Աշխատանքային գաղութ Ռուսաստանի Դաշնությունում

Քրեական հեղինակություն Գուլին մարտահրավեր է նետել Ասատրյանին

1153
(Թարմացված է 20:51 15.05.2019)
Չսպասելով վերջնական որոշմանը` Կվինիխիձեն սկսել է դատապարտյալների շարքում ձայնային հաղորդագրություններ տարածել, որոնցում պնդել է, որ կրկին ստացել է «օրենքով գողի» տիտղոսը։ Նա վկայակոչել է Կալաշովին և Սալիֆովին։ Ասատրյանին դա դուր չի եղել։

ԵՐԵՎԱՆ, 15 մայիսի — Sputnik. Ադրբեջանցի քրեական հեղինակություն Նադիր Սալիֆովը, որը որոշ շրջաններում հայտնի է որպես Լոտու Գուլի, մարտահրավեր է նետել թբիլիսցի ազդեցիկ հեղինակություն Էդուարդ Ասատրյանին (Էդիկ Օսետրինա)։ Այդ մասին հաղորդում է «Պրայմ Քրայմ» գործակալությունը։

Հեղինակությունների միջև տարաձայնության պատճառ է դարձել թագազրկված օրենքով գող, 36–ամյա Բեսիկ Կվինիխիձեն (Բեսո Ռուստավսկին)։ Նրան թագադրել են 2013թ–ին, բայց արդեն մեկ տարի անց զրկել են գողական տիտղոսից նրա համար, որ նա արդեն թագադրումից առաջ որոշ փաստեր է թաքցրել իր կենսագրության մասին` խաբելով օրենքով գողերին։

Կվինիխիձեն երկու ժամկետ նստել է  բանտում սովորական դատապարտյալի կարգավիճակով և հիմա երրորդ անգամ ազատազրկվել է և գտնվում է Սարատովի մարզի «Պանիցկայա» կայանի N 7 հատուկ ռեժիմի գաղութում։ Գաղութում նախկին օրենքով գողը սկսել է պարծենալ, որ պաշտպանել է դատապարտյալներին, որոնց նախկինում իբր սպանում կամ տանջում էին։

Երբ այդ լուրերը հասել են 33–ամյա օրենքով գող Շալվա Օզմանովին (Կուսյա)` Շաքրո Մոլոդոյի ազգականին, նա հանդես է եկել Կվինիխիձեին գողական տիտղոսը վերադարձնելու նախաձեռնությամբ։ Նրան աջակցել է Ադրբեջանի օրենքով գող, 46–ամյա Սալիֆովը։

Չսպասելով վերջնական որոշմանը` Կվինիխիձեն սկսել է դատապարտյալների շարքում ձայնային հաղորդագրություններ տարածել, որոնցում պնդել է, որ կրկին ստացել է «օրենքով գողի» տիտղոսը։ Նա վկայակոչել է Կալաշովին և Սալիֆովին։ Ասատրյանին դա դուր չի եղել։

Դա ուր չի եղել շատ մոսկովյան հեղինակությունների, իսկ ամենից շատ զայրացել է 50–ամյա Ասատրյանը։

Նրանց միջև կայացել է հեռախոսազրույց։

«Կամ պարզիր այդ հարցը, կամ օրենքով գող մի ներկայացիր», – նշել է Սալիֆովը։ Կվինիխիձեի հետ իրավիճակի առթիվ Ադրբեջանի գլխավոր գողը խորհուրդ է տվել հապճեպ հետևություններ չանել և սպասել նրա ազատվելուն։ Ասատրյանը պատասխանել է, որ ոչինչ չգիտի Կվինիխիձեի արժանիքների մասին։

Արդյունքում առաջնորդի հատկանիշներով օժտված երկու օրենքով գողերի միջև բախում է եղել։ Ինչ վերաբերում է Կվինիխիձեին, ապա նրան գողական տիտղոս վերադարձնելու հարցն անորոշ ժամանակով հետաձգվել է։

1153
թեգերը:
Ռուսաստան
Ըստ թեմայի
Քրեական հեղինակություն Վստրեչի ապերը համաներումով ազատ արձակվեց դատարանի դահլիճից
Կիևի ոստիկանությունը ձերբակալել է օրենքով գող Ուսոյանին. տեսանյութ
Օրենքով գող Արթուր Ղարիբյանին (Կրասնոդարսկի) Մոսկվայում ձերբակալել են
Նույնիսկ հրդեհը նրան չկոտրեց. ինչո՞ւ կոշկակար Գագիկը Օմսկից չի մեկնում
«Արարատ» ֆուտբոլային ակումբ

Կորոնավիրուսով են վարակվել «Արարատ» ակումբի ֆուտբոլիստներն ու մարզիչները

3
(Թարմացված է 17:54 15.08.2020)
Համավարակի պատճառով հետաձգվել է օգոստոսի 15-ին նախատեսված «Արարատ-2»–«Ալաշկերտ-2» հանդիպումը։

ԵՐԵՎԱՆ, 15 oգոստոսի – Sputnik. «Արարատ» ֆուտբոլային ակումբի 8 ֆուտբոլիստի և 3 մարզչի մոտ կորոնավիրուս է հայտնաբերվել։ Տեղեկությունը հայտնում են։ Տեղեկությունը հայտնում է ակումբի մամուլի ծառայությունը։

«Ցավոք, կորոնովիրուսային համավարակը չշրջանցեց նաև «Արարատ» ֆուտբոլային ակումբին։ Օգոստոսի 14-ին «Արարատի» անձնակազմն ու գլխավոր թիմի տրամադրության տակ գտնվող ֆուտբոլիստները կորոնավիրուսային թեստ են հանձնել, որի արդյունքում ութ ֆուտբոլիստի ու երեք մարզչի մոտ ստացվել է դրական պատասխան»,– գրված է ակումբի ֆեյսբուքյան էջում:

Կորոնավիրուսով վարակված ֆուտբոլիստներից երկուսը հայտավորված են «Արարատի», իսկ վեցը՝ «Արարատ-2»-ի կազմում։

Համավարակի պատճառով հետաձգվել է օգոստոսի 15-ին նախատեսված «Արարատ-2» – «Ալաշկերտ-2» հանդիպումը։

Ըստ հաղորդագրության` Հայաստանի Պրեմիեր լիգայի առաջին տուրի «Արարատ» – «Փյունիկ» հանդիպման անցկացումը փոփոխության չի ենթարկվի, և խաղը կկայանա ըստ նախատեսվածի՝ օգոստոսի 16-ին:

«Այս հանդիպման վերաբերյալ հետագա ցուցումներ ստանալու համար ևս «Արարատ» ֆուտբոլային ակումբը դիմել է ՀՖՖ-ին, որտեղից մեզ տեղեկացրել են, որ ըստ 2020/21 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի, խաղը կարող է հետաձգվել միայն երեքից ավելի ֆուտբոլիստի վարակման դեպքում, ուստի «Արարատ»– «Փյունիկ» հանդիպումը չի կարող հետաձգվել»,–նշված է հաղորդագրության մեջ։

Հավելենք, որ «Արարատ-2»-ի մարզչական շտաբն ու ֆուտբոլիստների հիմնական մասը կորոնավիրուսային ՌՆԹ թեստեր հանձնել են այսօր՝ օգոստոսի 15-ին, և արդյունքների մասին կտեղեկանան վաղը:

«Արարատ» ֆուտբոլային ակումբը շուտափույթ ապաքինում է մաղթում վարակված ֆուտբոլիստներն և մարզիչներին։

3
թեգերը:
մարզիչ, ֆուտբոլիստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում սկսվել է կորոնավիրուսի դեմ պատվաստանյութի արտադրությունը
Հայաստանում կորոնավիրուսով վարակվածների թիվն ավելացել է 196-ով և հասել 41495-ի
Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին
ԱԻՆ

Երևանում 28-ամյա քաղաքացին սպառնացել է վնասել իրեն ու տան անդամներին

6
(Թարմացված է 17:36 15.08.2020)
Ահազանգը ստանալուն պես դեպքի վայր են մեկնել փրկարարական ջոկատի անդամները։ Նրանք կանխել են ինքնասպանության փորձը։

ԵՐԵՎԱՆ, 15 օգոստոսի - Sputnik. Երևան քաղաքի Ներքին Շենգավիթի 3-րդ փողոցի տներից մեկի բնակիչը սպառնացել վնասել և՛ իրեն, և՛ տան մյուս բնակիչներին։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնն ահազանգը ստացել է օգոստոսի 15-ին` ժամը 13։37-ին։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։

Երևանում տղամարդ է նետվել շենքից

Փրկարարները կանխել են 28–ամյա քաղաքացու ինքնասպանության փորձը։

Երևանում նախարարի աշխատակազմի ղեկավարի օգնությամբ կանխվել է երիտասարդի ինքնասպանությունը

 

6
թեգերը:
ինքնասպանության փորձ, Երևան, Հայաստան
Ըստ թեմայի
Ավտովթար Երևան-Արմավիր ճանապարհին. «Lexus»-ը կողաշրջվել է
Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին
Երևանում ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին
Ավտովթար Արմավիրի մարզում. տուժածների թվում 3 երեխա կա