Ուրախութեան փրոֆէսորն ու ծիծաղով բուժող Արմէն Խոստիկեանը
(Թարմացված է 21:09 22.05.2019)
Ժողովրդական արուեստագէտ ու այդ կոչման բովանդակութեան լիովին համարժէք` հայրենակիցներու սէրը, յարգանքն ու ճանաչումը վայելող դերասան Արմէն Խոստիկեանի ծննդեան օրն է: Այո, մեր ու մեր ծնողներու, տատիկ-պապիկներու սիրելի դերասան Արմէն Խոստիկեանն այսօր կը բոլորէր 90-ամեակը:Արմեն Հակոբյան, Sputnik Արմենիա
Դժուար է ըսել, թէ հայրենի թատրոնի բեմը, նաեւ սինեման ինչպէս կը լրացնէր խոստիկեանական ուրոյն հմայքը, եթէ ինք` Արմէն Խոստիկեանը հեռաւոր 1947-ին շարունակէր ուսանիլ բժշկական համալսարանին մէջ: Ան, անկասկած, ամենասրտամօտ ու ամենակարեկից բժիշկը կ’ըլլար իր հիւանդներուն ու այցելուներուն համար: Ու դարձեալ` շատ սիրուած:
Բայց, ինչպէս ժամանակակիցները կը յիշեն, օր մը բժշկականի դասախօսութիւններէն մէկուն ժամանակ ուսանող Խոստիկեան վատ կը զգայ ֆորմալինի լուծոյթի դեղի հոտէն: Եւ, եթէ դասախօսը բարձրաձայն կը մտածէ, թէ անկէ բժիշկ դուրս չի գար, ընկերներէն մէկը աւելի բարձրաձայն կը նկատէ, որ Արմէնը արուեստագէտ է:
Պատմութեան անյայտ մնացած է, թէ այդ ընկերը յետագային ինչ յաջողութիւններու հասած է բժշկութեան ասպարէզին մէջ, բայց ակներեւ է, որ Արմէն Խոստիկեանի վերաբերեալ «ախտորոշումը» առաւել քան դիպուկ եղած է ու նաեւ` ցմահ:
Եւ Արմէն Խոստիկեան 1947-ին արդէն Երեւանի գեղարուեստա-թատերական հիմնարկի դերասանական բաժանմունքի ուսանող էր` Արմէն Գուլակեանի մօտ:
Այն ժամանակ, երբ Արմէն Խոստիկեան բեմ ելաւ, հայրենի թատրոնին ու սինեմային մէջ չկային «աստղեր», այլ կային Մեծեր. իսկապէս` Մեծեր:
Իսկ Արմէն Խոստիկեան իւրայատուկ հմայքով, ինչպէս կ’ըսեն` «աստղով» դերասան էր:
Այնպիսին, որ նոյնիսկ դրուագային կերպարներ մարմնաւորելով կը յիշուի, կը տպաւորուի, կ’ուրախացնէ: «Ոսկէ ցլիկը», «Նուագախմբի տղաները» եւ այլ ֆիլմերու մէջ, հեռուստամանրապատումներուն կամ տօնական երեկոյթներուն անոր արտասանած խօսքերը , կարելի է ըսել` միանգամէն «թեւաւոր խօսք» կը դառնային:
Ըլլար այդ «մարդը հասց կտրեց, կնիկը` ջուրս», թէ` «միլիոն» ցլիկին ուղղուած յանդիմանանքը դաւաճանութեան վրաբերեալ:
Ինչ խօսք, Արմէն Խոստիկեան տասնամեակներու ընթացքին բազմաթիւ ու բազմատեսակ կերպարներ մարմնաւորած է թատրոնի եւ սինեմայի մէջ, նաեւ հեռուստածրագրերուն հանդէս գալով:
Բայց հիմնականը, ինչ կը ցանկայինք ընդգծել մեծ դերասանի 90-ամեայ յոբելեանի առթիւ` սրտանց շնորհակալութիւնն է ու երախտագիտութեան զգացումը:
Շնորհակալութիւն` յատկապէս անուրախ տարիներուն մարդոց անսահմանափակ քանակութեամբ ժպիտ պարգեւելու ու լաւատեսութիւն հաղորդելու համար, ուրախութեան փրոֆէսոր եւ ծիծաղով բժշկող սիրելի Արմէն Խոստիկեան:
Շնորհաւոր տարեդարձդ:
թեգերը:
«Մեռած ենք, թաղած չենք». գերիների հարազատները փակել են Շիրակի մարզպետարանի մուտքը
(Թարմացված է 18:16 03.03.2021)
Ադրբեջանում հայտնված գերիների ծնողները վրդովված են, ասացին, որ պատրաստվում են դիմել ծայրահեղ քայլերի:ԵՐԵՎԱՆ, 3 մարտի- Sputnik, Արմենուհի Մխոյան. Շիրակցի գերիների հարազատները փակել են Շիրակի մարզպետարանի դուռը: Նրանք կեսօրից սկսած նստել են մարզպետարանի մուտքի դիմաց և աստիճաններին ու պահանջում են հստակ պատասխան, թե երբ են իրենց որդիները վերադարձվելու Հայաստան:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
«Այս ակցիան մեր երեխաների համար է, ուզում ենք իմանալ, թե երբ են բերելու մեր տղաներին` հստակ ժամանակ ենք պահանջում։ Ո՞վ է բերելու մեր տղաներին, ե՞րբ՝ ոչ մի բան չգիտենք»,-մեզ հետ զրույցում ասաց գերիներից մեկի մայրերը:
Գերիների ծնողները վրդովված են, որ իրենց մինչ այս պահը հստակ պատասխան չեն տվել, միայն հորդորել են համբերել ու սպասել: «Բայց էս մոլորությամբ ինչքան կարելի է սպասել: Գոնե իմանանք` ինչ է կատարվում: Հա ասում են` այս ամսվա վերջին կբերենք, մյուս ամսվա 15-ին կբերենք: Ասենք թե մենք այստեղ սպասենք, բա էն երեխեքը այնտեղ, ինչպե՞ս կսպասեն, հլը իրենց վիճակը պատկերացրեք»,-լրագրողների հետ զրույցում ասացին ծնողները:
©
Photo : official site of the President of RF
Ինչպես նախկինում այս անգամ ևս հարազատները վստահեցնում են՝ ոչ մի քաղաքական պահանջ ու ենթատեքստ իրենց ակցիաները չունեն՝ միայն պահանջում են որդիների վերադարձը:
«Մեզ միայն մեր երեխաների հարցի լուծումն է պետք: Մեզ թող պատասխան տան, կամ ՀՀ վարչապետը մեզ ընդունի ու հստակ պատասխան տա մեր երեխաների ճակատագրի մասին: Էլ հնարավոր չէ սպասել: Հա՛մ խնդրում, հա՛մ պահանջում ենք: Մեռած ենք, թաղած չենք»,-նշեցին մայրերը:
Անդրադառնալով ՀՀ վարչապետի հետ օրեր առաջ Գյումրիում կայացած հանդիպմանը` ծնողները վստահեցրին՝ հստակ պատասխաններ չեն ստացել: «Արդեն 80 օր մեր երեխաներին չենք տեսել, ինչքան երկարեց, այնքան մեր տղաների վիճակը վատանալու է: Մենք ինչպես մեր երեխաներին հանձնել ենք իրենց, թող այդպես էլ սաղ-սալամաթ բերեն մեզ վերադարձնեն: Մեզ համար ցավալին այն է, որ մեր տղաները գերեվարվել են հրադադարից հետո»:
©
Sputnik / Armenuhi Mkhoyan
Գերիների հարազատները փակել են Շիրակի մարզպետարանի մուտքը
Հիշեցնենք, որ նախորդ ակցիայի ժամանակ գերեվարված զինվորների ծնողները պահանջել էին հանդիպում ՀՀ և ԱՀ նախագահների հետ: Ասացին` մինչ օրս ոչ մեկի կողմից արձագանք չի եղել: Ծնողները վստահեցրին՝ եթե վաղը չստանան իրենց հարցերի պատասխանները, կամ էլ իրենց վարչապետը չընդունի, կդիմեն ծայրահեղ քայլերի: Թե ինչ քայլերի, նախընտրեցին գաղտնի պահել։
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը:
Պարոն Փաշինյան, ո՞նց եք. ընդդիմադիր պատգամավորը որոշեց խոսեցնել վարչապետին
(Թարմացված է 18:42 03.03.2021)
Պատգամավորին արձագանքեց ԱԽ փոխնխագահ Ալեն Սիմոնյանը` առաջարկելով այդ հարցը գրավոր ուղարկել։
Այն բանից հետո, երբ այսօր ԱԺ–ում կառավարության հետ հարցուպատասխանի ժամին ՀՀ վարչապետը հրաժարվում էր պատասխանել պատգամավորների` իրեն ուղղված հարցերին ու նրա փոխարեն պարբերաբար ամբիոնին էր մոտենում փոխվարչապետ Տիգրան Ավինյանը, ընդդիմադիր «Լուսավոր Հայաստան» խմբակցության անդամ Գևորգ Գորգիսյանը որոշեց այնպիսի հարց տալ, որին բացի Փաշինյանից ուրիշ ոչ ոք չէր կարող պատասխանել։
©
Sputnik / Aram Nersesyan
«Պարոն Փաշինյան, ո՞նց եք»,– Փաշինյանին հարց ուղղեց Գորգիսյանը։
Բայց անգամ այս հարցին վարչապետը չցանկացավ պտասխանել։ Փոխարենը պատգամավորին արձագանքեց ԱԺ փոխնախագահ Ալեն Սիմոնյանը` ասելով. «Առաջարկում եմ` այդ հարցը գրավոր ուղարկեք»։
Գորգիսյանը պնդեց. «Թույլ տվեք, թող կառավարությունը պատասխանի, պարո՛ն Սիմոնյան»։
ԱԺ փոխնախագահն ու կառավարության անդամներն, այնուամենայնիվ, մնացին անդրդվելի։
Փոխարենը Նիկոլ Փաշինյանը պատասխանեց հերթագրված 29 պատգամավորներից միայն վերջինի` անկախ պատգամավոր Արման Բաբաջանյանի հարցին։
Փաշինյանը վերջապես խոսեց. նա ընդդիմության ղեկավարներին հրավերներ է ուղարկել
թեգերը: