսի ներքո ներկայացնելու մանիպուլյատիվ փորձերը:

«Կանխելու եմ հակառուսական տրամադրությունները»․ Գագիկ Ծառուկյան

Հիշեցնենք, որ Երևանի ընդհանուր իրավասության դատարանի Կենտրոն նստավայրում վաղը ժամը 11։00-ին քննվելու է ԲՀԿ առաջնորդ Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը։ Ավելի վաղ լուրեր էին շրջանառվել, որ առաջիկա երկու օրերին Ծառուկյանը, ամենայն հավանականությամբ, կկալանավորվի:

Ավելի վաղ՝ հունիսի 14-ին, ԱԱԾ-ն խուզարկություն էր իրականացրել Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 30-ին պարզվեց, որ Ծառուկյանը կորոնավիրուսով է վարակվել։ Վերջին դատական նիստերին նա չէր գալիս։

10
թեգերը:
ՀՀ ազգային անվտանգության ծառայություն. ԱԱԾ, կալանք, դատ, Գագիկ Ծառուկյան
թեմա:
Գագիկ Ծառուկյանի շուրջ ծավալված իրադարձությունները
Ըստ թեմայի
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
ՊԵԿ-ում Ծառուկյանին առնչվող նոր քրեական գործ է հարուցվել
Դատախազությունը բողոքարկել է Միքայել Մինասյանի կալանավորումը մերժելու որոշումը
Օդնոկլասնիկ

Վանաձորցի կինը «Օդնոկլասնիկիի» միջոցով ծանոթացել է մի տղամարդու հետ ու կողոպտել նրան

25
(Թարմացված է 16:34 22.09.2020)
Կինը հանդիպման հրավիրած տղամարդուն սպառնացել է բռնություն գործադրել` պահանջելով 1 միլիոն դրամից ավելի գումար։

ԵՐԵՎԱՆ, 22 սեպտեմբերի - Sputnik. ՀՀ քննչական կոմիտեն տեղեկացնում է, որ վանաձորցի 30-ամյա մի կին «Օդնոկլասնիկի» կայքի միջոցով ծանոթացել է համաքաղաքացի 28-ամյա տղամարդու հետ, որից հետո փորձել է նրանից գումար շորթել։

«Մարտի 27-ին՝ ժամը 16:00-ի սահմաններում, 30-ամյա կինը տղամարդուն հանդիպման է հրավիրել վարձակալած բնակարան։ Այնտեղ կինը մեկ այլ անձի հետ նախնական համաձայնությամբ` դանակն օդում թափահարելով խուճապ ու վախի զգացում առաջացնելով, ինչպես նաև արատավորող տեղեկություններ և տեսագրություն հրապարակելու սպառնալիքով, 28-ամյա տղամարդուց պահանջել են մաս-մաս իրենց վճարել 1.257.000 դրամ»,–նշված է ՔԿ–ի հաղորդագրության մեջ։

Որպես երաշխիք՝ տղամարդուց վերցրել են նրա նույնականացման քարտը և ծառայողական վկայականը:

Բացի այդ, պարզվել է նաև, որ, նախնական համաձայնությամբ Վանաձորի բնակչուհին և ինքնությունը չպարզված անձը բացահայտ հափշտակել են տուժողի մոտ առկա կանխիկ գումարը:

Քննությամբ ձեռք բերված բավարար ապացույցների համակցությամբ՝ Վանաձոր քաղաքի 30-ամյա բնակչուհուն մեղադրանք է առաջադրվել՝ ՀՀ քրեական օրենսգրքի 182-րդ հոդվածի (շորթումը) 2-րդ մասի 1-ին, 2-րդ և 3.1-րդ կետերով և 176-րդ հոդվածի (կողոպուտը) 2-րդ մասի 1-ին կետով:

«Բյութի օֆ Արմենիայից» տուժածները կարող են դիմել Հայաստանի քննչական կոմիտե

Վերջինիս մասով հայտարարվել է նախաքննության ավարտի մասին, և քրեական գործը, մեղադրական եզրակացությամբ, ուղարկվել է դատարան:

Ձեռնարկվում են միջոցառումներ՝ կնոջ հետ համագործակցած անձի ինքնությունը պարզելու, նրան հայտնաբերելու և վարույթն իրականացնող մարմնին ներկայացնելու ուղղությամբ:

25
թեգերը:
ՀՀ Ոստիկանություն, գողություն, Քննչական կոմիտե
Ըստ թեմայի
Ոստիկանությունը տեսանյութ է հրապարակել որդու կողմից հորը պատահաբար սպանելու դեպքի վայրից
Երևանում գողություն կատարած 56-ամյա կինը բերման է ենթարկվել
Գողություն Երևանում. թալանել են «Մխիթար Սեբաստացի» կրթահամալիրը
Բանալի

Դատարանը որոշել է կալանավորել Միքայել Մինասյանի մտերիմներից մեկին. նոր փաստեր

0
(Թարմացված է 18:02 22.09.2020)
ՊԵԿ քննչական մարմնի միջնորդությամբ կալանավորման ներկայացված անձը հանդիսացել է Միքայել Մինասյանին պատկանող կազմակերպությունների փաստացի ղեկավարը։

ԵՐԵՎԱՆ, 22 սեպտեմբերի - Sputnik. Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանից բացի, Երևանի ընդհանուր իրավասության դատարանն այսօր բավարարվել է նաև նրա մտերիմ անձանցից Լեոնիդ Արևշատյանի նկատմամբ կալանավորումը որպես խափանման միջոց կիրառելու վերաբերյալ միջնորդությունը։

Այս մասին ի հավելումն մամուլում արդեն հայտնած տեղեկությունների՝ հայտնում են ՀՀ պետեկամուտների կոմիտեից։

Ըստ ՊԵԿ հաղորդագրության՝ քրեական գործով պարզվել և հիմնավորվել է, որ հանրորեն վտանգավոր որոշակի արարքներ Միքայել Մինասյանը կատարել է իր մտերիմ անձանցից Լեոնիդ Էդուարդի Արևշատյանի օժանդակությամբ, որը հանդիսացել է Մինասյանին պատկանող կազմակերպությունների փաստացի ղեկավարն ու դրանց գործունեության կոորդինատորը:

Արևշատյանը քրեական գործի նախաքննության ընթացքում որպես մեղադրյալ է ներգրավվել ՀՀ քրեական օրենսգրքի 205-րդ հոդվածի 2-րդ (հարկը, տուրքը կամ պարտադիր այլ վճարը չվճարելը), 190-րդ հոդվածի 3-րդ մասի 1-ին կետով (փողերի լվացումը), 310-րդ (պաշտոնատար անձի կողմից օրենքին հակառակ ձեռնարկատիրական գործունեությամբ զբաղվելը) և 310.1-րդ հոդվածի 1-ին մասով (ապօրինի հարստանալը), ինչպես նաև 314.3-րդ հոդվածի 2-րդ մասով (պաշտոնեական կեղծիք կատարելը)։

Քրեական գործի նախաքննությունը շարունակվում է:

Միքայել Մինասյանին կալանավորելու միջնորդությունը մի դատավորից մյուսի ձեռքն է անցնում

Հիշեցնենք` Միքայել Մինասյանը որպես մեղադրյալ էր ներգրավվել ՊԵԿ–ի քննչական վարչությունում քննվող քրեական գործի շրջանակում միանգամից 3 հոդվածով`ապօրինի հարստացման, հայտարարագրում կեղծ տվյալներ ներկայացնելու և հանցավոր ճանապարհով ձեռք բերված գույքն օրինականացնելու։

Երևանի ընդհանուր իրավասության դատարանն այսօր բավարարել է Մինասյանին կալանավորելու մասին քննիչի միջնորդությունը։

Մինասյանը գտնվում է հետախուզման մեջ։

0
թեգերը:
Պետական եկամուտների կոմիտե (ՊԵԿ), կալանավորել, Միքայել Մինասյան, Հայաստան
Ըստ թեմայի
«Ես պատրաստ եմ ժառանգել Սերժ Սարգսյանի մեղքերը»․ Միքայել Մինասյան
Միքայել Մինասյանի համակարգչի վերականգնված ֆայլերը կուսումնասիրվեն. մեղադրանքը հիմք է
Միքայել Մինասյանն առաջարկում է վարչապետի պաշտոնից հեռացնել Նիկոլ Փաշինյանին
Միքայել Մինասյանի մեղադրանքն ավելացվել է նոր բացահայտումներով. «Սպայկան» և Ռոզա Ստեփանյանը