Սերգեյ Փարաջանով

Ես նրան կոնյակ նվիրեցի, իսկ նա ինձ` սրբապատկեր. բուլղարացի ռեժիսորը` Փարաջանովի մասին

81
Նիկոլա Կորաբովը պատմում է Փարաջանովի հետ հանդիպման և Տարկովսկուց ու Աբուլաձեից ստացած տպավորությունների մասին:

ԵՐԵՎԱՆ, 24 մայիսի — Sputnik. Կինոռեժիսոր Սերգեյ Փարաջանովը մնացել է որպես կինոյի հրաշագործ: Այդպես է բնութագրել հայտնի ռեժիսորին իր հուշերի գրքում բուլղարացի դերասան և ռեժիսոր Նիկոլա Կորաբովը: Կորաբովի հիշողություններից հատված է մեջբերում բուլղարական «Սոֆիա պրես» պարբերականը:

Ուրախության պրոֆեսորն ու ծիծաղով բուժող Արմեն Խոստիկյանը

Վերջերս կյանքից հեռացած Կորաբովը մի քանի անգամ եղել է ԽՍՀՄ-ում: Այստեղ նա, իր բնորոշմամբ, հանդիպել է երեք հրաշքների` Անդրեյ Տարկովսկուն, Թենգիզ Աբուլաձեին, Սերգեյ Փարաջանովին:

Կորաբովը Փարաջանովի հետ հանդիպել է 1987-ին Թբիլիսիի կինոփառատոնում: Փառատոնի առաջին երեկոներից մեկը նվիրված էր Անդրեյ Տարկովսկուն: Դրանից մի ամիս առաջ նա հեռացել էր կյանքից: Այստեղ ցուցադրել են նրա վերջին ֆիլմը` «Զոհաբերությունը»: Ինչպես նշում է Կորաբովն իր հուշերում, դա գլուխգործոց է:

«Ինչ–որ մեկը մեջբերում է Ինգմար Բերգմանի խոսքը. «Տարկովսու առաջին ֆիլմերի հետ ծանոթությունը հրաշքի տպավորություն է թողնում: Կարծես հայտնվել եմ սենյակի շեմին, որի բանալին մինչև հիմա չունեի: Տարկովսկին նոր օրգանիկ կինոլեզվի ստեղծող է, որում կյանքը ներկա է հայելու, երազի նման»», – հիշում է նա:

Փառատոնում երկրորդ հրաշքը Թենգիզ Աբուլաձեի «Ապաշխարություն» ֆիլմն էր: Այդ օրերին հայտնի է դարձել, որ ֆիլմն արժանացել է Կաննի կինոփառատոնի Գրան պրիի: Ռեժիսորը հաղթանակով Փարիզից վերադառնում է Թբիլիսի: Որպես միֆ` պատմում են այն մասին, որ ֆիլմը նկարել են Շևարդնաձեի անձնական աջակցությամբ, իսկ նեգատիվը պահել են արտասահմանում, մինչև Գորբաչովը չի թույլատրել ֆիլմը ցուցադրել ԽՍՀՄ–ում:

Մնում էր երրորդ հրաշքը` Փարաջանովը: Եվ նա ապրել է փառատոնի դահլիճից մի քանի հարյուր մետր հեռավորության վրա:

«Թբիլիսիում գտնվելու վերջին երկու օրերին ես կարողացա ծանոթանալ նրա հետ: Նա ապրում է եռահարկ շենքում` խիտ բնակեցված մարդկանցով: Բարձրանում եմ վերև: Առաստաղի փայտե գերանները ճռռում են: Կախարդի կացարանի մուտքը: Նա ինձ գրկաբաց է ընդունում` մեծ ոգևորությամբ: Նա իսկապես նման է կախարդի, նույնիսկ սև երկար վերնաշապիկ է հագել», – պատմում է բուլղարացի ռեժիսորը:

Ուրիշ Օրբելյաններ չկան, իսկ ուրիշ Ղարիբյան կգտնվի՞. կրքեր մշակույթի շուրջ

«Ես հանճար եմ և շուտով կմահանամ քաղցկեղից: Բոլոր հանճարները մահանում են դրանից: Տարկովսկին էլ մահացավ դրանից», – նման «կայտառ» նոտայից է Փարաջանովը սկսում զրույցը:

Կորաբովը նրան համեստ նվեր է տարել` շոկոլադ և «Բուլղարիա» կոնյակ: Ցավոք, պատասխանել է Փարաջանովը, նրան չի կարելի քաղցր ուտել, չի կարելի խմել: Հիվանդությունը...

Փարաջանովն ինձ երեք սցենար է պատմում իր բանտային կյանքից: «Եթե դրանցից թեկուզ մեկը հաջողվի նկարել… Սոլժենիցինը դրանց հետ համեմատած, խակ պատանի կթվար»:

«Նույնիսկ ես` որպես դերասան, որը դերասանի կերպարի իսկության կողմնակից է, չէի կարող նման բան պատկերացնել: Մի անգամ, երբ նա բանտախուցը մաքրելու հերթապահ է եղել, հսկիչները նրան մտցրել են սառցե ջրի մեջ: Ջուրը հասել է մինչև ծնկները: Նա ամբողջ գիշեր շարժել է ոտքերը, թպրտացել, որպեսզի ողջ մնա...», – պատմում է Կորաբովը:

Լուսադեմին վերջին հանդիպումից առաջ Փարաջանովը բուլղարացի հյուրին նվիրել է Սուրբ Նիկոլայ Հրաշագործի սրբապատկերը` մաղթելով. «Թող նա թևեր տա քեզ կյանքում և արվեստում»:

«Խոնարհվում եմ քո առաջ, մեծ տառապյալ և անհավանական կինոռեժիսոր: Ես իմ համեստ աշխատանքում շատ բաներով պարտական քեզ և քո երկու ընկերներին` Տարկովսկուն և Աբուլաձեին»,– գրում է Կորաբովը:

81
թեգերը:
Սերգեյ Փարաջանով, կինո
Ըստ թեմայի
«Մեչիտովը կարծում է, որ Փարաջանովն ինքն է, բայց Փարաջանովը ես եմ»
Թե ինչպես աղքատ ուսանողներ Փարաջանովն ու Անդրանիկյանը ծանոթացան ավտոբուսում
Փարաջանովը` պետերբուրգյան լուսանկարչի օբյեկտիվում
Երևան

Առաջիկա օրերին տեղումների չսպասեք. եղանակի տեսություն

60
(Թարմացված է 09:16 31.10.2020)
Օդերևութաբանների կանխատեսումներով` առաջիկա օրերին հանրապետության տարածքում ջերմաստիճանի կտրուկ փոփոխություն չի սպասվում։

ԵՐԵՎԱՆ, 31 հոկտեմբերի – Sputnik. Հանրապետության տարածքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Տեղեկությունը հայտնում է ՀՀ ԱԻՆ «Հիդրոմետ» ծառայությունը` հավելելով, որ քամին հարավարևմտյան է՝ 3-8 մ/վ:

 Եղանակի կանխատեսում
Եղանակի կանխատեսում

Երևան քաղաքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Մայրաքաղաքում հոկտեմբերի 31-ի գիշերային ժամերին կգրանցվի 10-12 աստիճան տաքություն, իսկ ցերեկը կլինի + 23...+25 աստիճան։

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

 

60
թեգերը:
Երևան, Արցախ, Հայաստան, եղանակ
թեմա:
Եղանակը Հայաստանում
Մարիաննա Թևոսյան

«Իմ էրեխեքը խաղաղություն կբերեն». արցախցի կինը զույգ տղաներ է լույս աշխարհ բերել Երևանում

1919
(Թարմացված է 00:15 31.10.2020)
26-ամյա Մարիաննա Թևոսյանը երրորդ անգամ է ծննդաբերում։ Մայրն ու փոքրիկներն իրենց լավ են զգում։

Երկնագույն փուչիկներ` «Ես լավ տղա եմ» գրությամբ, ծաղիկներով կանայք, որոնք Երևանի Մոր և մանկան առողջության պահպանման գիտահետազոտական կենտրոնում սպասում են երկվորյակների հետ հանդիպմանը․ այս իրանցման «հեղինակները» երկու նորածին արցախցիներն են։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

Տղաները լույս աշխարհ են եկել հոկտեմբերի 27-ին կեսարյան հատման ճանապարհով։ 26-ամյա մոր՝ Արցախի Մարտակերտի շրջանի Արջաձոր գյուղի բնակիչ Մարիաննա Թևոսյանի համար սա երրորդ հղիությունն էր։ Նա նաև 6 տարեկան որդի ու 5 տարեկան դուստր ունի։

«Մեկի անունը Դենի է, մյուսինը` Դանիել։ Պապայի խնդրանք է»,– Sputnik Արմենիայի հետ զրույցում ասում է Մարիաննան ու հերթով գրկում նորածիններին։

Տղաները հյուրերի մոտ իրենց «լավ են պահում»․ գրեթե չեն լացում ու արագ քնում են։ Մարիաննան խոստովանում է` սկզբում մտավախություն ուներ, որ չի կարողանա տարբերել փոքրիկներին, բայց մոր սիրտը երբեք չի սխալվում...

–Դենին կարծես թե ավելի ակտիվ է, - ասում եմ ես։ Մարիաննան հաստատում է` ճիշտ եմ նկատել։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

«Նորածին աղջկաս կնքելու ենք Ղազանչեցոցում». արցախցի կինը վստահ է` ամեն ինչ լավ է լինելու

Երիտասարդ մայրը պատմում է, որ ընտանիքի հայրը պատերազմի առաջին իսկ օրվանից առաջնագիծ է մեկնել, բայց ուրախալի լուրը կարողացել է հայտնել նրան։ Մարիաննայի խոսքով՝ երբ մարտական գործողությունները սկսվեցին, նրանք մտածում էին, որ ամեն ինչ 2016 թվականի քառօրյա ապրիլյան պատերազմի պես կլինի։ Սակայն հոկտեմբերի 1-ին պարզ դարձավ, որ էսկալացիան մեկ–երկու օրում չի ավարտվի, նրանք որոշեցին ժամանակավորապես տեղափոխվել Հայաստան։ Կինն ու երեխաները ապաստանեցին ազգականների տանը՝ Այգեշատ գյուղում։

Բազմազավակ մայրը վստահ է, որ նորածիններն Արցախին խաղաղություն կբերեն։

  • Արցախցի կինը զույգ տղաներ է լույս աշխարհ բերել Երևանում
    Արցախցի կինը զույգ տղաներ է լույս աշխարհ բերել Երևանում
    © Sputnik / Asatur Yesayants
  • Արցախցի կինը զույգ տղաներ է լույս աշխարհ բերել Երևանում
    Արցախցի կինը զույգ տղաներ է լույս աշխարհ բերել Երևանում
    © Sputnik / Asatur Yesayants
1 / 2
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

«Շատ ենք ուզում վերադառնալ տուն՝ Արցախ։ Ես միշտ ասում էի` իմ էրեխեքը կծնվեն ու Արցախին խաղաղություն կբերեն։ Մինչև հիմա էլ այդ հույսով եմ», - արցունքն աչքերին խոստովանում է Մարիաննան։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

Փոքրիկների տատը՝ Լաուրա Մարկոսյանը, ասում է, որ երկվորյակների պապը ղարաբաղյան առաջին պատերազմի ժամանակ է մահացել՝ 1992 թվականի հոկտեմբերի վերջին։ Այն ժամանակ տղաների ապագա հայրը յոթ տարեկան է եղել։

«Փոքրիկները պապը մահացավ հոկտեմբերի վերջին, նրանք ծնվեցին հոկտեմբերի վերջին», - նշում է Մարկոսյանն ու ավելացնում` դրա մեջ խորհրդանշական բան կա։

Մոր և մանկան առողջության պահպանման գիտահետազոտական կենտրոնի փոխտնօրեն Արմեն Գասպարյանն էլ Sputnik Արմենիայի հետ զրույցում ասում է, որ Մարիաննան հղիության 35-րդ շաբաթում է առաջին անգամ իրենց մոտ եկել։

«Մենք անցկացրինք անհրաժեշտ բոլոր հետազոտությունները։ Քանի որ տղաները պետք է մինչև 39-րդ շաբաթը ծնվեին, 37-րդ շաբաթվա ընթացքում նրան պառկեցրինք մեզ մոտ, կեսարյան հատում արեցինք», - նշում է նա։

Գասպարյանի խոսքով՝ մոր և երեխաների վիճակը լավ է։

Заместитель директора научно-исследовательского центра охраны здоровья матери и ребенка Армен Гаспарян
© Sputnik / Asatur Yesayants
Արմեն Գասպարյան

Սեպտեմբերի 27-ին սկսված պատերազմից ի վեր նրանց հիվանդանոցում արդեն 16 արցախցի է ծնվել։

1919
թեգերը:
տեսանյութ, երեխա, Արցախ
Ըստ թեմայի
Գնել Սանոսյանն այցելել է Գավառի ծննդատանը լույս աշխարհ եկած արցախցի Մոնթեին
Արցախում Ադրբեջանի թիրախը ժողովուրդն է՝ նորածիններ, մայրեր, տարեցներ. ԱԳՆ
Շատ էին իրար սիրում... Արցախում զոհված Վահեի և վթարից մահացած Շուշանի կյանքի պատմությունը
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Ադրբեջանի ղեկավարությունն ի վիճակի չէ կատարել իր իսկ պարտավորությունները. Նիկոլ Փաշինյան

22
(Թարմացված է 13:28 31.10.2020)
Նիկոլ Փաշինյանն անդրադարձել է համատեղ ձեռք բերված պայմանավորվածությունը հերթական անգամ Ադրբեջանի կողմից խախտելուն։

ԵՐԵՎԱՆ, 31 հոկտեմբերի - Sputnik. Ադրբեջանի ղեկավարությունն ի վիճակի չէ կատարել իր իսկ պարտավորությունները։ Twitter–ի իր էջում նման գրառում է արել վարչապետ Նիկոլ Փաշինյանը։

«Չնայած ձեռք բերված պայմանավորվածությանը` չհարձակվել քաղաքացիական բնակչության և քաղաքացիական ենթակառուցվածքների վրա, վաղ առավոտից Ադրբեջանը վերսկսել է ռմբակոծել Շուշին և Ստեփանակերտը»,–գրել է Փաշինյանը։

Նա հայտնել է նաև, որ Արցախի քաղաքացիական բնակչությունն Ադրբեջանի գլխավոր թշնամին ու թիրախն է։

​Նշենք, որ հոկտեմբերի 30-ին Ժնևում ԵԱՀԿ Մինսկի խմբի համանախագահներն առանձին և միացյալ հանդիպումներ են անցկացրել Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Ջեյհուն Բայրամովի հետ:

Այսօր առավոտյան ՊԲ–ն հայտնեց, որ ադրբեջանական ուժերը թիրախավորել են Ստեփանակերտի կենտրոնական շուկան, ինչի հետևանքով ավերվել է հանրային նշանակության ենթակառուցվածքի մի մասը, նյութական մեծ վնաս է պատճառվել խաղաղ բնակչությանը:

Պայթյունի հետևանքով ավերվել է նաև բնակելի տուն՝ ամբողջ գույքով: Մասնակի վնասվել են նաև հարևանությամբ գտնվող բնակարանները:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

22