ՀԱյկուհի Մաթևոսյան

Գեղեցկուհի Հայկուհի Մաթևոսյանը պատասխանում է բոլոր քննադատություններին

694
(Թարմացված է 21:59 30.05.2019)
Ազգային գեղեցկության մրցույթ 2019 հաղթող Հայկուհի Մաթևոսյանը պատասխանել է սոցցանցերում իրեն վիրավորողներին։

ԵՐԵՎԱՆ, 29 մայիսի — Sputnik. Հայաստանի գեղեցկուհի 2019 Հայկուհի Մաթևոսյանը Sputnik Արմենիա մամուլի կենտրոնում հրավիրված ասուլիսի ժամանակ պարզաբանեց, որ իր, մեղմ ասած, անհաջող պատասխանն այն մասին, թե մեկ կիլոգրամ բամբակն է ավելի ծանր, թե մեկ կիլոգրամ երկաթը, հումորային է եղել։

Miss Armenia - 2019 Айкуи Матевосян
© Sputnik / Aram Nersesyan ,
Հայկուհի Մաթևոսյան

Երևանում մայիսի 11-ին անցկացված գեղեցկության մրցույթից հետո, Մաթևոսյանին խիստ քննադատության են ենթարկել։ Տարբեր կարծիքներ են հնչել, այդ թվում վիրավորական բնույթի, ինչպես նրա արտաքինի, այնպես էլ ինտելեկտի մասին։ Սոցցանցերում և ԶԼՄ–ներում տարածվում էր նաև երկու տարվա վաղեմություն ունեցող մի տեսանյութ, որում Մաթևոսյանը Miss Armenia 2017 գեղեցկության մրցույթից հետո պատասխանում է բամբակի և երկաթի մասին չարաբաստիկ հարցին։

«Դա 2017 թվականին էր, Miss Armenia մրցույթին մասնակցելուց հետո։ Հարցերը հումորային էին, և ես էլ որոշեցի հումորով պատասխանել դրանց։ Եվ նույնիսկ հաստատեցի, որ մեկ կիլոգրամ երկաթն ավելի ծանր է, քան մեկ կիլոգրամ բամբակը։ Ավելի ուշ ինքս էի ծիծաղում իմ պատասխանի վրա, ցույց տալիս ընկերներիս։ Սակայն այսպիսի քննադատություն և նման արձագանք երկու տարի անց չէի սպասում», – ասաց Մաթևոսյանը։

Նա նշեց, որ իրեն ճանաչող մարդիկ հասկանում են, որ դա պարզապես հումոր է եղել և ոչ մի կապ չունի իր ինտելեկտի հետ։

Մյուս հարցը, որն այդքան հետաքրքրում է հանրությանը, այն է, թե որքանով է բնական նրա գեղեցկությունը։ Աղջիկը խոստովանել է, որ շուրթերը չի մեծացրել, սակայն վիրահատել է քթի միջնապատը։

Այն հարցին, ինչպես է նրան հաջողվում պահպանել գեղեցիկ կազմվածքը, Հայկուհին պատասխանել է, որ դա գենետիկ է։ Պարզվում է`  աղջիկն ուտում է օրվա ցանկացած ժամի և որևէ բանում իրեն չի սահմանափակում։ Սակայն ֆիզիկական վարժությունները չի անտեսում. նա կանոնավոր կերպով մարզասրահ է այցելում։

Հայկուհին Երևանի պետական համալսարանի ուսանողուհի է, ապագայում ցանկանում է լավ փաստաբան դառնալ։

Մամուլի ասուլիսին ներկա էր նաև գեղեցկության ազգային մրցույթի վիցե  միսս, ԵՊՀ շրջանավարտ (արևելագիտության ֆակուլտետ) Էմմանուելա Գրիգորյանը։ Ապագայում նա ուզում է հոգեբան դառնալ, որպեսզի օգնի մարդկանց գտնել սեփական «ես»–ը և վստահություն ձեռք բերել։

Вице-мисс национального конкурса красоты Эммануэла Григорян
© Sputnik / Aram Nersesyan ,
Էմմանուելա Գրիգորյանը

«Ուզում եմ մարդկանց օգտակար լինեմ, ինձնից հետո որևէ լավ հետք թողնեմ։ Ուզում եմ օգնել հատկապես հաշմանդամություն ունեցող մարդկանց, որ նրանք կրկին սեփական ուժերի հանդեպ հավատ ձեռք բերել», – ասաց Գրիգորյանը։

Էմմանուելան խոստովանեց` սրտնեղել է, որ երկրի առաջին գեղեցկուհու տիտղոսն ինքը չի վաստակել, սակայն երախտապարտ է ձեռք բերված փորձի համար։

«Սա նվազագույն գումարն է, որոշակի բաներ արվել են բարտերային հիմունքներով», – ասաց Դանիելյանը։

Նա ընդգծեց, որ կանի ամեն ինչ, որպեսզի մրցույթն ամենամյա լինի և ավելի մասշտաբային դառնա։

Вице-мисс национального конкурса красоты Эммануэла Григорян
© Sputnik / Aram Nersesyan ,
Էմմանուելա Գրիգորյանը

Նշենք, որ գեղեցկության ազգային մրցույթին կարող են մասնակցել 168 սմ–ից բարձր հասակ ունեցող 17-27 տարեկան աղջիկները, որոնց կառուցվածքը մոտ է 90-60-90 պարամետրերին և որոնք պլաստիկ վիրահատական միջամտությունների չեն ենթարկվել։

Այժմ կազմակերպիչները բանակցում են, որպեսզի Հայկուհին Հայաստանը ներկայացնի նաև այլ միջազգային մրցույթներին։

694
թեգերը:
Գեղեցկության մրցույթ, Գեղեցկուհի, Հայաստան
Ըստ թեմայի
Ֆիլիպինցի գեղեցկուհին «Միսս Տիեզերք» է դարձել
Հայտնի է «Միսս Ռուսաստան 2019» մրցույթի հաղթողի անունը. լուսանկարներ
Երևանում ընտրեցին Հայաստանի ամենագեղեցիկ աղջկան. ո՞վ է նա
Բռնություն

Մանկատան երեխաներին ծեծել են փայտով, զրկել հիգիենայի միջոցներից. մանրամասներ

2
(Թարմացված է 18:21 22.09.2020)
Ոստիկանությունը պարզել է, որ մանկատան աշխատակիցները տարբեր պատրվակներով խփել են անչափահասներին, քաշել մազերը։

ԵՐԵՎԱՆ, 22 սեպտեմբերի — Sputnik. Ոստիկանությունը մանրամասներ է հայտնել `«Մանկան տուն» մանկատան երեխաներին ծեծելու առնչությամբ հարուցված քրգործի վերաբերյալ` տեղեկացնելով, որ երեխաները տևական ժամանակ զրկված են եղել կեցության նվազագույն պայմաններից։

«Պարզվել է, որ երեխաները զրկված են եղել անձնական հիգիենայի պահպանման միջոցներից: Բացի այդ, մանկատան աշխատակիցները տարբեր պատրվակներով փայտով, ձեռքերով խփել են անչափահասներին, քաշել մազերը` նրանց պատճառելով ֆիզիկական ցավ ու հոգեկան տառապանք»,–նշված է հաղորդագրության մեջ։

Հիշեցնենք, որ քննչական կոմիտեն տեղեկացրել էր`«Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

Ինչ վիճակում են Գյումրու «Երեխաների տուն» մանկատան երեխաները

2
թեգերը:
ՀՀ Ոստիկանություն, ծեծ, երեխա, մանկատուն
Ըստ թեմայի
Ինչու են մանկատան շրջանավարտներն անհավասար իրավիճակում հայտնվել. Բաթոյանի մեկնաբանությունը
Մանկատան ևս 24 շրջանավարտ բնակարանի գնման իրավունք կստանան. նրանց համար բացառություն արվեց
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին
Գագիկ Ծառուկյան

Կրկին քննվելու է Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը

13
(Թարմացված է 17:36 22.09.2020)
Գոռ Աբրահամյանի խոսքով` անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները։

ԵՐԵՎԱՆ, 22 սեպտեմբերի - Sputnik. ՀՀ գլխավոր դատախազի խորհրդական Գոռ Աբրահամյանը պարզաբանել է, որ ԲՀԿ ղեկավար Գագիկ Ծառուկյանի նկատմամբ կալանքը որպես խափանման միջոց ընտրելու որևէ նոր միջնորդություն չի ներկայացվել դատարան: Աբրահամյանը Facebook-ի իր էջում պարզաբանում է տարածել` անդրադառնալով շրջանառվող լուրերին։

«Վաղը կայանալիք դատական նիստում քննարկվելու է այն միջնորդությունը, որի կապակցությամբ առաջին ատյանի դատարանի կայացրած մերժման որոշումը դատախազության կողմից բողոքարկվել էր ՀՀ վերաքննիչ դատարան։ Վերաքննիչն էլ որոշել էր դատախազության բողոքը մասնակիորեն բավարարելու, առաջին ատյանի դատարանի դատական ակտը բեկանելու և նույն դատարան նոր քննության ուղարկել»,–գրել է նա։

Աբրահամյանի խոսքով` խնդիրն այն է, որ ՀՀ վճռաբեկ դատարանը կայացրել է վերաքննիչ դատարանի վերոնշյալ որոշման դեմ դատախազության և պաշտպանության կողմի ներկայացրած բողոքները վարույթ չընդունելու մասին որոշում։ Այսինքն` ուժի մեջ է մտել Վերաքննիչ դատարանի որոշումը, որի հիմքով էլ Առաջին ատյանի դատարանը միջնորդությունը կրկին քննելու համար դատական նիստ է նշանակել:

Այս իմաստով, ըստ Աբրահամյանի, ուղղակի անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները, ինչպես նաև բացարձակապես իրավական հարթությունում գտնվող գործընթացը քաղաքականացնելու և ինչ-որ քաղաքական հայտարարությունների լույսի ներքո ներկայացնելու մանիպուլյատիվ փորձերը:

«Կանխելու եմ հակառուսական տրամադրությունները»․ Գագիկ Ծառուկյան

Հիշեցնենք, որ Երևանի ընդհանուր իրավասության դատարանի Կենտրոն նստավայրում վաղը ժամը 11։00-ին քննվելու է ԲՀԿ առաջնորդ Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը։ Ավելի վաղ լուրեր էին շրջանառվել, որ առաջիկա երկու օրերին Ծառուկյանը, ամենայն հավանականությամբ, կկալանավորվի:

Ավելի վաղ՝ հունիսի 14-ին, ԱԱԾ-ն խուզարկություն էր իրականացրել Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 30-ին պարզվեց, որ Ծառուկյանը կորոնավիրուսով է վարակվել։ Վերջին դատական նիստերին նա չէր գալիս։

13
թեգերը:
ՀՀ ազգային անվտանգության ծառայություն. ԱԱԾ, կալանք, դատ, Գագիկ Ծառուկյան
թեմա:
Գագիկ Ծառուկյանի շուրջ ծավալված իրադարձությունները
Ըստ թեմայի
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
ՊԵԿ-ում Ծառուկյանին առնչվող նոր քրեական գործ է հարուցվել
Դատախազությունը բողոքարկել է Միքայել Մինասյանի կալանավորումը մերժելու որոշումը
Լևոն Արոնյան

Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ

0
Նշենք, որ գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

ԵՐԵՎԱՆ, 22 սեպտեմբերի - Sputnik. Շախմատիստներ Լևոն Արոնյանն ու Սերգեյ Մովսեսյանը «Բադեն-Բադենի» կազմում դարձել են Գերմանիայի թիմային առաջնության` Բունդեսլիգայի չեմպիոն, տեղեկացնում է armsport-ը։։

Մրցաշարն անցկացվաել է սեպտեմբերի 16-20-ը Կարլսրուե քաղաքում։ «Բադեն-Բադենը» 7 տուրերում հաղթեց բոլոր մրցակիցներին։

Արոնյանը 4 պարտիա անցկացրեց մրցաշարում և բոլոր 4 պարտիաներն էլ ավարտեց ոչ-ոքի: Մովսեսյանը 3 պարտիա անցկացրեց՝ բոլորն ավարտելով հաղթանակով:

Գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

0