ԵՐԵՎԱՆ, 25 մայիսի — Sputnik. Երգիծաբան, ՈւՀԱ–ի «Նոր հայեր» թիմի նախկին ավագ Գարիկ Մարտիրոսյանը լուսանկար է հրապարակել հեռավոր անցյալից։
«Մոտավորապես 1997 թվական։ «Նոր հայերն» ու «Մախաչկալայի թափառաշրջիկները» («Махачкалинские Бродяги»)Սոչիում։ Գտա՞ք ինձ։ Այլապես ես այդ խառնաշփոթի մեջ շատերին եմ նման #квн #махачкалинскиебродяги #новыеармяне», – լուսանկարին կից գրել է Մարտիրոսյանը։
Посмотреть эту публикацию в Instagram
Լուսանկարում Գարիկից բացի շատ են հայտնի դեմքերը, ինչպես հայկական թիմից, այնպես էլ Մախաչկալայի։
Հետաքրքիր է, որ առաջիններից մեկը, որ մեկնաբանություն է գրել, երգիչ Սոսո Պավլիաշվիլին է։
Գարիկ Մարտիրոսյանի կնոջը հրավիրել են Սոչի առանց ամուսնու
«Սոչիում հայտնի հավաք էր... Հարավն էին կիսում... Գնչուական հարսանիք», – գրել է երգիչը։
Ավելի վաղ Մարտիրոսյանը` ՈւՀԱ–ի եզրափակչից 22 տարվա վաղեմության ձայնագրություն էր հրապարակել, որտեղ կանխատեսել էր Ուկրաինայի նախագահական ընտրություններում հումորիստի հաղթանակը։
