Արսեն Թորոսյան. ՀՀ առողջապահության նախարար

Աշխատավարձերը 2020թ–ին կբարձրանան նաև հիվանդանոցներում. առողջապահության նախարար

97
Պոլիկլինիկաների աշխատակիցների աշխատավարձերն արդեն բարձրացրել են 2018թ–ի օգոստոսին, իսկ մեկ տարի անց ցանկանում են բարձրացնել նաև Հայաստանի բոլոր հիվանդանոցներում։

ԵՐԵՎԱՆ, 29 մայիսի — Sputnik. 2020թ–ին Հայաստանի հիվանդանոցներում նկատվում է աշխատավարձերի զգալի աճ։ Այդ մասին Հայաստանի խորհրդարանում կառավարական ժամի ընթացքում հայտարարեց առողջապահության նախարար Արսեն Թորոսյանը։

2018թ–ի օգոստոսից պոլիկլինիկաներում աշխատավարձերը բարձրացել են 15 տոկոսով։ Բարձրացումը վերաբերել է Հայաստանի մոտ 10 հազար բուժաշխատողների։

Հիվանդանոցներում աշխատավարձը հաշվվում է ոչ թե կոշտ նորմատիվով, այլ մի քիչ այլ կերպ, հիշեցրեց նախարարը։

Պետպատվերի եկամուտներից հիվանդանոցը պետք է որոշակի տոկոս հատկացնի աշխատավարձային հիմնադրամին։ Բայց յուրաքանչյուր հիվանդանոցի ղեկավարություն ինքն է որոշում, թե ում և ինչքան աշխատավարձ տա (այդ թվում` մասնավոր ծառայությունների հաշվին)։

Հաշվի առնելով, որ համակարգում աճում է վճարային ծառայությունների տեսակարար կշիռը, պետք է աճ լինի նաև աշխատավարձերում։ Նախարարն առաջարկում է ստուգել հիվանդանոցների բյուջեն` պարզելու համար, թե որքանով կարելի է բարձրացնել աշխատողների աշխատավարձերը, եթե բարձրանում է վճարովի ծառայությունների գինը։

Բացի այդ, գալիք տարում նախատեսվում է ավելացնել առողջապահության բյուջետային ծախսերը: Նոր միջոցների մի մասը կգնա նաև աշխատավարձերը բարձրացնելուն հատկապես հիվանդանոցային օղակի համար (քանի որ պոլիկլինիկաներում աշխատավարձերն արդեն բարձրացել են)։

Նշենք, որ Հայաստանի ազգային վիճակագրական ծառայության տվյալներով առողջապահության և սոցիալական ապահովման ոլորտներում 2019թ–ի առաջին կիսամյակում միջին աշխատավարձը կազմել է 159 հազար դրամ, այսինքն հարկերը հանած` մոտ 122 հազար դրամ։

97
թեգերը:
Արսեն Թորոսյան, ՀՀ Առողջապահության նախարարություն
Ըստ թեմայի
Ուրախ եմ, որ Սանասարյանը քննությանը տրամադրել է իմ ու իր նամակագրությունը. Արսեն Թորոսյան
Շարունակելու ենք փրկել կյանքեր՝ անկախ «Գարդասիլի» դեմ անհիմն մեղադրանքներից. նախարար
Ի՞նչ իրավիճակ է երկրում մայրական և մանկական մահացության առումով. պատասխանում է նախարարը
Փաշինյանի կառավարության անդամներից քանի՞սն են ծխում. նախարարը հստակ թվեր է նշում
Արցախյան պատերազմում անհետ կորածների հետքերը հնարավոր կլինի գտնել. Հայաստանը նոր սարք ունի